Þrennar kosningar voru haldnar á hernumdu Íslandi 1942 og 1944.

Það hefur verið mikið rætt um hinar eistæðu kosningar í fjórum héruðum Úkraínu sem eru að stórum hluta á valdi Rússa, og þær sagðar óvenjulegastar fyrir þá sök að vera haldnar undir byssukjöftum innrásarliðs. 

Og víst er um það að engar kosningar fóru fram í Víetnam þegar stríðið þar stóð sem hæst né heldur í Kóreu. 

Hins vegar er það staðreynd að þegar tvennar Alþingiskosningar voru haldnar á Íslandi 1942 og þjóðaratkvæðagreiðsla um lýðveldisstofnun 1944 stóð Seinni heimsstyrjöldin sem hæst og um 50 þúsund hermenn Bandaríkjamanna og Breta réðu yfir landinu og háðu grimmilegt stríð á höfunum við landið. 

En þar endar samsvörunin við hernám Rússa í Úkraníu. Engin hernaðarátök fóru fram á Íslandi á stríðsárunum, en Þjóðverjar gerðu tvær loftárásir með einni flugvél í hvort sinn og ein þýsk flugvél var skotin niður. 

En á hafinu geysuðu einhver mannskæðustu átök styrjaldarinnar og var orrustan mikla þar sem flaggskipum Breta og Þjóðverja var sökkt þeirra mest, en kafbátahernaðurinn og árásirnar á skipalestir kostuðu hundruð þúsunda mannslífi. 

Í kosnningunum tvennum 1942 var ekki að finna vott af neinum tilraunum hersins til að hafa áhrif, en í lýðvaldiskosningunum 1944 kom Bandaríkjaforseti því áleiðis til íslenskra ráðamanna, að flýta sér ekki of mikð í því máli. 

Ljóst mátt vera að í því máli, þótt leynt færi, að stofnun lýðveldisins yrði að vera með þöglu samþykki Bandamanna. 

Þrátt fyrir að tæknilega megi segja að í afmörkuðum atriðum sé að finna einhverja samsvörun með kosningum hér á landi á stríðsúrunum og kosningunum í Úkraínu nú, eru himin og haf á milli "rússnesku" kosninganna og hinna íslensku þegar allt er vegið saman. 


mbl.is Segir þriðju heimstyrjöldina löngu hafna
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Með réttu átti að halda alþingiskosningar árið 1941, en þeim var frestað um eitt ár.

En ef ég man rétt þá var 100% kjörsókn í Vestur-Skaftafellssýslu í þjóðaratkvæðagreiðslunni 1944 um lýðveldið. Að sjálfsögðu greiddu allir atkvæði með lýðveldisstofnun. Jafnvel Rússar hafa ekki gert það beturwink.

Hörður Þormar (IP-tala skráð) 2.10.2022 kl. 10:56

2 identicon

Það voru fleiri þýskar flugvélar skotnar niður, ein upp í Borgarfirði FW-200 önnur slík norður af Eyjafirði og ein á Reykjanesinu ég held JU-88.

Þýsku flugmennirnir og áhafnir voru jarðsettir fyrst upp í Brautarholti og síðar íFossvogi.

Kveðja,

Skúli Brynjólfur

Skúli Br. Steinþórsson (IP-tala skráð) 2.10.2022 kl. 17:05

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband