Er orðið "siðlegt" týnt?

Fræg urðu orð Vilmundar heitins Gylfasonar: "Löglegt en siðlaust!" þegar því var haldið fram að ákveðið athæfi, sem Vilmundur gagnrýndi harðlega, hefði verið fyllilega löglegt.

Orð Vilmundar höfðu áhrif á sínum tíma, - vörpuðu ljósi á það hvernig skaðleg spilling í getur þrifist í skjóli ófullkominna laga. 

Þegar Ólafur Ólafsson segist engin lög hafa brotið þarf í ljósi þeirra gagna, sem nú hafa verið birt, að svara þeirri spurningu hvort það sem um ræðir hafi verið eitt af þrennu; - bæði löglegt og siðlegt, löglegt en siðlaust eða bæði lögbrot og siðlaust. 

„Braut engin lög“

Athugasemdir

[Guðmundur St Ragnarsson, 9.6.2010 kl. 19:06]

Siðlegt en ólöglegt passar líklega ekki. Hvað af þessu sem á við virðist vera sem Sjeikinn hafi átt að fá 6 milljarða fyir að lána nafnið sitt. Sæll! Það má gera ýmislegt fyrir þá upphæð. Ekki skrýtið að bankinn endaði á hausnum þegar það er hægt að gefa 6 milljarða fyrir að heita Sjeik!

[Sigurður Haraldsson, 9.6.2010 kl. 19:28]

Þetta er sá fáránleiki sem við þurfum að búa við í dag eingin viðurkennir sekt sýna þrátt fyrir að miljarðar hafi glatast og verið stolið!

[Aliber, 9.6.2010 kl. 20:35]

Það er vert að benda á það að þessir starfsmenn Kaupþings voru að tala saman um hluti sem voru framkvæmdir í öðrum sjálfstæðum banka (KB Luxemburg) og höfðu því í raun ekki hugmynd hvað þau voru að tala um.

mbk,

[Óskar Arnórsson, 10.6.2010 kl. 07:56]

Siðfræði hefur verið lögð niður og bönnuð samkvæmt lögum....

[Heimir Bergmann (IP-tala skráð) 10.6.2010 kl. 13:05]

Löglegt,siðlaust sitt er hvað

soldið á milli heima

Það sem höfðingjarnir hafast að

hinum er ætlað að gleyma