Að fæðast inn í verkfall og vinnudeilu.

Er það ekki dæmigert fyrir þjóðfélagsástandið að þeir Íslendingar sem koma nú í heiminn, skuli lenda umsvifalaust inni í miðri hringiðu verkfalls og kjaradeilu, sem er til skammar fyrir okkur.

Fyrr í sumar var haft í flimtingum að aðgerðaleysi ríkisstjórnarinnar í efnahagsmálum hefði borið árangur. Nú er engu líkara en að fjármálaráðherra sé að streitast gegn réttmætum kröfum ljósmæðra með skammarlegu aðgerðarleysi í kjaraleiðréttingu, að því er virðist í þeirri von að þetta aðgerðarleysi skili ríkissjóði einhverjum ávinningi í lægri launagreiðslum en sanngjarnt er. 

Upp úr þessu krafsi virðist fjármálaráðuneytið aðeins ætla að hafa það að magna upp aukinn stuðning almennings og þingmanna við málstað ljósmæðra. Ummæli jafnt stjórnarþingmanna sem stjórnarandstöðuþingmanna tala sínu máli.

Hvernig væri nú að aðgerðir bæru árangur og þetta leiðindamál leyst hið snarasta?  

 

Eitt barn fæddist á LSH í nótt

Athugasemdir

[Huldabeib, 4.9.2008 kl. 13:47]

Já, en Geiri segir að þetta sé bara væl í okkur almúganum... það er ekki kreppa.

[Gummi (IP-tala skráð) 4.9.2008 kl. 14:27]

Í framhaldi af símtali sem slitnaði.

Vinsamlegast hafðu samband með tölvupósti.

Kveðja, Gummi

[Eydís Hentze Pétursdóttir, 4.9.2008 kl. 15:46]

Sæll Ómar

Vil benda á "flyers" sem er hægt að prenta út og klína á nánast hvaða flöt sem er. Þá er hægt að nálgast á www.draumafaeding.net/flyer

[Ómar Ragnarsson, 4.9.2008 kl. 16:49]

Kæri Gummi. Er að leggja upp í ferðalag á norðausturhálendið og tek upp þráðinn þegar ég kemst aftur í netsamband.