Vaxandi flækjustig og minnkandi reynsla er varasöm blanda.

Nú er búið að rekja þá atburðarás og tengja saman þau níu atriði, sem misfórust í fyrra slysinu á Boeing 737 Maxx. Eins og oft gerist í slysum er það röð mistaka sem leiða til slyssins, og oft nægir að eitt atriði af mörgum hafi ekki verið til staðar til þess að koma í veg fyrir slysið. 

Tvö undirliggjandi atriði í viðbót má nefna í því sambandi. Annað er tengt þeim orðum Henry Ford, að "það sem ekki er í bílnum bilar aldrei" og ljóst er að ef ekkert MCAAS kerfi hefði verið í þotunum tveimur, sem fórust, hefði ekkert slys orðið. 

Annað atriði snertir hinn mikla vöxt í farþegaflugi í heiminum og hina hörðu samkeppni. 

Þetta hefur orðið til þess að lítt reyndum flugmönnum hefur fjölgað og þar með hefur hættan á mistökum flugmanna aukist. 

Hluti af lausn Max-málsins getur verið að minnka flækjustigið og einfalda hlutina og herða kröfur til reynslu flugmanna. 

 

P.S.  Enn einu sinni er talað um að forða slysi í tengdri frétt. Forða slysinu hvert?

Það er hægt að tala um að koma í veg fyrir slys, forða einvhverjum frá slysi eða afstýra slysi en hins vegar rökleysa að hægt sé forða slysi. 

Röð mistaka leiddi til þess að þotan fórst

Athugasemdir

[Hallgrímur Hrafn Gíslason, 26.10.2019 kl. 10:05]

Eþópíski flugstjórinn var með rúmlega 8000 flugtíma og indóníski með rúmlega 6000 flugtíma, þar var ekki um óreynda flugstjóra að ræða í þessum tveim slysum

[Ómar Ragnarsson, 26.10.2019 kl. 15:02]

En það þarf ekki að skoða slysin síðustu árin lengi til að sjá, að reynslan hefur minnkað, einkum hjá aðstoðarflugstjórunum, sem reynir því meira á sem úrlausanarefnin eru flóknari á of stuttum viðbragðstímum. 

Og þetta mál er efst á baugi núna í alþjóðlergri umræðu um leiðir til útbóta. 

[Haukur Kristinsson (IP-tala skráð) 26.10.2019 kl. 16:16]

Ómar (15:02). "...reynslan hefur minnkað, einkum hjá aðstoðarflugmönnum..." Gildir þessi fullyrðing einnig um ísl. flugfélög?