Íslands þúsund ár

20.6.2020 | 23:55

Minnir á skjálftann út af Skagafirði 1963. Sumarsólstöður 2020.

Enn er í minni hinna elstu stór jarðskjálfti, sem varð við mynni Skagafjarðar að mig minnir 1963 og var upp undir sex stig á Richter.

Svo ótrúlega sem það hljómar fannst þessi skjálfti greinilega í Reykjavík, einkum í hæstu húsunum, svo sem við Austurbrún 2, þar sem setið var og horft á ljósakrónuna hreyfast.

Annars staðar í borginni virtist minna verða vert við þennan skjálfta.

Eftirminnilegur er skjálftinn, sem reið yfir í miðri hnefaleikalýsingu á Sýn fyrir um 20 árum, svo að hægt var að hafa orð á því á meðan á því stóð.

Hann varð í grennd við Sandskeið, ef rétt er munað.

Í kvöld eru sumarsólstöður og ekkert hrun er myndefni hér fyrir sunnan, þótt það sé fest á mynd fyrir norðan.

Í staðinn eru settar hér inn nýteknar myndir af Akranesi og vesturenda Akrafjalls í kvöld.

	„Það nötraði alveg ótrúlega mikið og lengi“
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 23:58 | Facebook

Athugasemdir

Sama gerðist núna, ein tilkynning um skjálftann barst úr Kópavogi. Þar eru einmitt nokkur háhýsi, sum hærri en í Austurbrún.

Guðmundur Ásgeirsson, 21.6.2020 kl. 00:58

Skjálftinn við mynni skagafjarðar var reyndar 7 á ricter og er stærsti skjálfti sem mælst hefur hérlendis síðan mælingar hófust.

Jósef Smári Ásmundsson (IP-tala skráð) 21.6.2020 kl. 10:48

Sá stærsti mældist í nóvember 1963 og fannst í þriggja-palla einbýlishúsi í Kópavogi. Fyrsti jarðskjálftinn minn, var 14 ára þá, og sat á spjalli í eldhúsinu með foreldrum mínum um ellefuleytið þegar allt var dottið í dúnalogn í hverfinu. En svo allt einu hreyfðist eldhúshurðin af stað frá vegg að stöfum og faðir minn sagði "nú hefur orðið jarðskjálfti einhvers staðar". Sem reyndin var.

Kolbrún Hilmars, 21.6.2020 kl. 13:27

Ætla ekki að rengja Kolbrúnu þó ekki sé minnst á þennan skjálfta á Wikipedia. Hins vegar virðist landafræðikunnátta fréttamanna á RÚV vera svolítið léleg þegar þeir tala endalaust um jarðskjálfta N- austur af Siglufirði. Gjögurtá er útaf Ólafsfirði og er nirsti tangi Eyjafjarðar. Að sjálfsögðu er hann N- austur af Siglufirði en þá má eins tala um N-austur af Sauðárkróki eða Fljótum. Eða Reykjavík. Er ekki hægt að vera með nákvæmari fréttaflutning en þetta?