"Byrjað er nú basl á ný..."

Enn og aftur er komin frétt um það að vegna fjárskorts lendi fólk í vandræðum með að komast burt úr þessu jarðlífi. Um daginn var frétt um að loka líknardeild og nú er komin frétt um að vegna fjárskorts verði senn ekki hægt að taka grafir.

Um fyrra atriðið var gerð þessi vísa í orðastað manns, sem ekki fengi pláss á líknardeild.

                            Alveg stopp á æviveg, -

                            andláts bíð á meðan, -

                             í kröm og sárri kvöl er ég

                             og kemst bara ekki héðan.

Nú má bæta við:

                             Velferðin er bara bull,

                             er bíð ég ofar foldu

                             en gröfin móti gapir full, -

                             af gróðri og þéttri moldu.

Byrjað er nú basl á ný, -

býðst ei grafarfriður -

dimmri kistu klemmdur í  

og kemst bara ekki niður.

Kirkjugarðar geta varla starfað áfram

Athugasemdir

[jonasgeir (IP-tala skráð) 27.5.2012 kl. 16:42]

Svona er nú velferðin og skjaldborgin.

Ekki skrýtið.

Má helst ekki vinna fyrir launum.  Og auðvitað alls ekki skapa raunveruleg áþreifanleg verðmæti úr rafmagni eða fiski.

(Þó auðvitað hafi verið nóg til fyrir Icesafe og aðra bankakröfuhafa í endureinkavæðingu bankanna).

Þá verður of dýrt að deyja líka.

[Þorsteinn Briem, 27.5.2012 kl. 17:41]

... segir Jón Ásgeir.

[Bjarni Gunnlaugur (IP-tala skráð) 27.5.2012 kl. 20:33]

Merle Travis og fleiri sungu um svipað, "Saint Peter don't you call me 'cause I can't go
I owe my soul to the company store"   http://www.youtube.com/watch?v=Jcbn_unVhRU

[Jón Logi (IP-tala skráð) 28.5.2012 kl. 18:34]

Gamall Eyfirðingur kvað:

Lífið, það er lítilsverð

Leit að skjóli og brauði

Upphafið er uppáferð

Og endirinn er dauði