Hvílíkur endir!

Handritshöfundur í fremstu röð hefði varla getað skrifað magnaðri lokakafla en þann, sem gafst í leik okkar við Portúgala, þegar sjálfur Ronaldo fékk á silfurfati tvær aukaspyrnur á allra síðustu sekúndum viðbótartímans, sem var að vísu runninn út á klukkunni rétt eins og leiktíminn sjálfur.

Þetta var lyginni líkast, hvernig minnsta örþjóð sem spilað hefur á stórmóti í knattspyrnu, kom í veg fyrir að stórveldisþjóð í knattspyrnu gæti nýtt sér það að vera "betra liðið."

En eins og allt annað í knattspyrnu veit Lars Lagerback allt um það hvernig á að bera sig að til þess að nýta sér þá einföldu staðreynd, að það eru mörkin sem telja og dagurinn í dag var ekki bara venjulegur tímamótadagur að fá að hlaupa með landslið inn á í fyrsta leik á stórmóti, heldur að ná svona úrslitum gegn einu af bestu landsliðum heims.

Stórkostleg byrjun á EM

Athugasemdir

[Pétur Axel Pétursson (IP-tala skráð) 14.6.2016 kl. 22:17]

Sjaldan verið eins stoltur

[Þjóðólfur í Fótakefli (IP-tala skráð) 14.6.2016 kl. 22:21]

Eitt þó tekur engu tali,

tekst ekk að skilja enn, 

þeir gáfu svo glatt á Portúgali,

ef gefa átti á eigin menn! 

[Þjóðólfur í Fótakefli (IP-tala skráð) 14.6.2016 kl. 22:27]

...er samt stoltur... Dómararnir voru í hinu liðinu! 

[Már Elíson, 14.6.2016 kl. 23:16]

Nú verður fyrst gaman að sjá okkar menn á móti Ungverjum og Austurríki.....