Skjóta fyrst og spyrja svo.

Í Helguvík eru þegar risin allmikil mannvirki sem verða eiga burðarvirki risaálvers á þeim stað.

Yfir standa samningar milli HS orku og Norðuráls um orkusölu til fyrsta áfanga þessa álvers án þess að búið sé að finna orkuna. Því síður er nokkurt tillit tekið til þeirrar yfirlýsingar fulltrúa Norðuráls á fundi um þetta að fyrsti áfanginn sé ekki fullnægjandi heldur verði álverið að komast upp í ca 350 þúsund tonna árlega framleiðslugetu ef það á að verða arðbært. 

Aðeins varðandi þetta hefur stefnan verið að skjóta fyrst og spyrja svo. 

En þetta er aðeins hluti af málinu. 

Umsögn Skipulagsstofnunar umm linulagningu er aðeins hluti af þeim mannvirkjum sem þurfa að rísa vegna álvers í Helguvík, en auðvitað var rokið af stað í framkvæmdum án þess að hafa orkusamning, án þess að hafa orku, án þess að taka tillit til þess að uppfyllta skilyrðið um þrefalt meiri orku en nú er rætt um og án þess að huga að umhverfisáhrifum í þeim tólf eða jafnvel fleiri sveitarfélögum sem eiga hlut að máli. 

Þau gætu orðið mun fleiri ef fara þarf út í margfaldar virkjunarframkvæmdir sem þarf til þess að álverið verði arðbært. 

Línulagning raskar landslagi

Athugasemdir

[Jón Logi (IP-tala skráð) 2.6.2011 kl. 11:03]

Það "verður" þá að virkja allan skrattann út af því að þetta er komið af stað. Flott hjá stjórnvöldum að hafa engan hemil á þessu....

[avs (IP-tala skráð) 2.6.2011 kl. 15:09]

Ónytjúngar hafa ekkert að gera á svona staði - bara burt með þá.