26.6.2015 | 06:37
Lagni og kímni leysa margt.
Myndskeiðið af viðbrögðum Barack Obama við sífelldum frammíköllum manns á fundi í Hvíta húsinu sýnir hvernig með blöndu af kímni, lagni og festu, er hægt að komast út úr vandræðum á borð við þau sem þarna urðu vegna óvæntrar uppákomu.
Sallarólegur hafði Obama stjórn á atburðarásinni og tókst að gera hana furðu skemmtilega fyrir alla viðstadda.
Klókur og klár, ekki vantar það.
Obama hefur oft séð það svart
en settlað málin og haggast vart.
Lagni og kímni leysa margt
að lempa út mann og samt fara í hart.
Greip fram í fyrir Obama | |
Tilkynna um óviðeigandi tengingu við frétt |
Athugasemdir
Svo er spurning hvað Obama átti við þegar hann sagðist vera vanur að gripið væri fram í fyrir sér en liði slíkt ekki heima við! ;-)
Bjarni Gunnlaugur (IP-tala skráð) 26.6.2015 kl. 08:30
"The First Lady"
Um mannsins frama mun ei sama
mjög Obama veitir lið.
Leiðitama ljúfa dama
lítt til ama heima við
Bjarnig Gunnlaugur (IP-tala skráð) 26.6.2015 kl. 08:37
Það er bara með hann Obama, og það hefur komið ítrekað fram á þessum árum sem forseti eða frá því að hann komst í verulegt sviðsljós vegna framboðs, að maðurinn er alveg ótrúlega sterkur fyrir framan fólk í sal. Þetta er viss hæfileiki náttúrulega.
Kom sérlega skýrt fram í kosningabaráttunni síðast þar sem hann bar svoleiðis af í kappræðum þar sem áheyrendur voru hvað nálægastir og frambjóðendurnir hvað berskjaldaðastir. Hann hefur alveg fáránlega sterka performance hæfileika á sviði fyrir framan fólk.
Ómar Bjarki Kristjánsson, 26.6.2015 kl. 10:52
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.