Donald Trump, mesti yfirburðamaður á öllum sviðum í sögu mannkyns?

Jú, þetta er þessi maður að eigin sögn,  eins og glögglega má sjá á 2ja mínútna myndbandi, þar sem hann fullyrðir að hann viti nánast alla hluti betur er nokkur annar og sé þar með mesti yfirburðamaður í mannkynssögunni. 

Á netinu hefur verið auðvelt að setja saman 2ja mínútna þulu Trumps, þar sem hann segir fullum fetum að enginn standi honum framar á neinu sviði, hann sé yfirburðamaður í nánast hverju sem er. 

Sennilega hefur aldrei heyrst annað eins frá nokkrum manni í veraldarsögunni. 

Ferill Trumps sýnir hvernig hann hefur alla tíð í krafti síns yfirgengilega stærilætis og hroka efnt til stanslausra illinda og átaka við allt og alla til þess eins að upphefja sjálfan sig. 

Þessi ferill er til dæmis varðaður gjaldþrotum, þar sem Trump hefur samt talið sig hafa farið ævinlega með frækilegan sigur af hólmi. 

Hann hefur meira að segja unnið sigra fyrirfram, svo sem með því að þakka sér það núna, að NATO samþykkti fyrir nokkrum misserum að hækka framlög til hermála. 

Í Bretlandsheimsókn sinni og víðar á opinberum vettvangi lítilsvirðir Trump gestgjafa sína með því að ryðjast fram fyrir þá og gera sig sem breiðastan, sjálft mikilmennið. 

P.S. Nú hefur frést að Pútín láti Trump bíða eftir sér í Helsinki. En Trump á eftir að fara létt með að vinna í hverri þeirri störukeppni sem þar verður boðið upp á.  

 

ESB versti óvinur Trumps

Athugasemdir

[Halldór Jónsson, 16.7.2018 kl. 11:23]

Þið hafið álíka egó þú og Trump

[Már Elíson, 16.7.2018 kl. 22:04]

Nema að Ómar hefur efni á því og kann mannasiði...-  Einhver athugasemd við það, ágæti Halldór ?  -  Það er stigsmunur að hafa egó eða vera svo vitlaus að vita ekki hvenær egó rennur saman við heimsku og verður að bulli. Trump er bara skíthræddur í "vinnunni" sem hann ræður ekki við eða kann. - Bara einfeldingur og kjáni. - Það sést alla leið til Íslands.