K.S.: Kahn að gera það sem Hitler tókst ekki?

Adolf Hitler ætlaði að knésetja Breta með loftárásum á London haustið 1940 en tókst ekki.

Nú má sjá á bloggsíðu Kristinna stjórnmálasamtaka, að Sadic Kahn, nýkjörinn borgarstjóri Lundúnaborgar, sé að takast það, sem Hitler tókst ekki, og sé í slagtogi með mönnum, sem hafa sagt, að Hitler hafi verið mikilmenni.

Á síðunni er birt myndband samtakanna "Britain first" en í því er Kahn spyrtur saman við hryðjuverkafólkið, sem gerði árásina á London hér um árið og einnig við hryðuverkasamtök Íslam bæði nú og áður.

Kahn hafi velþóknun á þessum samtökum og öfgamúslimum um allan heim.

Myndbandið hefst á kvikmyndum af loftárásum nasista og er skreytt með árásum hryðjuverkamanna á London og New York.

Niðurstaðan og lokaorðin á íslensku vefsíðunni eru skýr:

"London er fallin. Bara byggja mosku og flytja inn nóg af múslimum og Ísland fellur. Þá yrði kannski stofnað "Ísland fyrst". Er það þetta, sem við viljum eða ætlum við ekki að læra af reynslu neinna annarra? Stjarnfræðileg heimska."

Reyndar er "Ísland fyrst" ekki alveg ný hugmynd. Í aðdraganda Seinni heimsstyrjaldarinnar var kjörorð íslenskra þjóðernissinna "Íslandi allt!" 

Af hverju ekki að nota það aftur? Hinn hreini aríski kynstofn.

Þegar maður les um íslenska þjóðernissinna fyrir 80 árum og ber málflutning þeirra saman við þann málflutning, sem nú er í gangi varðandi "Ísland fyrst" verður maður hugsi.

Þegar ég byrjaði að lesa um stjórnmál um 1950 undraðist ég hvernig menn höfðu getað fallið fyrir málflutningi brúnstakkanna en huggaði mig við það að slíkt myndi aldrei endurtaka sig.

En er sagan að endurtaka sig? "Íslandi allt!" á ný?

Trump mildast í garð múslima

Athugasemdir

[Jón Valur Jensson, 13.5.2016 kl. 02:01]

Þú ert djarfur að útleggja hér eftir þínu höfði hugleiðingu á Krist.blog.is um mögulegar afleiðingar mikils innflutnings múslima til Íslands á næstu áratugum, Ómar, hliðstæðs við það, sem hefur gerzt í fleiri norðlægum löndum og grænt ljós virðist gefið á í boðuðu stjórnarfrumvarpi um ný útlendingalög, þótt sú smíð sé verk nefndar með vinstri flokka í meirihluta og ESB-innlimunarsinnann Óttar Proppé (alþm. fyrir "Bjarta framtíð", hverfandi flokk) sem formann!

Ef Ísland ætlar að endurtaka mistök skandinavísku landanna í málefnum innflytjenda, þá er ekki að efa, að múslimum mun fjölga hér mjög og þá einnig fulltrúum afturhaldssinnaðra viðhorfa islams. Á sama tíma og Proppé-nefndin hefur verið að kippa fótum undan skynsamlegri íhaldssemi okkar gagnvart m.a. ýmsum ófyrirleitnum hælisleitendum, sem smygla sér hingað til lands (síðast þrír á Seyðisfirði í fyrradag), iðulega jafnvel vegabréfs- og nafnlausir, þá eru skandinavísku löndin þrjú hins vegar búin eða í óða önn að endurskoða sína löggjöf með róttækum hætti frá hinni opnu stefnu sem þar var ráðandi til skamms tíma.

En hver er afstaða þín í því efni, Ómar, ertu á Samfylkingar- og fjölmenningarhyggju-línunni ofurlíberölu, kannski "No Borders"-maður?

Ertu búinn að lesa nýútkomna bók, Þjóðaplágan islam ? Endilega fáðu þér eintak, hún er metsölubók vetrarins í Noregi, enda vandað rit, stútfullt af margstaðfestum upplýsingum um islam allt frá dögum hins harðsvíraða Múhameðs til nútímans.

Nú eru allir 63 alþingismenn okkar búnir að fá bókina að gjöf frá einhverjum heillavini sínum; vonandi lesa þeir hana, áður en þeir greiða atkvæði um óráðlega Proppé-frumvarpið. Magnús Þór Hafsteinsson, fv. alþm., farsæll og vinsæll rithöfundur, var heldur betur snarráður að þýða þessa metsölubók fyrr en aðrir í nágrannalöndunum, en víða mun þessi bók fara.* Og nú mátt þú ekki dragast aftur úr, Ómar blessaður, þegar þingmennirnir þeysa nú væntanlega fram í þekkingu á múslimamálum.

Áður en ég kveð: Kristin stjórnmálasamtök hafna fáu eða engu jafn-harkalega og nazisma. Og orðin "Bara byggja mosku og flytja inn nóg af múslimum og Ísland fellur. Þá yrði kannski stofnað "Ísland fyrst"" tók ég ekki í merkingunni: þá þarf að stofna hér harkalega þjóðernissinnað ríki, þar sem einangrunarstefna verði við lýði, heldur í merkingunni: þá gæti bakslagið af offjölgun múslima hér hugsanlega falið í sér, að þjóðernissinnum færi þá fjölgandi hér, rétt eins og gerzt hefur á síðasta misseri eða lengur í Þýzkalandi og Austurríki og jafnvel á Norðurlöndunum. En engan gæðastimpil tel ég hafa verið settan á slíka þróun í nefndum orðum og sízt nokkur meðmæli með öfgum.

* Finnið hörkugott viðtal við Magnús Þór hér: http://www.utvarpsaga.is/eldri-thaettir-2.html?start=16

[Jón Valur Jensson, 13.5.2016 kl. 02:12]

Nei, viðtalið við Magnús Þór Hafsteinsson er komið á þessa vefslóð ÚS:

http://www.utvarpsaga.is/eldri-thaettir-2.html?start=48 (Línan laus - 3. hluti, 3.maí 2016. Umsjón Pétur Gunnlaugsson.)

[Hilmar (IP-tala skráð) 13.5.2016 kl. 02:26]

Sadiq Khan er múslimi í Verkamnnaflokknum. Hann var kosinn í borg, þar sem góður hluti borgara eru innflytjendur, og ansi margir múslimar. Hann hlaut kosningu út á 23% atkvæða skráðra kjósenda. Khan hefði aldrei verið kosinn, nema vegna smölunar múslima, og þess stuðnings sem íslam hefur meðal vinstrimanna í Bretlandi.

Og það ku vera rétt að Sadig Khan hafi tengsl við öfgaíslam. Það má vel vera að hann sé ekki öfgamaður sjálfur, eða feli það nokkuð vel, en tenglsin eru sannarlega til staðar. Það þykir þó ekki vera tiltökumál meðal vinstrimanna Verkamannaflokksins, þar sem skandalar eftir skandala hafa skekið Bretland undanfarnar vikur, þar sem afhjúpaðir hafa verið fjölmargir öfgaíslamar meðal kosinna fulltrúa flokksins. Fólk sem meðal annars hafa boðað "lokalausn á gyðingavandamálinu". Fjölmargir hafa neyðast til að segja af sér eða verið reknir úr flokknum, en enn fleiri hafa ekki gert það. Sjálfur formaður Verkamannaflokksins telur Hamas og Hezbollah til vina sinna, og fyrrum borgarstjóri London, Rauði Ken, hefur margítrekað lýst því yfir, að Hitler hafi verið síonísti.

Nei, það skiptir engu þó Sadiq Khan sé málaður sem hófsamur múslimi. Að segja einhvern hófsaman múslima er eins og að segja að einhver sé hófsamur nasisti eða hófsamur kommúnisti. Þegar grunnstefnan er fásísk, þá eru allir sem aðhyllast hana, fasískir. Þetta er staðreynd sem einfaldar sálir skilja ekki.

Íslam gengur ekki upp með lýðræði. Lýðræði er í beinni andstöðu við íslam og íslam er bein ógn við minnihlutahópa, hvort sem þeir heita gyðingar, jasídar eða hommar og lesbíur.

Þrátt fyrir alvarleika málsins, þá er það bráðfyndið að sjá bloggara á Íslandi verja fasista með ásökunum um að andstæðingar þeirra séu fasistar. Það er fyrst og fremst heimska.

[Jón Valur Jensson, 13.5.2016 kl. 02:43]

Tek undir með þér, Hilmar, enda ertu vel upplýstur.

[GB (IP-tala skráð) 13.5.2016 kl. 07:15]

Langar að taka undir með Jóni og Hilmari.

[Elín Sigurðardóttir (IP-tala skráð) 13.5.2016 kl. 08:16]

Íslandi allt hljómar ágætlega í þessu aflandseyjafári öllu.  Vinstri mönnum tekst yfirleitt það sem hægri mönnum tækist ekki.  Þeir eru líka svo lúmskir, þykjast vilja opna upp á gátt til að taka á móti flóttamönnum þegar þeir eru bara að koma peningunum sínum í skjól.  

http://veggurinn.is/15/04/2016/samfylking-og-vinstri-graenir-samthykktu-leynd-um-lagskattasvaedi-i-mars-2013/

[Ómar Bjarki Kristjánsson, 13.5.2016 kl. 09:26]

Djöfull er óhugnalegt að lesa það sem þessir icesavekrossfarar láta frá sér. Ískyggilegt.

