Hvað næst? Að jólin byrji um versló með jólaklósetti?

"Við erum að reyna að ná forskoti á keppinautana" segir talsmaður Costco þegar hann er spurður um ástæðu þess að jólin séu hafin þar með tilheyrandi skreytingum og hverju eina í ágúst, fjórum mánuðum fyrir aðfangadag. 

"Jólaskuldir endast fram í mars" var ein setningin í laginu "Þá eru að koma jól", og var þá átt við sérstök jólagjafalán á kreditkortum. 

Úr því að ágúst er á leið að verða jólamánuði virðast aðeins vera eftir rúmir fjórir mánuðir af árinu meeð sæmilegum friði fyrir jólasamkeppninni eða jólakapphlaupinu. 

"Er ekki tími til kominn að tengja?" og brúa bilið yfir sumarið, til dæmis með því að láta "júlísveina" koma til byggða í júlí til að auka jólaverslunina svo um muni og auglýsa "jóla þetta" og "jóla hitt" stanslaust allt árið?

P.S.  Í athugasemd, sem nú er komin við þennan pistil, er greint frá því að fyrir löngu sé komin jólaklósettskreyting á Amazon. Og í svari við þessari athugasemd er því þessi vísa: 

Jólaklósett komið er

að kæta mannabólin.

Hve gleðilegt og gott er hér

að gefa skít í jólin! 

 

 

Jólin eru komin í verslun Costco

Athugasemdir

[Grímur (IP-tala skráð) 27.8.2018 kl. 19:30]

Amazon er löngu byrjað og selja m.a. jólaklósettskreytingu

https://www.amazon.com/D-FantiX-Toilet-Christmas-Decorations-Bathroom/dp/B01IP5NBG6/ref=sr_1_10?ie=UTF8&qid=1535397983&sr=8-10&keywords=christmas+decorations

[Ómar Ragnarsson, 27.8.2018 kl. 19:46]

Jólaklósett komið er

að kæta mannabólin. 

Gleðilegt og gott er hér 

að gefa skít í jólin.