"Hefurðu bréf upp á það?

"Hefurðu bréf upp á það?" var spurt í einu af verkum Laxness. Deilan í Straumsvík er núna að stórum hluta háð á pappírum, sem innihalda meðal annars dómsorð í lögbannsmáli og hugsanlega líka pappíra um réttindi yfirmanna og skrifstofufólks til að stjórna vélum við uppskipun.

Nú kemur í ljós hvort pappíra þurfi upp á að stjórna krana, og ef svo er, hvort sá sem á í hlut er með slíkan pappír.

Deilan í Straumsvík verður æ athyglisverðari.

Stjórnendurnir mega lesta skipin

Að standa við það að afhenda "vöruna".

Það kemur fyrir alla, sem þurfa að koma fram árum saman, að þeir lenda í aðstæðum þar sem flutningurinn fellur í grýtta jörð þótt annars staðar hafi yfirleitt allt gengið vel.

Löng reynsla kennir hins vegar eitt mikilvægt atriði: Ef viðkomandi flytjandi hefur verið beðinn um flutning atriðis síns, - yfirleitt gegn borgun, - er eina skylda hans fólgin í því að gera það eins vel og honum er framast unnt.

Út á það hljóða viðskipti flytjanda og neytanda, hvernig svo sem viðtökur eru.

„Versta stund lífs míns“

Slæm reynsla Republikana af róttækum frambjóðendum.

Republikanar hafa telft fram róttækum hægri mönnum í forsetakosningum en það hefur ekki gefist vel.

Hugmyndin að baki slíkum framboðum er sú að gefa kjósendum tækifæri til að kjósa á milli andstæðra meginstefna.

Barry Goldwater, sem boðinn var fram gegn Lyndon B. Johnson 1964, var ágætur og gegn maður, en fór hinar mestu hrakfarir, svo að Johnson vann fágætan yfirburðasigur.

Hann var að vísu heppinn hvað það snerti að Víetnamstriðið og umrótið í þjóðfélaginu, sem var að gerjast, var hvergi nærri komið á það stig sem það var fjórum árum seinna.

En 1968 buðu Republikanar fram hinn reynslumikla Nixon gefn Hubert Humphrey, sem þótti bæðið litlaus og lítt þekktur, - og það svo mjög að upphrópun Republikana, "Humphrey who?" beit einna best.  

Framboð Goldwater 1964 gaf kannski tóninn fyrir því að svona framboð Republikana yrðu ekki líkleg til árangurs í framtíðinni, en nú siglir Donald Trump með himinskautum í forkosningum Republikana.

Trump er greinilega orðinn svo sjálfsöruggur að hann lætur meira að segja jákvæð ummæli um Ku Kux Klan fjúka, en ekki minnist ég þess að Barry Goldwater hafi árætt neitt slíkt fyrir hálfri öld.

Nú benda skoðanakannanir til þess að Trump eigi litla möguleika gegn sterkum frambjóðanda frá Demókrötum og það bendir til þess að svipað eigi við um framboð hans nú og annarra á jaðrinum fyrr á tíð.

Clinton og Sanders ynnu Trump

Þarf að bíða til loka olíualdarinnar?

Þarf að bíða til loka olíualdarinnar til þess að sjá slakna á mannréttindabrotum, kúgun og forneskjulegum stjórnarháttum í Sádi-Arabíu?

Sennilega. Svo stóru lykilhlutverki í olíuknúnum orkubúskap heimsins, gegna hinir firrtu og spilltu valdhafar þar að ekkert stórveldanna þorir að anda á þá.

Jafnt Rússar sem Bandaríkjamenn verða að hafa þá góða eins og nýjasta samkomulag Sádanna og Rússa ber með sér.

Chauscecu einræðisherra Rúmeníu naut stuðnings og virðíngar á Vesturlöndu fyrir það að sitja ekki alveg og standa í öllum málum eins og Sovétstjórnin krafðist.

Hann var slunginn sem höggormur, passaði sig á því að viðhalda alræði kommúnismans þrátt fyrir ýmsa tilburði til að sýna sjálfstæði, og Sovétstjórnin vissi, að hægt væri að treysta því að hann gerði ekkert til að ógna pattstöðunni í Kalda stríðinu vegna þess að hann lifði eins og kóngur.

Þegar múrinn féll hætti þöggunin og í ljós kom að þetta gæludýr vestrænna ríkja og aðili að Varsjárbandalaginu var versti og spilltasti kúgarinn og harðstjórinn í kommúnistaríkjum Austur-Evrópu.

Fyrir nokkrum dögum var tilefni til að rifja það upp hvernig stjórnvöld á Shri Lanka murkuðu niður af fádæma grimmd uppreisnarmenn Tamiltígranna án þess að nokkur fjölmiðill léti sig það minnstu varða.

Lesa má fréttir af góðri stjórn mála í Eþíópíu. Þar hefur þó ríkt einræði alla tíð, og þjóðin er í fjötrum gríðarlegrar fátæktar.

En stjórnin viðheldur tryggum böndum við Bandaríkjamenn og fengu þá meira að segja um árið til að gera loftárásir fyrir sig á hryðjuverkamenn í nágrannalandinu Sómalíu.  

Danaprinsessa fékk niðurlægjandi móttökur