"Sáuð þið hvernig ég hefði tekið hann!"

"Sáuð þið hvernig ég tók hann" er fræg grobbsetning Jóns sterka eftir að honum er skellt kylliflötum i leikritinu Skugga-Sveini. 

Nú bætir Trump um betur og segir í raun um Osama bin Laden: "Sáuð þið hvernig ég hefði tekið hann!" 

Trump fullyrðir, að af því að hann hafi vitað fyrr en ráðist var á Tvíburaturnana, hvar bin Laden faldi sig, hefði hann geta látið ná honum og drepa hann ef hann hefði verið forseti þá. 

Og væntanlega komið í veg fyrir árásina á Tvíburaturnana og hugsanlega ekki þurft að ráðast inn í Afganistan, úr því að einskis var að hefna.

En í Afganistan eru Bandaríkin enn að moka inn mannskap, hertólum og peningum í endalaust ófriðarástand. 

Er ekki dásamlegt að eiga forseta, sem vinnur stríð aftur í tímann! 

Hefðum átt að ná bin Laden fyrr

Athugasemdir

[Húsari. (IP-tala skráð) 20.11.2018 kl. 09:46]

Sæll Ómar.

Það er ekki auðvelt að átta sig á því
hvers vegna ekki er útvarpað og sjónvarpað
beint frá N-Kóreu allan sólarhringinn
á þessu landi okkar.

Enginn gengur þess dulinn að ekki er ætlast
til að nokkur maður taki mark á því sem sagt er.

Því er löngu tímabært að sérstök rannsóknarnefnd
fjalli um RÚV og fréttaflutning þess og hvort
þetta nátttröll gegni yfirleitt nokkru hlutverki
í nútímaþjóðfélagi.

Menn tala gjarna um eitthvert menningarhlutverk
í þessu sambandi.
Enn er ekki vitað um nokkurn þann vitlausraspítala
að hann hafi ekki verið þess umkominn að sjá um slík
skemmtiatriði sjálfur og engum dottið í hug
að borga krónu fyrir.

[Ómar Ragnarsson, 20.11.2018 kl. 10:36]

Fréttin sú arna birtist raunar á mbl.is og upphaflega á tísti Trumps, svo að vandséð er hvað RÚV hefur með það að gera. 

[Jón Valur Jensson, 20.11.2018 kl. 10:59]

Þessar ítrekuðu prívatglímur þínar við Donald Trump, eins og til að ná að minnsta kosti hælkróki á hann, eru nú að verða dálítið sérkennilegar, Ómar, en eru vissulega í fullum takti við tóninn í Samfóista-álitsgjöfum og Rúvurum síðustu tvö árin. 

Þeir eru náttúrlega enn í sárum og ennþá tapsárari vegna ágæts árangurs Trumps í ýmsum málum, sem aðrir reyndu sig ekki einu sinni við. Þú átt nú eftir að upplýsa lesendur þína á því sviði, Ómar, það er ekki verra, ef þú vilt vera vera svolítið hlutlægur og balanceraður fyrrverandi fréttamaður og þó virkur í skrifum.

Þá er hér ágætur pistill frá fróðum viðskiptablaðamanni, Sigurði Má Jónssyni, sem er ágætur fyrir lesendur þína til að ná áttum: 

• Björguðu efnahagsmálin Trump?

= https://www.mbl.is/vidskipti/pistlar/sigurdurmar/2225521/ og fleiri góða hefur hann átt.

[Húsari. (IP-tala skráð) 20.11.2018 kl. 11:02]

Sæll Ómar.

Ekki nenni ég að troða roðinu
í tíkina þrisvar þó þér þyki
gott að hafa barn til blóra.

Margir starfsmanna RÚV eru taldir
hundóánægðir með þróun mála hjá
stofnunni og enn fleiri eru þeir
sem bíða þess eins að hallarbylting
verði gerð og hreinsað til.

RÚV í núverandi mynd er óboðlegt;
annaðhvort er að koma á húsaga
eða loka sjoppunni.

[Jón Valur Jensson, 20.11.2018 kl. 12:22]

Tek undir með húsaranum í þessu efni.

[Miskunsami Samherjin (IP-tala skráð) 20.11.2018 kl. 19:26]

 var einhver að spela með þennan RÚVARA. https://viljinn.is/frettaveita/vard-samherjamalid-til-i-thorrabloti-austur-a-fjordum/

[Þorvaldur S (IP-tala skráð) 21.11.2018 kl. 09:59]

Alveg er með ólíkindum að menn sem virðast stundum með fúlle femm og eru þar að auki háskólamenntaðir skuli geta varið þjóðfíflið fimbulfambandi þarna í Westurheimi, náunga sem hugsandi heimamenn fyrirverða sig fyrir. Það er sama hvar gripið er niður; rakaðir skógarbotnar, eða hroðaleg morð eru réttlætanleg vegna þess að morðingjarnir eru bandamenn, eða Pleasure/Paradise, eða gripið í píkur. Allt ber að sama brunni. 

[Brynjar (IP-tala skráð) 21.11.2018 kl. 10:41]

Hér skrifar Ómar um tíst frá Treumparanum sem birtist á MBL.is.  Svörin sem hann fær eru skítkast út í RÚV, beinar útsendingar frá Norður - Kóreu og svona meiningar um að hann sé sár útaf " góðum árangri Trump.

Engin af ykkur hefur neitt að segja um það sem skrifað var um.  Sem er forseti USA með enn eitt bull tístið.