Alltof mikið um ofsaakstur.

Aukin löggæsla á götum og þjóðvegum er ekki bara spurning um auknar tekjur í ríkiskassann í formi sektargreiðslna, heldur ekki síður spurning um aukið umferðaröryggi og gríðarlegan sparnað, sem fylgir minnkandi tjóni í formi færri umferðarslysa og óhappa.

Þótt síðuhafi sé vegna breyttra verkefna ekki eins mikið á flandri og oftast fyrrum, enda lítið um eldgos eins og er, og breyttur ferðamáti hans hafi fært hann inn í aðra tegund umferðar, eru dæmi um gróf umferðalagabrot, háskaakstur og ofsaakstur alltof áberandi og sum þeirra framkvæmd við þær aðstæður, að viðkomandi ökuníðingur virðist nýta sér ofsahraðann, oft í þéttri umferð, beinlínis til þess að verða horfinn sjónum vitna á sem allra skemmstum tíma. 

Það verður að fara að taka til hendi í þessum málum.

Ökuníðingurinn fundinn

Athugasemdir

[Jón Valur Jensson, 9.1.2019 kl. 04:41]

Og þetta var nú kvenmaður, sem ók svo glæfralega!

[Borgari (IP-tala skráð) 9.1.2019 kl. 16:02]

Í dag er það orðið algjör undantekning ef einhver gangandi vegfarandi sést með endurskinsmerki. Einsog aðstæður voru í morgun þá er það næstum glæpsamlegt

Sumir hjólreiðrarmenn eru líka ljóslausir og með ekkert endurskin.