Þarf þá ekki að reka sóttvarnarlæknana í öðrum löndum líka?

Eftir að Covid-19 hefur grasserað í tæp tvö er algengasta mynd faraldursins í grófum dráttum sú, að eftir að slakað hefur verið á sóttvarnarráðstöfunum, hefur riðið yfir ný bylgja farsóttarinnar, svo að orðið hefur að herða sóttvarnaraðgerðir á ný. 

Þetta hefur gerst hvað eftir annað í flestum ríkjum, meðal annars hér á landi haustið 2020 og svo aftur núna. 

Í viðtengdri frétt á mbl.is um þetta mál kemur fram í viðtali við lögmann samtaka um frelsi og afnám ráðstefana sóttvarnarlæknis, að nú eigi hann að segja af sér og "taka ábyrgð" á ástandinu. 

Er þróun mála hér þessa dagana þó ekkert frábrugðin því sem er og hefur verið í fjölmörgum öðrum löndum á undan okkar landi þar sem sóttvarnarlæknar þeirra landa sitja sem fastast.

Það þarf aðeins nánari útskýringu á því hvers vegna besta ráðið hér á landi gegn heimsfaraldri sé að aflétta öllum varnaraðgerðum og reka sóttvarnarlækninn.   

 

 


mbl.is Finnst að Þórólfur eigi að segja af sér
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ásgrímur Hartmannsson

"Það þarf aðeins nánari útskýringu á því hvers vegna besta ráðið hér á landi gegn heimsfaraldri sé að aflétta öllum varnaraðgerðum og reka sóttvarnarlækninn. "

Vegna þess að að gefst mjög vel á Flórída.

Það hefur líka gefist vel í Svíþjóð.  Sá staður virkaði fínt, betur en hér, þegar ég var þar um daginn.

Þetta hefur að auki gefið góða raun í Afríku.

Það er eins og allar þessar aðgerðir geri fólk veikt, en ekki öfugt.

En það er náttúrlega bara skoðun byggð á gögnum, en ekki einhverju deleríi í einhverjum ríkis-postulum sem vita jafn mikið í sinn haus og soðnar kartöflur.

Ásgrímur Hartmannsson, 21.12.2021 kl. 19:11

2 identicon

Sæll Ómar,

Heilbrigðisyfirvöld hér á landi eru í því að reyna halda þessu leiðinlega leikriti áfram gangandi með að styðjast svona við þessar óáreiðanlegu- og ónákvæmu PCR- skimanir. Nú er aðalatriðið að reyna þvinga fólk í skimanir (PCR- próf) svo að kominn sé þessi "g
rundvöllur".

"Ef í ljós kemur að smit eru mjög fátíð hjá þeim sem fá örvunarskammt þá verður kominn grundvöllur til að ræða hvort þessir aðilar eigi að njóta réttinda umfram þá sem eru óbólusettir eða hafa fengið tvo skammta."https://www.covid.is/fra-sottvarnalaekni

Þar sem að þessi PCR skimunarpróf eru þekkt fyrir að gera ekki nein greinarmun á flensu og Covid-19, þá er aðalatrið núna að reyna halda áfram með að greina fólk sem er með árstímabundna flensu sem Covid-19 veikindi, eða allt til þess eins að halda uppi hræðsluáróðrinum, farsóttarstiginu og taka réttinda af óbólusettum (eða af þeim núna sem að hafa fengið tvo skammta).

Eins og segir þá hafa dómstólar í Þýskalandi, Hollandi, Austurríki og Portúgal allir úrskurðað þessar PCR skimanir séu alls EKKI við hæfi að nota til að greina covid-19 veikindi, svo og hefur þetta PCR drasl EKKI nein lagalegan og vísindalegan grundvöll til að byggja á varðandi allar þessar lokanir, samkomutakmarkanir o.s.frv. ( https://greatgameindia.com/austria-court-pcr-test/ )




Það er viðurkennt að það er EKKI til nein Gold Standard yfir þessar PCR skimanir eða smitgreiningar. Þá hefur Alþjóðaheilbrigðisstofnunin (WHO) auk þess staðfest að þessi PCR skimanir/PCR smitgreiningar séu gallaðar og ekki áreiðanlegar. En þetta er allt saman eitthvað sem að hann Þórólfur passar mjög vel uppá að minnast alls ekki á.


Þórólfur karlinn hefur eins og segir, séð mjög vel til þess að hér á landi sé ekki gerð ein einasta könnun varðandi allar þessar fölsku jákvæðu niðurstöður, því að aðalatrið er fólgið í því, að geta sagt við heilbrigt fólk, að það sé veikt og/eða smitað.

