Fleira einstakt á eftir að koma í ljós.

"Allvíða leynast á Fróni þau firn /
sem finnast´ekki´í öðrum löndum: /
Einstæðar dyngjur og gígar og gjár /
með glampandi eldanna bröndum. /
Við vitum´ekki´enn að við eigum í raun /
auðlind í hraunum og söndum, /
sléttum og vinjum og auðnum og ám /
og afskekktum sæbröttum ströndum.

Grímsvötn á lista merkilegustu eldfjalla

Athugasemdir

[Davíð Kristjánsson (IP-tala skráð) 27.3.2009 kl. 23:49]

Ég á lag við þennan texta. Reyndar 25 ára gamalt en ekki notað.

[Ragnhildur Jónsdóttir, 28.3.2009 kl. 00:07]

Einmitt! og má aldrei gleymast

[Gunnar Th. Gunnarsson, 28.3.2009 kl. 00:41]

Hér er linkur frá Discovery Cannel um eldfjöll:

http://dsc.discovery.com/videos/earth-volcano-planet/

Það koma auglýsingar inn á milli, en þetta er ansi skemmtilegt að skoða

[Ingvar Þórisson, 28.3.2009 kl. 00:44]

Vonum samt að þetta verði ekki til að eyðileggja stemminguna. Ég hef stundum komið þarna á gönguskíðum og kallað best varðveitta leyndarmál óbyggðanna.

[Gústaf Gústafsson, 28.3.2009 kl. 01:39]

Ótrúlegt hvernig fólk talar, sem jafnvel hefur aldrei komið á þessa staði, vill ákveða og tjáir sig, greiðir atkvæði og vill ráða fyrir þá sem hugsa um framtíðina. Alltaf er þetta fólk sem vill einungis skjótfenginn gróða, meira fé núna, skítt með landið og miðin.

Ofboðslega er kominn tími á breytingar í hugarfari.

Ómar Ragnarsson, þú átt mína aðdáun í því sem þú ert og hefur verið að fást við.

[Ómar Ragnarsson, 28.3.2009 kl. 08:14]

Við þennan texta, sem er raunar textabrot, er reyndar lag sem þau Diddú og Egill syngja sem lokalag á hljóðdiski og mynddiski undir nafninu Ómar lands og þjóðar, sem Sonet og Sjónvarpið gáfu út fyrir nokkrum árum og fæst í Sjónvarpinu.

En gaman að heyra að til skuli annað lag sem passi við hann.