"...sem veit engan veginn hvað það er að fara út í."

Í sambandi við myndbandinu frá hvatafundi Kaupþings kemur enn upp í hugann lýsing Hannesar Smárasonar á grundvallaratriðí íslenska fjármálaundursins og hljóðaði svo í tímaritsviðtali:

"Það hefði engum dottið í hug að gera þessa hluti, sem við erum að gera, nema fólki sem veit engan veginn hvað það er að fara út í." 

Gamalt Kaupþingsmyndskeið vekur athygli

Athugasemdir

[Brjánn Guðjónsson, 23.8.2009 kl. 13:10]

say no more

[Carlos Ferrer (IP-tala skráð) 23.8.2009 kl. 13:20]

But there is more to be said:

Theirs not to make reply,
Theirs not to reason why,
Theirs but to do and die:
Into the valley of Death

Alfred, Lord Tennyson

 

[Georg P Sveinbjörnsson, 23.8.2009 kl. 13:21]

Íslendingar gengu í gildru, hér er eftir miklu að sælast og eina leiðin til að ná hér yfirráðum var líklega að lokka þjóðina í óviðráðanlega skuldsetningu, veikleikar okkar íslendinga eru þekktir og þurfti bara að spila á þá, restina sáum við um sjálf.

"The Financial War Against Iceland: Being defeated by debt is as deadly as outright military warfare."

[Sigurður Ingólfsson (IP-tala skráð) 23.8.2009 kl. 17:28]

Ómar þú ert ótrúlegur og fátt mannlegt er þér óviðkomandi. Ég ætlaði að fara svara greininni frá í morgun en þá hafa fleiri bæst við. Úttekt þín og Mbl. í gær á frjálsíþróttaafrekum og metum eru mjög athygliverðar. Aðstæður til iðkana íþróttanna og þjálfun hefur breyst svo mikið á 50, hvað þá hundrað árum ,að ekki er saman að jafna. Ef þú skildir nú lesa þetta þá langar mig að fá stuðning þinn við gamla hugmynd sem ég sendi til Alþjóða frjálsíþróttasambandsins fyrir  amk 10 árum, að heimsmet væri aflögð í núverandi mynd (enda orðið ofurmannlegt að slá þau )Þess í stað væri tekin upp heimsmet hvers áratugs. Þannig lifðu öll gömlu metin áfram miðuð við aðstæður hvers tíma. Fyrstu heimsmet næsta áratugar væru ekki skráð fyrr en 2012 og siðan og síðan tækju þau að falla þar til nýr áratugur hefst en heimsmethafar hvers áratugar fá nafn að verðleikum sitt skráð sem sannir heimsmethafar.Þannig yrði keppnin líka mun skemmtilegri. En mikilvægast er að skrá met hvers tugar alveg aftur til 1900 eða frá fyrstu nútíma Ólympíuleikum. Vona að þú sjáir þetta og fleiri. Kannski að ég setji þetta líka við seinustu færluna þína. Góð kveðja

[Ómar Ragnarsson, 23.8.2009 kl. 19:05]

Það sem þú ert að tala um, Sigurður, er dálítið flóknara en það lítur út fyrir að vera, vegna þess að ef líta ætti á metin út frá grundvelli jöfnuðar, myndi vera eðlilegra að miða við tímabil, þar sem svipaðri tækni var beitt.

Ég skal nefna tvær greinar sem dæmi:

Í hástökki var stokkið á svonefndum sax-stíl fram undir 1955. 1956 sigraði Charles Dumas í Melbourne á gerbreyttum stíl, grúfustílnum, þar sem hástökkvarinn græðir um það bil 15-20 sentemetra vegna þess að hann þarf ekki að lyfta þyngdarpunkti líkamans eins hátt til að fara yfir rána.

Á Ólympíuleikunum í Mexíkó stökk Ólympíumeistarinn, Fosbury, á bakinu yfir rána og enn græddust nýir sentimetrar vegna þess að þyngdarpunktur líkamans og líkaminn sjálfur færast hagstæðari leið yfir rána.

Stökkvarinn breytir hraðanum fram á við ekki eins snöggt úr láréttri færslu í lóðrétta og fær því hagstæðari feril yfir rána en fyrr.

Metin í þessari grein eru því ekki sambærileg nema á þremur tímabilum, 1900 1955, 1955-1968 og síðan er þriðja tímabilið eftir 1968.

Í kúluvarpi og sleggjukasti urðu miklar tækniframfarir, í kúlunni þegar menn fóru að beygja sig niður í atrennunni í kringum 1950 og í sleggjukasti með því að fjölga hringjunum sem kastararnir snúa sér.

Í öllum frjálsíþróttagreinunum hefur breyting brauta úr malabrauta í gerviefnabrautir gert árangur fyrir og eftir ósambærilegan.

Á tímabili óheftrar steranotkunar voru sett met sem gera það að verkum að engin leið er að átta sig á því hve mikinn þátt í metunum þessi lyfjanotkun átti.

[Hildur Helga Sigurðardóttir, 23.8.2009 kl. 19:24]

-ólíkt okkur, sem vorum rétt í þessu að finna upp hjólið...