Fyrir utan það þá eru þessar PCR skimanir sérstaklega keyrðar hér á 40 snúningum og/eða keyrðar yfir þennan 35 snúninga hringrásar mögnunar þröskuld til þess eins þá að geta framkallað allt að því 97% falskar jákvæðar niðurstöður (Clinical Infectious Diseases ciaa 1491 (28. sept. 2020), https://doi.org/10.1093/cid/ciaa1491), eða svo þessi heilbrigðisyfirvöld hér á landi geta verið i því endalaust, að öskra greint smit, greint smit og aftur greint smit.

Því að aðalatrið er að geta sagt við heilbrigt fólk, að það sem smitað af covid19, eða allt til þess eins að halda uppi hræðsluáróðrinum, farsóttarstiginu og taka réttinda af óbólusettum, nú og af þeim líka sem að hafa fengið tvo skammta af þessu svokallaða bóluefni.

Miðað við hvernig Þórólfur karlinn hefur haldið á málum hér á landi með allar þessar þvinganir í sambandi við PCR skimanir á landamærum o.s.frv., og auk þess þegar að Alþjóðaheilbrigðisstofnunin (WHO) hefur staðfest, að þessar PCR skimanir/PCR smitgreiningar séu gallaðar og ekki áreiðanlegar (https://www.austintexas.gov/edims/document.cfm?id=364945). Þá er eins og hann Þórólfur karlinn sé ljúga að okkur, svo og þar sem að hann hefur alls ekki farið eftir þessum tilmælum frá Alþjóðaheilbrigðisstofnuninni (WHO).

Þórólfur hefur ekki viljað gera eina einustu könnun varðandi um allar þessar fölsku jákvæðu niðurstöður hér á landi. Þórólfur karlinn og co. verður að geta fengið alla þessar aukagreiðslur og álagsgreiðslur, svo og skv. þessum leynilegu bóluefnakaupsamningum. Ef hann nær ekki að uppfylla öll þessi skilyrði og fleira, þá fær hann ekki allar þessar greiðslur.

Menn höfðu sérstaklega fyrir því að taka Ivermectin af lyfjaskrá til að koma þessu eiturefna- drasli (svokölluðu bóluefnum) inn á neyðarleyfi. Hver á t.d. að borga fyrir þá alla þessa "Læknadaga" sem haldnir eru í Hörpu árlega (janúar), nú og er kosta yfir 10. milljónir kr. á ári (skv. gögnum eftir úrskurð frá Úrskurðarnefnd í upplýsingarmálum), svo og árshátíðirnar og fleira fyrir þá á hverju ári, aðrir en umboðsmenn bóluefnafyrirtækja hér á landi?

"..the World Health Organization (which took a u-turn only after Biden took office), “..a PCR test is not suitable for diagnosis and therefore does not in itself say anything about the disease or infection of a person”.https://greatgameindia.com/who-changes-pcr-test/

Þorsteinn Sch Thorsteinsson (IP-tala skráð) 21.12.2021 kl. 20:21

3 Smámynd: Ómar Geirsson

Í Svíþjóð með íbúafjölda um 10 milljónir hafa 15.206 látist úr kóvid samkvæmt opinberum tölum, tölum sem eru falsaðar því í upphafi faraldursins var fólk á hjúkrunarheimilum látið deyja án þess að fá læknishjálp, andlát þeirra því ekki skráð á kóvid.  Íbúafjöldi hinna landa Skandinavíu er tæpar 17 milljónir, þar eru skráð andlát vegna kóvid 5.805, engar vísbendingar erum að dánartölur séu falsaðar í þeim löndum.

Íbúafjöldi Flórída er 22 milljónir, þar eru skráð andlát vegna kóvid 62.264, þar af féllu í síðustu bylgju frá 1. júlí til 31. okt 22.848 manns, stærsti hlutinn óbólusettir. 

Til samanburðar er íbúafjöldi New York ríkis og Kaliforníu tæpar 60 milljónir, skráð dauðsföll vegna kóvid frá 1. júlí til 31 október sasmtals 12.186.

Allt siðað fólk hlýtur að sjá að þetta umframmannfall í Svíþjóð eða Flórída er ekki til eftirbreytni, hvað þá í samanburði við hlutfallsleg dauðsföll vegna kóvid hér á landi.

Það er skrýtin speki að krefjast brottvikningar manns vegna þeirra saka að hann hefur ekki staðið fyrir fjöldadrápum á samlöndum okkar.

Kveðja að austan.

