Snilld náttúrunnar í Hornbjargi.

Eitt af því sem ég er smeykastur við þegar ég flýg flugvélum er að rekast á aðra flugvél. 

Engar reglur nákvæmar reglur gilda um það hve nálægt flugvélar mega hvor annarri eða hver annari þegar flugmenn ákveða í sameiningu að fljúga hópflug. Slíkt er samkomulags- og matsatriði hjá þeim.

En ég er alltaf mjög smeykur við slíkt flug.

Þess vegna var það einhver mesta upplifunin á þeim árum sem ég kleif oft stærstu fuglabjörgin á Vestfjörðum og fór ofan í þau að sjá, hvernig hundruð þúsunda fuglager gat flogið um loftið án þess að séð væri að nokkru sinni yrði árekstur.

Hraðinn á þeim var oft mikill og þeir flugu þvers og kruss í allar áttir eins og ekkert væri.

Gaman væri ef hægt væri að rannsaka það til fulls hvernig þeir fara að þessu.

Jafnvel þegar hrun verður í björgunum og þéttur sægur fugla flýgur upp í ofboði verða engir árekstrar. Snilld náttúrunnar!   

Fjórir létust í flugslysi

Athugasemdir

[Þorsteinn Briem, 16.8.2015 kl. 23:18]

Why Birds Don't Collide