Ef ullin er ekki nóg þýðir ekki að flá kindina.

Þýðingarlaust er að tala um hvers vegna þúsundir fólks getur augljóslega ekki staðið í skilum með að borga af lánum, sem tekin voru í góðri trú, tók svo há lán í upphafi. Forsendur fyrir lántökunni hafa í langflestum tilfellum gerbreyst, þannig að það sem virtist mögulegt fyrir nokkrum árum, er gersamlega ómögulegt.

Forsendurnar voru svipaðar af hálfu þeirra, sem lánuðu fjármunina og innheimata þá síðan og hjá bóndanum sem stundar ullarframleiðslu og rýr kindina með reglulegu millibili og tekur af henni ullina: Í rúningnum skilur bóndinn eftir þunnt ullarlag sem vex og verður orðið þykkur feldur þegar næsti rúningur fer fram.

Í skiptum fyrir ullina fær ærin fóður yfir veturinn sem gerir henni kleift að lifa af.

Forsendurnar fyrir áframhaldandi nytjum eru þær að gefa ærinni, afsakið, ánni, nóg fóður og ganga ekki of næri henni í rúningum hvað þá að fara að taka upp að flá hana og ganga að henni dauðri.

Það eru takmörk fyrir því hve langt er hægt að ganga gegn þeim skuldinautum sem augsýnilega eiga enga möguleika til að rísa undir drápsklyfjunum sem settar hafa veirð á þá.

Margir íhuga greiðsluverkfall

Athugasemdir

[Þorsteinn Briem, 2.5.2009 kl. 19:12]

Gefa ánni en ekki ærinni, Ómar minn.

Hér er ær(in), um á(na), frá á(nni), til ær(innar).

Ær.

[Ómar Ragnarsson, 2.5.2009 kl. 19:29]

Fjári ertu snöggur í viðbragðinu, Steini minn. Ótrúlegt rugl hjá mér. Læt hér fylgja með ljóðið "Símskeyti í Kenýa og á Íslandi" frá árinu 1957 þegar hin fláráða skæruliðahreyfing Mau-Mau, framborið Má-Má, fékk símskeyti sem gaf grænt ljós á aftöku gísls, sem ég gaf mér að héti Már, og um svipað leyti var sent símskeyti hér heima um að ær ein í eigu bónda með nafninu Án hefði fundist á bænum Á á Íslandi:

"Má-Má má Má

flá flá flá á."

"Á Á á á

Án á Máná."

[Viðar Ingvason (IP-tala skráð) 2.5.2009 kl. 19:29]

Hvernig væri að rýja sauðina sem tóku stöðu gegn krónunni.

[Reynir (IP-tala skráð) 2.5.2009 kl. 20:48]

„...og rýir kindina..." er ekki rétt beyging hér: rýr? 

Svo geturðu gengið að því sem vísu, að ef þú flærð ána, þá gengurðu af henni dauðri!

[Þorsteinn Briem, 2.5.2009 kl. 21:13]

Bóndinn rýr ána (kindina).

Rýja.

[Marteinn Unnar Heiðarsson, 2.5.2009 kl. 21:58]

Já rýja sauðina semsagt útrásar víkingana og taka samfylkinguna með í leiðinni þar sem hún reynir nú hörðum höndum að vinna fyrir þá og koma okkur í ESB sem er útrásavíkingana draumur svo þeir geti haldið áfram í sukkinu.