Ómar Geirsson, 21.12.2021 kl. 21:11

4 identicon

Það er náttúrlega augljóst að Svíar, með 443 covid sjúklinga á almennum deildum og 88 á gjörgæslu, eru að gera þetta miklu réttar en hér er gert.  Eða þannig.

ls (IP-tala skráð) 21.12.2021 kl. 22:30

5 Smámynd: Ásgrímur Hartmannsson

Athugið: þó einhverjar fáeinar hræður séu á Sænskum sjúkrahúsum, þá geta menn þar samt um frjálst höfuð strokið.

Það finnst ykkur kannski ekki mikilvægt?

"Til samanburðar er íbúafjöldi New York ríkis og Kaliforníu tæpar 60 milljónir, skráð dauðsföll vegna kóvid frá 1. júlí til 31 október sasmtals 12.186."

Það er ca. fjöldinn sem Cuomo lét myrða viljandi, með því að smita þá með Kína Kvefi. (Nokkuð sem er ekki hægt að gera lengur.)

Veit ekki til þess að slíkt hafi verið gert annarsstaðar.

Taktu annars tölum frá USA með vara, þeir hafa nefnilega Kovid bílinn og Kovid skotárásina, Kovid eldinguna og Kovid drukknunina og allskonar Kovid...

Svone eins og menn hafa verið að reyna hér, með Kovid mRNA eitrunina, eins og fjölmiðlar eru að reyna að gleyma.

"Allt siðað fólk hlýtur að sjá að þetta umframmannfall í Svíþjóð eða Flórída er ekki til eftirbreytni"

Hvað?  Átti það að vera meira?  Til hvers?

"Það er skrýtin speki að krefjast brottvikningar manns vegna þeirra saka að hann hefur ekki staðið fyrir fjöldadrápum á samlöndum okkar."

Ég og fleiri viljum hann burt því hann boðar aðgerðir sem virka ekki.  Sannanlega.

Það er ekki boðlegt að hafa þarna mann sem vill sífellt gera sömu mistökin aftur og aftur.  Eins og einhver Alþingismaður eða ráðherra.  Hann á að vita betur.

Ásgrímur Hartmannsson, 21.12.2021 kl. 23:04

6 Smámynd: Ómar Geirsson

Blessaður Ásgrímur.

Ástæða þess að ég minntist á tölfræði Svíþjóðar og Flórída er svar þitt við spurningu nafna míns; "Það þarf aðeins nánari útskýringu á því hvers vegna besta ráðið hér á landi gegn heimsfaraldri sé að aflétta öllum varnaraðgerðum og reka sóttvarnarlækninn. "

Sem þú svaraðir með því að segja; "Vegna þess að það gefst mjög vel á Flórída. Það hefur líka gefist vel í Svíþjóð".

Frá því að bólusetningar stóðu almenningi til boða í hinum vestræna heimi, þá nýtur Flórídaríki þess vafasama heiðurs að þar hafa flestir látist af völdum kóvid veirunnar, og þú vilt láta reka sóttvarnalækni vegna þess að hann ber ábyrgð á því að Ísland er ekki í samkeppni við Flórída um þennan vafasama heiður, heldur i samkeppni við þau þróuð ríki þar sem fæstir hafa dáið af völdum veirunnar.

Ég tók New York ríki og Kaliforníu sem dæmi um ríki þar sem yfirvöld slökuðu ekki of snemma á sóttvörnum síðastliðið sumar, ef þau hefðu verið á pari við Flórída þá hefðu um 60 þúsund manns dáið á þessu tímabili. Andmæli þín Ásgrímur eru síðan stórfurðuleg, eitt er að rífast við staðreyndir, annað er að gera lítið úr sjálfum sér með andmælum sínum.

Cuomo var ríkisstjóri til 24. ágúst í sumar, á hans vakt féllu 622  í New York ríki.  Síðan þó ég leggi mig fram, þá eru þessi ummæli þín "þeir hafa nefnilega Kovid bílinn og Kovid skotárásina, Kovid eldinguna og Kovid drukknunina og allskonar Kovid..." mér óskiljanleg til að útskýra muninn á Flórída annars vegar og New York og Kaliforníu hins vegar. En ef þú skyldir ekki vita það þá er megnið af þessum andlátum frá Kaliforníuríki, þeim svæðum þar sem vitleysingahjörðin er öflug.  Það varð hins vegar fólki til lífs að yfirvöld þar slepptu ekki veirunni lausri of snemma.

