Slóð peninganna. Hvernig urðu þeir til og hurfu svo?

Eva Joly segir umfang kreppunnar íslensku gríðarlegt og finna þurfi út hvort lög hafi verið brotin og hvað hafi orðið um alla peningana. 

Íslendingar þekka býsna vel frá fornu fari siðleysi klíkuveldis og kunningsskapar í okkar litla þjóðfélagi.

Við þekkjum líka vel hvað það er sem gerði orð Vilmundar, "löglegt en siðlaust" svo eftirminnileg.

Þess vegna mun það sennilega ekki koma á óvart að erfitt verði að finna lagalegar misfellur á stærstu atriðum hrunsins. í broti af einum þátta Flosa Ólafssonar í sjónvarpinu í gærkvöldi mátti heyra hann syngja um hliðstæðu.  

Hitt getur kannski verið bæði mikilvægara og merkilegra hvað varð um alla þessa peninga sem virtust verða að litlu eða engu í hruninu. 

Hvert fóru þeir?  Voru þeir kannski ekki til? Voru þeir bara innistæðulausar tölur í tölvuleikjum fjármálamannanna?

Var því í raun logið upp að þeir væru til? 

 Ef svo er, var það löglegt? Var það siðlegt?  

Bandaríkjamenn segja um svona mál: "Follow the money!" Rektu slóð peninganna þegar upplýsa þarf svona mál. 

Þetta tilfelli virðist vera miklu stærra en það því að nú virðist líka mega segja: Finndu út hvort og þá hvernig peningarnir urðu til, hver slóð þeirra var og hvert þeir fóru, ef þeir voru á annað borð til.   

Ef það var hægt að láta sem svo að þeir væru til, hvernig fóru menn að því? Og ef þeir hurfu, hvernig fórum menna að því?  

E24: Joly leysir gátuna

Athugasemdir

[Anna Sigríður Guðmundsdóttir, 30.12.2009 kl. 16:39]

Ómar minn. peningar útrásinnar voru aldrei til. Þetta voru svika-peningar. Við þurfum öll að taka framtíðar-stöðuna út frá þeirri staðreynd. Við verðum að borga til baka svikia-lottóið og mér eins og öðrum finnst það auðvitað helv... hart.

En ég er þakklát fyrir að skilja það að peningar eru böl í nútíma-samfélgi heimsins og alvöru auðæfin felast í auðugri náttúru sem þú átt heiður skilið fyrir þína kynningu á.

Auðurinn er að sjálfsögðu það sem jörðin okkar gefur í raunvirði en ekki svika-auglýst plat um peninga án innistæðu sem eru verri en ekkert eins og sannprófað hefur verið í heiminum í dag. Allt svikakerfið hrundi með pomp og pragt eins og sagt er.

Gangi þér vel með baráttu fyrir hreint Ísland eftir bestu getu og vilja til bjartrar framtíðar okkar allra.

Stend með þér í baráttunni eftir bestu getu. M.b.kv. Anna sérvitra .

[Kalikles, 30.12.2009 kl. 17:02]

Seðlabankakerfi er byggt á skuld. Raunverulegt vald í fjármálaheiminum fæst með því að stjórna annarsvegar flæði peninga(seðlabanki og skildar stofnanir) með því td. að eiga hinn einkarekna seðlabanka bandaríkjana, og síðan batterí eins og "city group"(tengist öllum helstu seðlabönkum vesturheims) sem nota td. vogunarsjóði til að fjárfesta í hagkerfi, setja það á hliðina, eiga mikinn hluta skuldana fyrir og kaupa svo upp skuldirnar af öðrum fallvaltari fjárfestum sem eru svo sökum þess að þeir eru ekki í klúbbnum; svona færist allt eignarhald á örfáar hendur.

Málið er ss. skoðið hverjir stjórna flæði peninga, eiga og kaupa skuldirnar, hvernig þeir tengjast innbyrgðis og hvernig þeir eru farnir að ráðskast með nánast öll ríkismál vesturheims........... þar hafið þið skúrkanna!

 Kveðja Andri Sig.

ps. Það eitt er flókið, sem maður ekki skilur!

[Eyjólfur Jónsson, 30.12.2009 kl. 17:54]

Sæll Ómar. Við hjónin sátum og horfum á þingmenn og konur tala. Mér er svo misboðið að ég varð að loka mig inni á baðinu til að heyra ekki þvæluna en þó stundum lýsandi tal frá sumum. En það bendir ansi mikið á að það sé eitthvað alveg sérstakt sem hangir á spýtunni á þessu Icesave máli. Mig grunar að það séu hótanir, annað er varla hugsanlegt. Núna áðan var tilkynnt að stopp væri á tölvupósti frá þessari lögfræðistofu í Bretlandi. Svavar Gestsson er aftur í sviðsljósinu sem svikahrappur. En getur verið að þeir horfi til Brussel eins og við EB kosningarnar í Noregi  þegar margir EB menn þurftu að fá áfallahjálp eftir að innganga var felld í þjóðaratkvæðagreiðslu.

Wolfang

[Þorsteinn Briem, 30.12.2009 kl. 19:35]

Karlinn þar á koppi,
kúkar Wolfang toppi,
kúluláni og klinki,
kappinn held ég minnki.

[Ómar Bjarki Smárason, 30.12.2009 kl. 20:44]

Auðvisarnir reiddu aldrei fram neina peninga, nema það sem þeir stálu frá öðrum með aðstoð bankanna, sem þeir stálu einnig eða réttara sagt fengu að láni.... Kannski er það því ekki að ástæðulausu sem slík fyrirtæki eru kallaðar LÁNA-STOFNANIR..... eða ætti hér eftir að skýra þetta enn frekar og tala um LÁNAÐAR-STOFNANIR...?

[Jens Guð, 30.12.2009 kl. 20:59]

  Í myndinni  Guð blessi Ísland  útskýrir Björgúlfur Thor þetta.  Það er úrelt að peningar skipti um hendur.  Björgúlfur segir peninga lúta sama lögmáli og blóm sem visna og hverfa.  Peningar hverfa.       

[Þorsteinn Briem, 30.12.2009 kl. 22:20]

Þegar ég var barn og unglingur lagði ég allt mitt sparifé inn á bók í Sparisjóði Svarfdæla á Dalvík, keypti aldrei gotterí og treindi mér jólakonfektið fram á útmánuði.

Spariféð "brann hins vegar allt upp" í verðbólgunni en það hvarf ekki, heldur tóku Dalvíkingar það "að láni" og reistu fyrir það falleg einbýlishús, sem ég hef oft dáðst að.

[Axel Oddsson (IP-tala skráð) 2.1.2010 kl. 10:20]

Sæll Jens  það er enginn furða að Björgúlfur Thor  sé kominn svona langt frá langafa sínum  Thor Jenes sem var fæddur í mikilli fátækt í Danmörk en gleymdi alldrei uppruna sínum og hvernig það er að vera fátækur , en reyndin er að að það hverfur ekkert,

í gamla daga lærðum við að ef við sjóðum vatn hverfur það ekki heldur fer vatnið í formi gufu upp í andrúmsloftið það er sama með peninga það þarf bara að fylgja lyktinni þó hún sé kannski ekki góð