Ný tegund af COVID tölum, sem hækka uggvænlega um allan heim.

Tölur yfir fjölda látinna og smittölur vegna COVI19 hafa verið fyrirferðarmiklar daglega í níu mánuði hér á landi og um allan heim. 

Í dag brá svo við síðdegis, að á  þremur sjónvarpsstöðvum sem horft var á, voru uggvænlegar fréttir af fyrirbrigði sem er í hraðri útbreiðslu og er uggvænlegra en COVID vegna þess að á þessu fyrirbrigði fást nær engar skýringar og læknar standa ráðþrota. 

Þetta felst í mikilli fjölgun langveikra sjúklinga, sem hafa haldið áfram að vera veikir eftir að COVID virtist farið og margir orðið enn veikari en meðan pestin hrjáði þá. 

Áhrifamest og best var umfjöllunin um þetta í fréttaskýringaþættinum 60 mínútum, sem sýndur var á Stöð 2 nú síðdegis og verður endurtekinn á morgun. 

Einna athyglisverðast í þessari umfjöllun var það, að hár aldur og undirliggjandi atriði eða sjúkdómar voru ekki eins stór þáttur í þessum veikindum og lengi vel var talað um. 

Þvert á móti var aldur þessara sjúklinga allt frá barnsaldri og upp úr. 

Fílhraust og vel þjálfað íþróttafólk á besta aldri gat orðið jafn fárveikt til langframa og hverjir aðrir. 

Óhugnanlegt var að sjá hve ráðþrota læknar standa gegn þessu fyrirbrigði og finna nær engar skýringar á því hve ófyrirsjáanlegar afleiðingar smitunar geta orðið. 

Þeim bar saman um að aldrei fyrr hefðu þeir kynnst neinu sem líktist þessu. 

Að vísu hafa menn fundið út að í mörgum tilfellum er það ónæmiskerfið sjálft sem getur valdið jafn miklu líkamstjóni og veiran sjálf vegna þess að átökin milli veirunnar og kerfisins verða svo hatrömm, að þau geta orðið lífshættuleg. 

Vegna þess að þessi vaxandi fylgifiskur er fyrst núna að láta verulega að sér kveða, skortir fleiri krufningar til þess að reyna að fá betri mynd á þessum viðbótarfaraldri.

Í 60 mínútum var sýnt með myndum af krufnum líffærum hvernig vígstöðvar veiru og ónæmiskerfis gátu eyðilagt eða stórskemmt líffæri og valdið blóðtöppum og blæðingum víða um líkamann, svo sem í heila, hjarta, lifur og víðar. 

Margt af fólkinu sem hefur þurft að heyja nýja og miklu verri baráttu en í upphafi smits, hefur verið óvinnufært og afar illa haldið mánuðum saman.   

Á RÚV kom fram að vitað væri um 70 manns nú þegar sem þyrftu á endurhæfingu og sjúkravist að halda hér á landi af völdum þessa nýja vágests. 

Áður en því er haldið fram af sumum að nú þurfi að slaka verulega á sóttvörnum og leyfa smiti að dreifast svo mikið að hjarðónæmi myndist, eins og sagt var í mars þegar "sænska leiðin" var boðuð, ættu þessir tilslökunarsinnar að líta sem snöggvast á hina eldrauðu Evrópu á korti frá í gær og athuga litinn á Svíþjóð í leiðinni.

Og jafnframt mætti giska á og birta reglulega tölu öryrkja, sjúkra, öryrkja og látinna af völdum hins skæða og lúmska fylgifisks COVID og taka þessa tölu með í reikninginn þegar fundin er skásta leiðin í viðureigninni við COVID-19 og COVID lungnabólgu, COVID heilablóðföll og COVID hjartaáföll. 

Það gerir COVID-19 enn lúmskari og viðsjálli en ella hve furðu margir sleppa ævintýrlega vel frá því að fá þessa veiki, jafnvel fólk á níræðisaldri og með svonefnda undirliggjandi sjúkdóma.   

En einmitt þess vegna er hún enn varhugaverðari. Enginn getur fyrirfram áætlað hvernig hann muni smitasta eða hver afleiðingar af smitinu verða. 

 

Brast í grát þegar hún heyrði af smiti Víðis

Athugasemdir

[Haukur Árnason, 30.11.2020 kl. 00:22]

Um hugsunar vert. Af hverju ?

"29/11/2020 | 5 mín

Þjóðir um allan heim hafa „algjörlega dregið úr áherslum og næstum óskýrðar“ árangursríkar meðferðir við kransæðavírusum í nálgun sinni á lýðheilsu við heimsfaraldurinn, segir prófessor í læknisfræði, Peter McCullough. „Það hefur bókstaflega ekki verið neitt utan lýðheilsuaðferða að vera bara með grímur, vera heima, skjól á sínum stað og bíða eftir bóluefni,“ sagði hann við Sky News. „Það verður að vera hluti af aðalskipulagi. „En ég verð að segja þér það fyrir fólk sem veikist, það gengur ekki.“ McCullough lýsti því yfir að það væri í raun „engin deila um hvort hýdroxýklórókín virki eða ekki“ og segir líkurnar á að lyfið virki ekki reiknað til að vera einn af hverjum 17 milljörðum. „Deilurnar snúast um lýðheilsuaðferðina við COVID-19,“ sagði hann. „Ég held að sagnfræðingar muni verða mjög ógóðir gagnvart Ástralíu, Kanada, Bandaríkjunum, Bretlandi, Vestur-Evrópusambandið, og sum Suður-Ameríkuríki. „Þetta eru það sem ég kalla níhilistalöndin. Ríkin sem bjóða enga meðferð heima fyrir ... og búa til svo hræðilega íbúa núna sem eru ... hungruð í bóluefni til að halda áfram. “

 

[Þorsteinn Siglaugsson, 30.11.2020 kl. 10:56]

Það er einn af hverjum tuttugu þeirra sem veikjast, sem fá einkenni sem vara í átta vikur. Einn af hverjum 50 fá einkenni sem vara í tólf vikur. Um 50-70% þeirra sem smitast fá engin einkenni. Svo hlutfall þeirra sem fá langvarandi einkenni, af þeim sem smitast, er þá 1-2%.

Og þótt vissulega séu undantekningar frá öllum reglum, fólk á níræðisaldri sem kennir sér ekki meins, og fólk á þrítugsaldri sem veikist illa, breytir það ekki því að líkur á veikindum og dauða eru gríðarlega ólíkar eftir aldurshópum. Það er fjarstæða að enginn geti fyrirfram áætlað hvernig fyrir honum fari, einfaldlega vegna þess að slíkt áætlum við út frá líkum. Rétt eins og það er fjarstæða að enginn geti áætlað hvort hann verði á lífi á morgun, það sé bara fullkominni óvissu háð. Það er það ekki.

Slíkur málflutningur er enn hættulegri nú, þegar flest bendir til að innan fárra mánuða verði búið að bólusetja þá hópa sem í raun og veru eru í hættu. Sé þessum kjánalega hræðsluáróðri haldið áfram verðum við að horfa upp á lokað samfélag ekki aðeins út næsta ár heldur lengur, þar til búið er að bólusetja hvern einasta kjaft og hundinn hans.

[Kolbrún Hilmars, 30.11.2020 kl. 11:25]

Las frétt ekki alls fyrir löngu um 103ja ára íslenska konu sem veiktist af Covid en náði sér vel án spítalameðferðar. 
Auk þess hefur komið fram að þeir öldruðu sem veiktust þoldu illa meðferðina gegn veirunni (slöngur ofl) á spítulum og létust í kjölfarið.  Jafnvel þeir yngri sem í því hafa lent segja einróma "þú vilt ekki fá þetta".

[Magnús Orri Grímsson (IP-tala skráð) 2.12.2020 kl. 01:01]

Ég tel svör við vangaveltum hér felist í öðrum 60 minutes þætti og þeim frá Ástralíu. Sýkingar eins og Covid-19 ganga hratt á C-Vítamín forða líkamans og þegar að sá forði er kláraður er voðinn vís. Það ferli þegar líkaminn ræðst gegn sjálfum sér er nefnt Cytokine Storm en háskammta C-Vítamín í æð er áhrifaríkt til að slökkva á því ferli og koma ónæmiskerfinu á rétta braut og hindra þar með aukaverkanir vegna skemmdra líkamsvefa. Varlega áætlað mætti hindra 2/3 dauðsfalla með háskammta C-Vítamíni í æð.

https://youtu.be/Au-mp6RZjCQ