Víkjum þá að Svíþjóð, um síðustu áramót gerðist sá fáheyrði atburður, að í fyrsta skiptið á tæplega 50 ára valdasetu sinni, þá tjáði Karl Gústav sig í fyrsta skiptið um sænsk innanríkismál í áramótaávarpi sínu, hann varð að lýsa viðbjóð sínum á þeirri stefnu sænskra yfirvalda að hafa ekki varið hjúkrunarheimili landsins fyrir kóvid smitum.  Þetta viðurkenndu sænsk yfirvöld í kattarþvottarskýrslu sinni, þó kratarnir hafi tekið kínverska kommúnistaflokkinn á þetta; "eftir á að hyggja þá var það mistök að láta bændur framleiða stál í stað matvæla".  Það má lengi sverja af sér fjöldamorðin.

Ástandið í Svíþjóð í dag er hins vegar á pari við ástandið hjá okkur, bólusetningar héldu veirunni í skefjum í sumar og fram eftir hausti, munurinn er bara sá að Svíarnir sleppa að mæla einkennalítið fólk.  Þar er faraldurinn í uppsveiflu, og engin ástæða til að halda að það gildi ekki sömu líffræðilegu lögmálin og annars staðar í hinum vestræna heimi.  Þú hefur kannski ekki lært af slitnu Svíaplötunni þinni frá því haustið 2020, þar vitnaðir þú óspart í Svíana, eða alveg þar til þeir gripu til mjög harkalegra aðgerða í des 2020.  Nema forheimskan var svo mikil að þeir gripu til aðgerða of seint, sem kostaði um 8.000 manns lífið að óþörfu.

Núna útskýrir þú orð þín nánar Ásgrímur; "Ég og fleiri viljum hann burt því hann boðar aðgerðir sem virka ekki.  Sannanlega."  Ég túlka þetta þannig að þú ætlir ekki að reka Þórólf vegna samanburðar við Flórída eða Svíþjóð, heldur að hann boðar aðgerðir sem virka ekki.

Af hverju sagðir þú það ekki strax??, þá hefði ég getað sleppt athugasemdum mínum, mér ofbauð einfaldlega að það átti að reka Þórólf vegna þess að hann er ekki fjöldamorðingi.

Þú hefðir síðan getað útskýrt orð þín nánar, hvað vilt þú gera??

Mér til dæmis finnst það lítt skiljanlegt að það sé ekki látið reyna á bólusetningu þjóðarinnar, svona á meðan þær virka.  Það er hægt að verja þann hóp sem svarar ekki bólusetningu, ónæmisviðbrögð líkamans er hægt að mæla, og sá hópur getur farið extra vel með sig á meðan bylgjan gengur yfir.

Óbólusettir eru hins vegar ekki issjú í málinu, þeir hafa tekið sína ákvörðun og eiga að fá að standa við hana.

Veikist þeir þá er hægt að senda þeim ivermectin í pósti.

Kveðja að austan.

PS. Ég veit að óbólusett börn flækja málið, en þá er ósamkvæmni í ákvörðun ríkisstjórnarinnar að opna skólana áður en þau fá bólusetningu.  En það skrifast ekki á Þórólf.

Ómar Geirsson, 22.12.2021 kl. 08:39

7 identicon

Því hefur verið haldið fram að faraldurinn sé búinn í Svíðþjóð.

það er rangt.

Þar er hins vegar mun stærra heilbrigðiskerfi en hér (hlutfallslega) og getur betur tekið við áföllum en kerfið hér. Smæð kerfisins hér og vangeta til að taka við áföllum er ekki Þórólfi að kenna, en er veigamikil ástæða fyrir tillögum hans um takmarkanir.

ps. Svíar eru byrjaðir að herða takmarkanir hjá sér.  Kerfið þar ræður við meira og því þurfa þeir ekki að hafa eins stífar takmarkanir og eru hér.

ls (IP-tala skráð) 22.12.2021 kl. 10:50

8 identicon

Má ég benda á að í Svíþjóð deyja menn ekki úr covid heldur með covid.

Skoðið td svt.

Jón Thordarson (IP-tala skráð) 22.12.2021 kl. 12:55

9 identicon

Andlát tengd Covid eru eins skráð hér og í Svíþjóð (og vîðast hvar annarsstaðar). 

ls (IP-tala skráð) 22.12.2021 kl. 13:18

10 Smámynd: Theódór Norðkvist

Sem sagt í Svíþjóð þá eru þeir sem drepast af bóluefnunum skráðir sem dauðir af COVID19 eins og eldri maðurinn sem dó á Landsspítalanum?

Takk fyrir upplýsingarnar, gott að vita að það er ekkert að marka dánartölur í Svíþjóð, frekar en á Íslandi.

Næsta sem ég býst við að sjá, er að ef kóvidsjúklingur deyr í bilslysi, þá sé andlátið skráð á COVID19.

Theódór Norðkvist, 23.12.2021 kl. 03:06

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband