Ekki jarðskjálfti við Hellisheiðarvirkjun?

Leikmaður, Sigurður Sigurðarson, spáði fyrir um jarðskjálftann, sem nú er orðaður við Hengilssvæðið.

Hann benti á líkindi þess, að niðurdæling, sem verið hefur í gangi á vegum Hellisheiðarvirkjunar, væri orsök jarðskjálftahrinu, sem nú skekur Hvergerðinga.  

Sigurður tengdi sem sé jarðskjálftann við Hellisheiðarvirkjun, en heppilegra þykir í fréttum um málið að nefna það virkjunarsvæði "Hengilssvæðið". 

Í sama bloggpistli fjallar Sigurður um líkindi þess að sjö stiga jarðskjálfti verði beint undir stóriðjusvæðinu á Bakka við Húsavík, en þar er annar af tveimur hættulegustu jarðskjálftastöðum landsins. 

Ef slíkt gerist má reikna með að sagt verði, að jarðskjálfti hafi orðið á Tjörnessvæðinu. 

 

Jörð skalf á Hengilssvæðinu

Athugasemdir

[Ragna Birgisdóttir, 18.9.2016 kl. 10:20]

Agalega er mér illa við þessa niðurdælingu sem er í gangi þarna. Maðurinn að storka náttúrunni. Hneisa og ólíðandi tilraunastarfsemi.

[virginia (IP-tala skráð) 18.9.2016 kl. 12:05]

Árið 1872 urðu tveir skjálftar af stærðinni M6.5 á Húsavíkur-Flateyjar misgenginu.

Í dag er uppsöfnuð spenna á austurhluta misgengisins við Húsavík, talin geta framkallað skjálfta að stærð Mw6.8, samkvæmt lærðum rannsóknum jarðfræðinga.

 

[Vigfús Ingvar Ingvarsson (IP-tala skráð) 18.9.2016 kl. 15:36]

Ég held að niðurdælingin njóti ekki sannmælis. Áratugir eru síðan á það var bent að líklega væri niðurdæling eina líklega aðferðin til að draga úr jarðskjálftum. Þ.e. með því að losa um uppsafnaða spennu í smærri skömtum en annars yrði í meiri háttar jarðskjálftum. Fróðlegt væri að fá álit jarðfræðinga á þessu. 

[Gunnbjorn Berndsen (IP-tala skráð) 18.9.2016 kl. 15:50]

Hver gefur OR leifi til að hrista hús fólks. Sveitarstjórn Ölfus ætti að banna þessa tilraunastarfsemi. Ræddi þetta við fyrrverand Sveterstjóra en ekki var mikið á honum að græða. Hvergerðinga ættu að mótmæla