Fátt er göfugra en starf, sem varðar kjarna lífsins.

Atburðir þessa árs, þar sem baráttan við COVID hefur yfirskyggt allt annað, hafa að sumu leyti varpað nýju ljósi á gildi þeirra starfa, sem beinast að sjálfum kjarna sjálfs lífsins.

Í sögu þjóðar okkar hefur eðlilega verið efst í huga baráttan við að afla fæðu og annarra efnislegra gæða og setja hagvöxt og framleiðslu ofar flestu öðru. 

COVID-19 sýndi hins vegar fram á mikilvægi þess að hver þjóð eigi sem öflugast heilbrigðis- og velferðarkerfi og ekki síður gildi þess að eiga sem allra öflugast vísindafólk, sem fæst beint við það að rannsaka kjarna sjálfs lífsins; ekki bara til góðs fyrir líf og heilsu, heldur til ágóða, sem er hægt að mæla í beinum fjármunum, sem fást við vörn við sjúkdómum og betri heilsu. 

Starf Íslenskrar erfðagreiningar er til sóma fyrir land og þjóð.   

Merk uppgötvun Íslenskrar erfðagreiningar

Athugasemdir

[Vagn (IP-tala skráð) 24.6.2020 kl. 20:24]

Baráttan við að afla fæðu og annarra efnislegra gæða og setja hagvöxt og framleiðslu ofar flestu öðru skilaði okkur öflugu heilbrigðis- og velferðarkerfi og öflugu vísindafólki. Ekkert að þessum gæðum var ókeypis og það verður ekki slitið í sundur gæðin og fjármagnið til að kaupa gæðin. Hagvöxtur er forsendan fyrir því að við njótum þeirra gæða áfram.