Spurningin snýst um frelsi frá smitun.

Smitanirnar, sem barist er gegn um alla heim, gerast þannig, að smitið berst frá einum eða fleiri smituðum til eins eða fleiri smitaðra. 

Þótt það sýnist mikilvægt að hafa frelsi til að taka áhættu á því fyrir sjálfan sig, hvort maður verði smitaður, felst ekki í því frelsi til að smita aðra, því að þeir eiga að búa við frelsi frá smitun. 

Því fleiri smit, því fleiri erlend lönd setja Ísland á rauðan lista, ´þannig að smitgát, smitmælingar og sóttkví eru nauðsynlegar fyrir samfélagið í heild. 

Sóttvarnarráðstafanir eru svipaðs eðlis og að skyldustopp á rauðu ljósi, eða skylda til að hafa öryggisbelti spennt, þegar tölurnar um afleiðingar algers geðþóttafrelsis lýsa þörf á nauðsynlegum reglum.  

Safna undirskriftum gegn sóttkví

Athugasemdir

[Haukur Kristinsson (IP-tala skráð) 26.8.2020 kl. 15:17]

Jóhannes þessi Loftsson er formaður "Frjálshyggjufélagsins." Rugludallur á framfæri Íhaldsins.

[Ásgrímur Hartmannsson, 26.8.2020 kl. 15:26]

Viltu fresli frá smitun?

Nú, til þess er allt þetta spritt.  Svo heldurðu þig bara í 2 metra fjarlægð frá öllum.

Einfalt.  Hugsaðu í lausnum!

[Þorsteinn Siglaugsson, 26.8.2020 kl. 15:41]

Eins og Ásgrímur bendir á tryggir maður sér frelsi frá smitun með eigin sóttvarnaráðstöfunum.

[Thorvaldur Sigurdsson (IP-tala skráð) 26.8.2020 kl. 20:01]

"Eins og Ásgrímur bendir á tryggir maður sér frelsi frá smitun með eigin sóttvarnaráðstöfunum."

Það virkar fínt. Nákvæmlega jafnvel og að maður tryggir að maður lendir ekki í árekstri með því að aka varlega.

[El lado positivo (IP-tala skráð) 26.8.2020 kl. 20:18]

Það er hvort eð er ekkert að fara að verða nein ferðaþjónusta að ráði í vetur því það er 0,0% frá Kína.

Svo mætti einnig hafa orð sérfræðingsins í huga sem sagði að það væru gríðarleg verðmæti fólgin í því að hafa þjóðfélag þar sem allir innviðir væru í gangi þótt samskipti (óþarfa samskipti) við útlönd væru í lágmarki.

[Þorsteinn Siglaugsson, 26.8.2020 kl. 23:49]

Ef maður vill vera algerlega öruggur um að lenda ekki í árekstri, þá ekur maður einfaldlega ekki. En lífið felur einfaldlega í sér ýmis konar áhættu. Frelsi er ekki frelsi til að banna öllum öðrum að gera allt það sem getur valdið áhættu fyrir mann sjálfan. Einn af hverjum þúsund sem fá flensu deyja úr henni. Það er ekki tilefni til að banna öll samskipti milli fólks þótt maður sé sjálfur haldinn ofsahræðslu við að deyja úr flensu. Maður verður einfaldlega að loka sig inni sjálfur, en ekki trufla annað fólk með sinni eigin fáránlegu panikk.

Það er ekkert sem kemur í veg fyrir að hægt sé að hafa alla innviði í gangi og jafnframt að hleypa ferðamönnum inn í landið. Smit með erlendum ferðamönnum eru sárafá og algerlega ástæðulaust að fara á límingunum yfir þeim. Hvert smit sem komið er í veg fyrir frá erlendum ferðamanni kostar 111 störf, bara í ferðaþjónustu. Og þar sem margfaldarinn er um 2,3 má áætla að heildartapið sé upp undir 300 störf. Auk þess deyja tveir af hverjum þúsund sem fá þessa pest, og meginhluti þeirra eru á grafarbakkanum hvort eð er.

[Gunnar Heiðarsson, 27.8.2020 kl. 08:50]

Einstaklega kuldaleg athugasemd hjá þér Þorsteinn. Hefðir alt eins getað stytt hann í örfá orð:

"Ég um mig frá mér til mín"

[Þorsteinn Siglaugsson, 27.8.2020 kl. 09:25]

Kuldaleg athugasemd? Hvað áttu við? Er það kuldalegt að hafa áhyggjur af afkomu fólks? Eða er það kuldalegt að benda á staðreyndir á borð við þá að nánast allir sem hafa látist úr covid eru komnir á grafarbakkann? Það getur svo sem verið, en þetta er bara staðreynd og hana verður að hafa með þegar áhrif aðgerða eru metin. "Ég um mig frá mér til mín" er einmitt grunnurinn að afstöðu þeirra sem þverneita að horfa á heildarmyndina og taka til dæmis ekkert tillit til þess að búist er við að níu milljón manns til viðbótar látist úr hungri vegna aðgerða gegn flensunni á þessu ári.

[Thorvaldur Sigurdsson (IP-tala skráð) 27.8.2020 kl. 16:02]

Það er sérstök afstaða að hafa meiri áhyggjur og merkilegri af efnahagslegri afkomu fólks en lífi þess og limum. 

En böllin verða að kontinúerast; ekki dugir að sleppa hvítvíninu með humrinum.

Samt var tiltekinn aðili sem spurði: "Á ég að gæta bróður míns." Og svarið var næsta afdráttarlaust.""Hvað hefir þú gjört? Heyr, blóð bróður þíns hrópar til mín af jörðinni! " 

[Þorsteinn Siglaugsson, 27.8.2020 kl. 19:42]

Þetta er ákaflega heimskulega sagt Þorvaldur Sigurðsson. Gerir þú þér enga grein fyrir því að atvinnuleysi fjölgar dauðsföllum, og þau verða eflaust miklu fleiri en af flensunni? Skilur þú ekki að heiðarlegt mat á áhrifum aðgerða felst í því að meta öll áhrifin, ekki bara þau sem koma fram á því sem eftir lifir af kjörtímabilinu?

[Thorvaldur Sigurdsson (IP-tala skráð) 30.8.2020 kl. 10:07]

Nei. Ég skil ekki menn sem setja mannslíf upp í exel og meta hverjir séu viðunandi fórnarkostnaður. Sé það heimska er ég heimskur. Og þar sem hæfilegt atvinnuleysi er draumur kapítalistans til að geta haldið öreigunum niðri er þessi skyndilega umhyggja fyrir atvinnulausum hjáróma gaul. Sjónarmið þitt ber vitni um mannvonskua og mannfyrirlitningu. Guð forði mér frá þér og þínum líkum.