Skáld hefði ekki komist upp með að skrifa svona handrit.

Auðvitað hafa flestir haldið að það væri í meginatriðum hægt að ímynda sér hvernig "strákarnir okkar" gætu komist áfram á EM.

En lokamínútur leiksins var enginn leið að sjá fyrir, og ef skáld eða rithöfundur hefði skrifað þá atburðarás inn í handrit að skáldsögu, hefði útgefandinn sennilega rekið hann til baka með skipun um að skrifa eitthvað, sem væri líklegra.

Að minnsta kosti að skrifa eitthvað líklegra en það að markvörður andstæðinganna væri komin yfir endilangan völlinn til að skerpa á sókn andstæðinganna og að hann þyrfti síðan að hlaupa árangurslaust til baka eftir endilöngum vellinum til að reyna að koma í veg fyrir að Íslendingar skoruðu sigurmark, sem fleytti þeim upp í annað af tveimur efstu sætunum og að þar með væri íslenska landsliðið enn það eina í heiminum, sem tekið hefði þátt í stórmóti án þess að tapa leik.

Nei, svona skrifa menn ekki, því að oft er sannleikurinn miklu ótrúlegri en nokkur skáldsaga.

Atkvæði falt fyrir miða á leikinn

Athugasemdir

[Þorsteinn Briem, 22.6.2016 kl. 22:01]

BBC:

Iceland 2 - Austria 1.

Iceland:

Possession 30%,

Shots 11,

Shots on Target 3,

Corners 3,

Fouls 10.

Austria:

Possession 70%,

Shots 23,

Shots on Target 7,

Corners 7,

Fouls 10.

[Egill Vondi (IP-tala skráð) 22.6.2016 kl. 22:37]

Þetta var glæsilega gert, en það mun reynast erfitt að fylgja þessu eftir. Flest sterkustu liðin eru "okkar megin" í 16-liða úrslitunum, næst munum við etja kappi við Englendinga, en Frakkar, Ítalir, Spánverjar og Þjóðverjar eru á meðal þeirra sem við keppum við í framhaldinu ef svo vildi til að við komumst áfram.

Loks er að nefna að Portugal er í "hinum endanum", það væri skondið ef við komumst alla leið og endum keppnina þar sem við byrjuðum, í keppni gegn Portugal og Ronaldo...