Verður aftur reynt að fjarlægja sjálfbæra þróun úr textanum?

Á fundum stjórnlagaráðs fór mikill tími í að ræða um þá tillögu okkar Ara Teitssonar að alþjóðlega hugtakið sjálfbær þróun væri lögfest í ákvæði um nýtíngu auðlinda og vernd náttúruverðmæta. 

Þetta var að lokum samþykkt, og munaði þar miklu um liðveislu Ara. 

Í tillögu síðustu stjórnarskrárnefnda Alþingis var hugtakinu sjálfbær þróun hent út úr auðlindaákvæðinu þar sem það átti að sjálfsögðu heima, en í staðinn sett grútmáttlaust og loðið orðalag. 

Meðferð stjórnarskrárnefndarinnar á ákvæðunum um auðlindir og náttúru markaðist af því að steingelda orðalagið á lúmskan hátt með því meðal annars að skjóta inn auka smáorðum eins og "einkum" og "að jafnaði" sem lagatæknar nota til þess að gera lagaákvæði ónothæf. 

Ef enn á að fara að leika sama leikinn nú í ákvæðum um auðlindir og náttúru verður svikið það loforð að hafa ákvæðin sem samþykkt voru í þjóðaratkvæðagreiðslunni i október 2013 verði látin standa með sinni fullu merkingu. 

Fróðlegt verður að sjá hvað muni birtast hjá Katrínu hvað það varðar, því að það verður prófsteinn á það hvort hugur fylgyr máli. 

 

 

 

 

 

 

 

Alþingi samþykki ákvæði um auðlindir

Athugasemdir

[Þjóðólfur í Örorku (IP-tala skráð) 28.8.2019 kl. 20:06]

Þótt þeir séu soldið að maka krókinn í makrílnum þá mun ESB ekkert stefna litla Íslandi út af orkumálum..,eða er það nokkuð? Það væri Katastrófa...

https://www.mbl.is/frettir/erlent/2019/08/05/stefnir_belgiu_vegna_thridja_orkupakkans/

[Thorvaldur Sigurdsson (IP-tala skráð) 28.8.2019 kl. 21:59]

Það þarf kannski að nefna það einu sinni enn að stefna ESB á hendur Belgíu snýst um það að Belgar hafa ekki enn stofnað sjáfstæða eftirlitsstofnun í orkumálum og hafa eftirlitið enn í höndum þeirra sem hafa þarf eftirlit með.

[Öreigur í Hruna (IP-tala skráð) 28.8.2019 kl. 22:13]

Hjálpaðu þér sjálfur, þá hjálpar drottinn þér, það heyrði eg prestinn segja inni´ í fjósinu hjá mér. Svo hafa líka fleiri þenna hjákátlega sið, að hjálpa þeim, sem ekki þurfa neinnar hjálpar við. Og síðan kemur djákninn, og hann á skilið hrós, með hátíðlegum tignarsvip hann skálmar út í fjós, og biður mig að hjálpa til að borga, ,,don´t you see", á bankann ofurlitla skuld, sem guð er kominn í. Káinn 

[Þjóðólfur í Örorku (IP-tala skráð) 28.8.2019 kl. 22:38]

"Sjálfstæða" stofnun í orkumálum? Af hverju heldur þú Þorvaldur að Belgar kæri sig ekki um þessa ESB stofnun? Þeir vilja ráða sínum orkumálum sjálfir, en eru lentir í O3 gildrunni sem egnd er nú fyrir Ísland í með samþykki þingflokka, en klárlega gegn þjóðarvilja og með aðför að lýðræðinu!

[Þorvaldur Sigurðsson (IP-tala skráð) 29.8.2019 kl. 11:03]

Sú stofnun er ekki yfirþjóðleg; hún er sett saman af Belgum sjálfum og fjármögnuð af þeim. Þetta er gert til að koma í veg fyrir stjórnmála og atkvæðaspillingu heima fyrir. En í Belgíu eru smákóngar, eins og víðar, sem ekki vilja missa spón úr sínum aski. ERða, eins og Björn Bjarnason orðaði það: "Í málinu kristallast það sem einkennir evrópska orkumarkaðinn. Skil eru gerð milli flutningsaðila og orkuframleiðanda og sjálfstæður þriðji aðili sér til þess að farið sé að settum leikreglum. Eftirlitsaðilinn á ekki að lúta boðvaldi stjórnvalda til að hindra að önnur sjónarmið en þau sem ráðast af forsendum settra markaðs- og tæknireglna gildi. Sætti menn sig ekki við niðurstöðu eftirlitsaðilans á heimavelli skulu þeir innan gagnsæs kerfis hafa tækifæri til að áfrýja ákvörðun hans til dómstóla eða annars sjálfstæðs aðila. "