Síðasta sólbað ársins á Brúaröræfum í dag?

Það var 10 stiga hiti á Sauðárflugvelli á Brúaröræfum þegar ég kom þar við í dag og gat baðað skallann í háfjallasól í blíðviðri eins og meðfylgjandi mynd ber með sér. Hugsanlega síðasta sólbað ársins.  

Skaust þangið akandi í gærkvöldi til að ganga frá fyrir veturinn í dag, og kom aftur til Reykjavíkur í kvöld.

Ég man ekki eftir svona góðri tíð þarna svona langt fram á haust síðustu árin, og vegna þess hve miklu minna snjóar þarna yfirleitt en út við strendurnar, er ágæt von til þess að völlurinn verði fær og opinn vel fram í nóvember.

Fleiri góðar fréttir færir blítt haustveður þarna okkur, sem ég hyggst fjalla betur um á morgun.

Kuldaveður í kortunum

Athugasemdir

[Hábeinn (IP-tala skráð) 19.10.2015 kl. 02:40]

Var ekki hægt að menga minna og ráða einhvern sem er nær til að ganga frá? Eða er of sárt þegar kostnaðurinn við minni mengun lendir á eigin buddu? Ekki fórst þú á Náttfara, svo mikið er víst.

Stundum þarf maður bara sól á skallann og skítt með komandi kynslóðir. Eða lífið er það sem ég geri en hugsjónir það sem ég vill að þú gerir. Hvort hugnast þér betur?

[Þorsteinn Briem, 19.10.2015 kl. 02:49]

Ekki drekkur Ómar vín,
aldrei samt hann skammast sín,
oft þó sól á skallann skín,
skortir því ei vítamín.

[Þorsteinn Briem, 19.10.2015 kl. 03:31]

Fréttamaðurinn Ómar Ragnarsson má ekki einu sinni ferðast um eigið land í friði fyrir nafnleysingjum Sjálfstæðisflokksins og Framsóknarflokksins.

[Haukur Kristinsson (IP-tala skráð) 19.10.2015 kl. 14:45]

Góður Steini!

[Ómar Ragnarsson, 19.10.2015 kl. 21:24]

Hábeinn er óánægður með það að ég skuli ekki ganga lengra en það að fara ferða minna nú orðið frá austasta hluta Grafarvogs um borgina á Náttfara.

Líka óánægður með það að ég skuli ekki hafa farið á Náttfara til að sinna nauðsynlegum öryggisflugvelli, heldur farið á ódýrasta, einfaldasta, sparneytnasta og minnst mengandi bensínknúna bíl landsins í þessa ferð.

Það er litli Suzuki Alto bíllinn, sem sést á myndinni.  

Ég átti víst að "ráða annan" til starfans, væntanlega ókeypis svo að tryggt væri að það kostaði ekki neitt, jafnvel þótt sá maður vissi ekkert hvernig ætti að bera sig að.

Ég virðist aðeins eiga um eitt að velja til að þóknast Hábeini, en ætla að láta almættið um að ráða því en ekki hann.

[Hábeinn (IP-tala skráð) 19.10.2015 kl. 23:23]

Hábeinn er óánægður með það að umhverfisverndarpostuli skuli gera sig sekan um umhverfissóðaskap. Og hvaða afsökun hefur sóðinn? "Ég hefði getað mengað meira og það er enginn annar sem kann að ganga frá svo ekkert skemmist í vetur". En augljóst er að ástæða ferðarinnar er "Mig langaði til að fara og skítt með komandi kynslóðir. Og ég týmdi ekki að borga einhverjum fyrir að vinna verkið, ég er bara umhverfisverndarsinni þegar það hentar mér og mínum fjárhag".

Ómar á aðeins um eitt að velja til að þóknast Hábeini, og það er á hans valdi en ekki almættisins. Practice what you preach, segir kaninn þegar menn segja eitt en gera annað.

[Þorsteinn Briem, 20.10.2015 kl. 00:15]

Þeir sem ekki eru á ferðalögum utan síns heimabæjar ferðast þar flestir nær daglega til og frá skóla og vinnu. Og fólk er yfirleitt ekki á ferðalögum utan síns heimabæjar nema nokkrar vikur á ári.

Langflestir menga því mun meira í sinni heimabyggð en utan hennar, hvort sem þeir búa hérlendis eða erlendis.

Í hverri rútu og flugvél eru yfirleitt fjölmargir farþegar en í hverjum einkabíl á höfuðborgarsvæðinu hér á Íslandi er eingöngu bílstjórinn í fjölmörgum tilfellum.

Ef erlendir ferðamenn kæmu ekki hingað til Íslands myndu þeir ferðast til annarra landa og menga álíka mikið í þeim ferðum.

Og innan við 1% af flugvélaflota Evrópu flýgur með farþega sem hér dvelja.