Felldur á Ippon vegna stjörnumerkjanna?

Tóm tjara og í besta falli samkvæmisleikur? Að þessari niðurstöðu var komist í ítarlegri úttekt á stjórnumerkjum og stjörnuspádómum fyir meira en áratug. 

Í grófum dráttum fólst þessi niðurstaða í því að frá því að svonefnd stjörnuspeki kom til skjalanna hefur verið skipt um tímatal og tímbilin hafi því færst til svo að núverandi staða þeirra sé kolröng og þar með allar niðurstöður sem byggist á þeim.

Þetta hafði visst gildi fyrir mig því að í vinsælli afmælisdagabók, sem lýsti helstu einkennum á fólki í tengslum við afmælisdaga, stóð þetta við 16. september, afmælisdag minn og móður minnar:

"Hefur sérstakan áhuga á matseld og fatagerð."Algerlega kolrangt um okkur bæði.

Ég las ritgerðina um dellu stjörnuspekinnar af mikilli athygli, og þegar ég hitt eina hörðustu talskonu hennar skömmu síðar og við fórum að ræð um þessi nýju sannindi, tiltók ég samviskusamlega í smáatriðum hinar pottþéttu sannanir fyrir þessu rugli.

Þegar ég hafði lokið við að fara yfir málið, stóð hún alveg sallaróleg og brosandi fyrir framan mig og við tók dramatísk þögn á meðan hún horfði í augun á mér og spurði:

"Hvenær ertu fæddur, Ómar minn?"

"16. september," svaraði ég.

Aftur útspekúlerið kúnstpása hjá henni áður en hún sagði með sigurbros á vör:

"Er þetta, sem þú segir, ekki klassadæmi um þá endemis smámunasemi og smásálarskap, sem þið í meyjarmerkinu sýnið sí og æ?"

Þögn. Löng þögn. Ekkert svar.

Þetta heitir víst Ippon í júdó, eða Knock out í boxi. 

 

 

 

 

 

 

 

 

 

 

 

Stjörnumerkin sem veita mestu ánægjuna í kynlífinu

Athugasemdir

[Haukur Kristinsson (IP-tala skráð) 31.8.2018 kl. 21:30]

Stjörnuspeki er tómt bull og það er með ólíkindum að fólk sýni þessu áhuga. Enn er verið að vitna í Nostardamus og þvaður hans um ókomna atburði. Við sjáum ekki atburði - "events" - sem hafa ekki gerst. Causality" er alltaf í fullu gildi á milli atburða. Barnið fæðist ekki á undan móðurinni.

[Hörður Þormar (IP-tala skráð) 1.9.2018 kl. 10:46]

Eitt sinn fór ég til spákonu. Ekki man ég betur en að flest hafi komið fram sem hún spáði fyrir mér, nema það að ég næði bara 58 ára aldri.

Þegar ég varð 59 ára þá létti mér nokkuð, en varð þó fyrir hálfgerðum vonbrigðum með spákonuna. En svo datt mér í hug að kannski hefði hún bara víxlað tölustöfum.

Nú er ég orðinn 85 ára og bíð æðislega spenntur!

[Höddi (IP-tala skráð) 1.9.2018 kl. 18:17]

Zodiac hringurinn  endurskoðaður.Merkin færast um mánuð tæpan..Ekki allir sáttir að býtta út stjörnumerki. það breytir samt ekkert lífi þess.

Capricorn — Jan. 20 to Feb. 16 (Dec. 23 to Jan. 21)
Aquarius — Feb. 16 to March 11 (Jan. 22 to Feb. 20)
Pisces — March 11 to April 18 (Feb. 21 to March 19)
Aries — April 18 to May 13 (March 20 to April 20)
Taurus — May 13 to June 21 (April 21 to May 21)
Gemini — June 21 to July 20 (May 22 to June 22)
Cancer — July 20 to Aug. 10 (June 23 to July 22)
Leo — August 10 to Sept. 16 (July 23 to Aug. 22)
Virgo — Sept. 16 to Oct. 30 (Aug. 23 to Sept. 22)
Libra — Oct. 30 to Nov. 23 (Sept. 23 to Oct. 22)
Scorpio — Nov. 23 to Nov. 29 (Oct. 23 to Nov. 22)
Ophiuchus — Nov. 29 to Dec. 17 (not included in the Zodiac)
Sagittarius — Dec. 17 to Jan. 20 (Nov. 23 to Dec. 22)