Að öðru leiti, að hafa menn aldrei heyrt minnst á skoðanakannanir?

Þessi úrslit komu ekkert á óvart.

[Jón Valur Jensson, 13.5.2016 kl. 12:02]

Mælir það á móti mér í augum ESB-predikarans, að ég skrifaði og talaði með lagalegum rétti þjóðarinnar í Icesave-málinu?!

En varðandi efni vefsíðunnar er mjög verðugt fyrir fólk að skoða myndbandið sem er á þessari vefslóð: Islamisti eða friðarins maður?

Þar er að sönnu dálítið gamaldags þjóðernisandi brezkur, sýnandi svipmyndir úr þjóðlífinu af strætum Lundúna frá stríðárunum og þeim friðarárum, sem við tóku, viss söknuður í því, en svo eru jafnvel sömu stræti orðin vettvangur uppivöðslusamra nýbúa sem hamra á hörkulegri hugmyndafræði, notfæra sér bæði "sócíalinn" og umburðarlyndi Breta.

Og þessi Sadiq Khan er sérstakt athugunarefni, og þá kemur nú margt gruggugt upp úr kafinu, sem menn ættu að skoða, ótrúlegir hlutir þar!

[Þorsteinn Briem, 13.5.2016 kl. 20:42]

"Í Kristnum stjórnmálasamtökum eru 15 manns."

Jón Valur Jensson, 9.8.2014

[Þorsteinn Briem, 13.5.2016 kl. 20:42]

27.2.2016:

"Aðspurður seg­ir Helgi [Helgason formaður Íslensku þjóðfylkingarinnar] að stofn­un nýs flokks hafi átt sér nokk­urn aðdrag­anda, eða al­veg frá því hann tók við sem formaður Hægri grænna.

Þetta var niðurstaðan á aðal­fundi flokks­ins sem fór fram í dag. Tólf sóttu fund­inn að sögn Helga en um 230 voru skráðir sem flokks­menn í Hægri græna.

"Hægri græn­ir þeir ganga þarna inn með manni og mús ...," segir Helgi."

[Þorsteinn Briem, 13.5.2016 kl. 20:43]

[Þorsteinn Briem, 13.5.2016 kl. 20:46]

Merki Mörlensku þjóð"fylkingarinnar":

[Jón Valur Jensson, 13.5.2016 kl. 21:43]

ESB-taglhnýtingurinn Steini Briem er vitaskuld ekki rétti maðurinn til að kynna hvort heldur Kristin stjórnmálasamtök (17 manna félag) eða Íslensku þjóðfylkinguna. Síðarnefndu samtökin voru með kynningarfund á Nordica sl. laugardag, og sótti hann á annað hundrað manns.

 

Flokkurinn er stofnaður til að vinna fyrir þjóðarhagsmuni og velferð almennings á Íslandi. Meðal stefnumála eru: 

* 300.000 króna skattleysismörk,

* gjaldfrjáls heilbrigðisþjónusta,

* aukið frelsi í strandveiðum,

* endurupptaka sjómannaafsláttar,

* afnám erlends eignarhalds í sjávarútvegi,

* almenn skuldaleiðrétting íbúðalána,

* mjög veruleg lækkun vaxta (Landsbankanum og Íls. beitt til þess),

* um 1% vextir á íbúðalán til þeirra sem eru að kaupa húsnæði í fyrsta sinn,

* tekjutengingar aldraðra, öryrkja og námsmanna verði afnumdar,

* meðlagsgreiðendur fái skattafslátt vegna þeirra útgjalda sinna,

* stuðningur við kristin gildi og viðhorf,

* stuðningur við þá innflytjendur sem aðlagast íslensku samfélagi, 

* hert innlytjendalöggjöf og innleiðing 48 tíma reglu í málefnum hælisleitenda,

* andstaða við byggingu nýrra moska og við sjaríalög,

* styðjum aðild að NATO, en viljum úrsögn úr EES og Schengen,

* höfnum eindregið aðild að Evrópusambandinu og TISA-samningnum.

[Valdimar Jóhannsson (IP-tala skráð) 14.5.2016 kl. 11:35]

https://www.youtube.com/watch?v=0zFfl25UkV8

Mona Walter er frökk sómalísk kona í Svíþjóð, sem yfirgaf islam og gerðist kristin. Hún hefur lífvakt allann sólahringinn vegna hótana frá múslimum.

Þátturinn er á einfaldri sænsku og gott að skilja.