Miklum öðrum möguleikum en hóteli er fórnað.

Þar sem nú á að reisa hótel rak öndvegissúlur Ingólfs Arnarsonar á land eftir að hann hafði hent þeim fyrir borð rétt fyrir utan. 

Líklega hefur farið fram helgiathöfn þarna þar sem heimilisguðir Ingólfs í súlunum, friðmæltust við landvættina og súlurnar síðan hafðar í eldhúsi hans og afkomenda hans. 

Þarna væri upplagt að hafa aöstöðu til minningar um þetta og sérstaka hátíð á hverju ári. 

Víkingasafn Íslands er núna í Reykjanesbæ, okkur Reykvikingum til háðungar fyrir það að vanrækja þennan merka þátt forsögu okkar á skammarlegan hátt. 

Til Reykjavík sigldu Ingólfur, Danakonungar og Halldór Laxness. Ekkert merkilegt hefur komið á land í Keflavík, ekki einu sinni Svartidauði. 

 

Hafnargarðurinn verði varðveittur

Athugasemdir

[Þorsteinn Briem, 8.7.2015 kl. 17:10]

Hvaða hótel ertu að gapa hér um, Ómar Ragnarsson?!

"Til stend­ur að reisa þar versl­un­ar- og íbúðar­hús­næði.

Þá á að grafa bíla­kjall­ara á reitn­um sem verður í heild­ina 1.000 fer­metr­ar."

Hins vegar verður hótel og fleiri byggingar við Austurbakka á milli Geirsgötu og Hörpu, sem einnig er stór óbyggður reitur.

Styttan af Ingólfi Arnarsyni er mikil prýði á Arnarhóli en ekki hefur undirritaður séð þar styttu af eiginkonu hans, sem væntanlega var hér einnig landnámsmaður.

Keflavík er einnig í landnámi Ingólfs og þar að auki er Reykjavíkurhöfn gríðarstór, þannig að þar geta menn einnig verið með víkingasafn og öndvegissúlur í eldhúsi sínu.

[Prf Vandráður (IP-tala skráð) 8.7.2015 kl. 19:21]

Kom e,kert til Keblavíkur,hvað með HERINN, ertu að ebna til hrepparígs

[Þorsteinn Briem, 8.7.2015 kl. 21:29]

[Þorvaldur S (IP-tala skráð) 8.7.2015 kl. 23:45]

[Þorvaldur S (IP-tala skráð) 8.7.2015 kl. 23:54]

http://www.mbl.is/vidskipti/frettir/2015/07/03/nytt_hotel_i_laekjargotu_arid_2018/

[Þorsteinn Briem, 9.7.2015 kl. 00:10]

[Þorvaldur S (IP-tala skráð) 9.7.2015 kl. 00:26]

Og þetta hús, Lækjargata 12, verður rifið og hótel byggt á grunninum undan því og bílastæðunum sitt hvoru megin við það. Í annað þeirra er nú grafið eftir fornleifum og til þess graftar vísar ÓR í pistli sínum.

[Þorsteinn Briem, 9.7.2015 kl. 00:27]

Síðastliðinn föstudag:

"Teikni­stof­an Gláma-Kím varð hlut­skörp­ust í sam­keppni Íslands­hót­ela og Minja­vernd­ar vegna nýs hót­els í Lækj­ar­götu í Reykja­vík. Stefnt er að því að opna hót­elið fyr­ir sum­arið 2018."

"Fram kom í Morg­un­blaðinu 20. nóv­em­ber síðastliðinn að full­trú­ar Íslands­banka ann­ars veg­ar og Íslands­hót­ela og Hafnareyj­ar, dótt­ur­fé­lags Minja­vernd­ar, hins veg­ar hefðu skrifað und­ir kaup­samn­ing vegna Lækj­ar­götu 12. Þar var Íslands­banki lengi með úti­bú."

Nýtt hótel í Lækjargötu

[Ómar Ragnarsson, 9.7.2015 kl. 08:36]

Herinn kom ekki "í land" í Keflavík, heldur í Reykjavík.  Ég er að tala um hafnirnar ef einhverjum skyldi hafa sést yfir það. Og ég er að tala um að ekkert verði við Reykjavíkurhöfn sem sæmir því að þar skuli hið merka upphaf landnáms Íslands hafa farið fram. 

[Ómar Ragnarsson, 9.7.2015 kl. 08:38]

Ég tek ofan fyrir Keflvíkingum að hafa drifið sig í að gera það sem Reykvíkingar hefðu átt að vera búnir að gera fyrir löngu. 

[Elín Sigurðardóttir (IP-tala skráð) 9.7.2015 kl. 08:57]

Það væri nú alveg í stíl við íslenska minjavernd að endurbyggja þennan hafnargarð einhvers staðar annars staðar.  Í Fossvogi til dæmis.  

[Þorsteinn Briem, 9.7.2015 kl. 09:27]

Reykjavíkurhöfn er gríðarstór og við höfnina eða skammt frá henni getur að sjálfsögðu verið víkingasafn, eins og til að mynda Sjóminjasafnið og "stærsta hvalasýning í Evrópu" á Granda.

Víkingasafn getur að sjálfsögðu verið í einkaeigu.