Ein af mörgum glæsilegum íslenskum konum

Á síðustu árum hef ég hvað eftir annað dáðst að því hve margar frambærilegar og glæsilegar íslenskar konur hafa komist til mannvirðinga og áhrifa.  Margar þeirra hafa sótt sér frama í sveitastjórnum og hrifið mig á mannfundum með skörulegum málflutningi.  Ingibjörg Þórðadóttir er ein af þessum glæsilegum konum sem komið hafa mér á óvart á mannamótum.  Í fyrirlestri í samkomu hjá starfsfólki RUV jós hún af gnægtarbrunni á sviði nútímafjölmiðlunar og naut þar mikillar reynslu sinnar í störfum sínum hjá BBC.  Nú hefur hún komist til enn meiri mannvirðingar og skal enga undra.  Í krefjandi viðfangsefnum okkar aldar er það helsta von mannkyns að fleiri glæsilegar og hæfileikaríkar konur geti lagt hönd á plóg við að leysa þau tröllvöxnu verkefni sem við blasa.

Krafsar í fjölmiðlaglerþakið

"Hér á reiki er margur óhreinn andinn"

Á leið fyrir Ferðastiklur um Gæsavatnaleið er ekið um slóðir þar sem þykir reimt víða og andar margir á sveimi. Í þessu ferðalagi hafa þegar bæst við magnaðar nýjar sögur sem minna mann óþyrmilega á ljóðlínurnar í hinu fræga ljóði Á Sprengisandi eftir Grím Thomsen.