Nauðsyn sjálfstæðri þjóð.

Margt hefur breyst síðan Ingi Björn Albertsson lét til sín taka á Alþingi um þyrlumál Íslendinga. Að ekki sé talað um það þegar Guðbrandur Guðbrandsson kom með Super Puma þyrlu hingað til lands til að opna augu okkar fyrir því, að eyþjóð, sem ekki á almennilegar þyrlur getur hvorki talið sig sjálfstæða né bjóða upp á lágmarks aðstöðu til mannbjargar og flutninga í almanna þágu.

Eftir að kaninn fór, tákna þyrlurnar miklu meiri og nauðsynlegri "sýnilegar" varnir og öryggisatriði en herþoturnar nokkurn tíma gerðu.

Sé heimurinn harður og kosti lágmarks þyrlueign okkur aukin útgjöld verður svo að vera. Annað hvort erum við sjálfstæð og fullburða þjóð eða ekki. Annað hvort eigum við með tryggum hætti almennilegar þyrlur eða berum okkur ekki orðið sjálfstæði í munn.  

Erfitt að halda í þyrlurnar

Athugasemdir

[Guðmundur (IP-tala skráð) 26.9.2008 kl. 09:29]

Þessu til viðbótar má nefna það sem Gæslumenn sögðu sjálfir á sínum tíma, að til að hafa tvær þyrlur útkallsklárar þarf Gæslan að hafa yfir að ráða 4-5 þyrlum. Það verður nefnilega að líta á að ef aðeins er ein þyrla tiltæk og eitthvað kemur uppá hjá henni t.d. í aðgerðum langt frá landi, þá er enginn þeim til aðstoðar. Varnarliðið sendi yfirleitt aldrei eina þyrlu í sjúkra- eða björgunarflug yfir sjó, þar var m.a. verið að tryggja öryggið með því að senda tvær. Þetta hefur Gæslan stundum gert þegar fljúga þarf langt út á haf, ef önnur þyrla er tiltæk.

[Ívar Pálsson, 26.9.2008 kl. 10:29]

Þetta eru þarfar ábendingar. Kostnaðurinn er verulegur en nauðsynlegur, en leiga getur varla borgað sig í þessu árferði árum saman. Við sleppum bara að færa flugvöllinn og „græðum“ tugmilljarða sem nota má í slíka bráðnauðsynlega þætti tilverunnar.

[Úrsúla Jünemann, 26.9.2008 kl. 11:16]

Sleppum líka að henda peningunum í einhverja gagnslausa heræfingar!

[Árni Gunnarsson, 26.9.2008 kl. 17:17]

Orð í tíma töluð. Oft hef ég dáðst að þessu framtaki Inga Björns og þeim krafti sem hann lagði í að koma þessu ótrúlega vanrækta hlutverki þjóarleiðtoga okkar í höfn. En svo sannarlega þurfum við að gera betur og ljúka þessu verkefni.