Putin getur það, en Mendes-France ekki. Rauðvínsrauðu augun.

Líklega var Pierre Mendes-France fyrsti ráðamaðurinn í nútíma ríki, sem skar opinberlega upp herör gegn áfengisdrykkju. 

Hann var forsætisráðherra Frakka 1954-55 og réðist í tvö erfið verkefni: Að binda enda á stríðið í Víetnam og draga franska herinn þaðan, og minnka víndrykkju Frakka, sem þá var sú langmesta í heimi. 

Að vísu tókst fyrra ætlunarverkið að hluta til í bili, en hið síðara varð M-F ofviða, enda var valdtíð hans stutt og samsteypustjórn hans veik. 

Mendes-France hafði alls staðar mjólk um hönd í stað víns, hvar sem hann fékk einhverju ráðið um veitingarnar og hélt sjálfur eins oft á mjólkurglasi og honum var unnt. 

En allt kom fyrir ekki. 

Nú virðist Putin hafa náð meiri árangri hjá þjóð, sem hefur lengi verið í vandræðum með vínið, enda hefur Putin haft miklu meiri og langvinnari völd en Mendes-France hafði. 

P. S. Í athugasemdum má sjá hvað átt er við í fyrirsögn pistilsins með orðunum: "Rauðvínsrauðu augun."

43% samdráttur í áfengisneyslu

Athugasemdir

[Haukur Kristinsson (IP-tala skráð) 2.10.2019 kl. 19:40]

Frakkar drekka létt vín (borðvín)sem eru þetta 12-13%. Rússar hinsvegar vodka, 40-45%. 

[El Acróbata (IP-tala skráð) 2.10.2019 kl. 21:01]

 Mjólk er fyrir kálfa!

En að öll gamni slepptu þá mun Pútín fljótt missa völdin ef hann heldur áfengi of dýru.

[Ómar Ragnarsson, 2.10.2019 kl. 21:46]

Áfengisneysla Frakka var ekki mæld í lítrum heldur áfengismagninu sjálfu og var alveg ótrúlega há tala.  Ég kynntist hluta af vandanum 1982 þegar við Jón fórum á fund manns í París, sem var tengiliður okkar við Renault verksmiðjurnar. 

Fram að því hafði verið afar erfitt að ná símasambandi við manninn, en þegar ég sagði Albert Guðmundssyni frá því, spurði hann:  Hvenær dagsins hringirðu?

Eftir hádegi svaraði ég. Klukkan er á undan í Frakklandi og hringdu strax og hann á að vera kominn í vinnu. 

Eftir þetta náði ég alltaf sambandi við hann. 

Svo fórum við á fund hans skömmu fyrir hádegi, og hann bauð okkur að koma með sér á flottan veitingastað skammt frá í hádegisverð. 

Þegar við komum til baka var hann ansi rauðeygður og datt fljótlega sofandi fram á borðið.