Oft tilraunir til bíræfni í hugverkaþjófnaði.

Mörg hugverk fela í sér svo mikil verðmæti að það freistar manna til að ganga bíræfnislega langt í að gera tilraunir til að komast upp með lygilega hugverkastuldi.  

Bókin Amma langsokkur er ágætis dæmi um slíkt eins og greint er frá í tengdri frétt á mbl.is. sem er athyglisverð í meira lagi. 

Astrid Lindgren kvartar undan Ömmu Langsokki

Viðleitni í tvær áttir, sem stangast á.

Ívilnanir, sem hafa verið í gildi fram að þessu varðandi kaup á bílum, hafa átt að vera hvati fyrir orkuskiptum. 

En á sama tíma hefur ríkt þensla í ferðaþjónustu og hagkerfinu, sem hefur valdið aukinni notkun á jarðefnaeldsneyti, þvert á fyrirheit stjórnvalda.  

Þetta tvennt togast á og niðurfelling ívilnana og ný og ný met í jarðefnainnflutningi hamlar orkuskiptunum.  

Hægir á orkuskiptum

Misjafnar matsáherslur í sjónvarpi í gærkvöldi um .ráðstefnuna í Dubai.

Í gærkvöldi lögðu margir orð í belg um loftslagsmálin í sjónvarpi, og mátti greina nokkuð misjafnt mat á fréttum af ráðstefnu Sþ í Dubai. 

Ólafur Ragnar Grímsson gerði mikið úr því sem þegar hefði áunnist á ráðstefnunni, svo sem stofnun sérstaks sjóð til hjálpar hinum fátækari þjóðum, en í dómum um fjarveru Bandaríkjaforseta var eins og yfirlýsing hans um afnám kolavinnslu  í Bandaríkjunum hefði alveg farið fram hjá álitsgjöfunum íslensku.  

Og nokkuð almennt var það sjónarmið, að enn væri svo mikið eftir óunnið við samningaborðið, að of snemmt væri að gefa út neinar endanlegar niðurstöður um ráðstefnulok.  

Loftslagsmál falla í mikilvægi hjá fólki

Er ógagnið ekki meira samtals en gagnið?

Hve marga daga í heild skyldu vera aðstæður þar sem nagladekk gera gagn?  Kannski fimm til sex?

Hve marga daga skyldu þeir gera ógagn?  Hundrað til hundrað og fimmtíu? 

Það ógagn er margs konar. 

Slíta götunum og búa til rásir sem fyllast af vatni og minnka aksturhæfni bílanna. 

Úða tjörupækli yfir götur og farartæki. 

Tjaran berst á rúðurnar og skerðir útsýni, gerir dekkin og göturnar sleipari, skerðir hemlunargetu.

Búa til heilsuspillandi svifryk á þurrum dögum. 

 

Meirihluti andvígur gjaldtöku á nagladekk

Svipað við Svartsengi nú og við Kröflu 1975-1984 og undir Heklu síðan 2000?

Í Kröflueldum 1975 skiptust á ris við miðju kvikugangs og sig hans til skiptis. 

Í hvert skipti reis landið hærra en í næstu rishrinu á undan, en í helmingi skipta varð kvikuhlaup annað hvort í norðausturátt eftir gangingu með aldgosi, eða í aðra hvora áttina án eldgoss. 

Í hverri rishrinu fór landið hærra en það hafði komist í gosi eða rishrinuni á undan.  

Að sama skapi stækkuðu gosin smám seman, og hin síðustu, 1980-1981 og 1984. 

Ef upphaf eldvirkninnar syðra núna eru talsverð líkindi með upphafi Kröfluelda, og verður spennandi að fylgjast með því.  

Heklugosin 1970, 1980, 1991 og 2000  voru í meginatriðum í kjðlfar landriss, þar sem gosin komu ekki fyrr en eftir að land hafði risið hærra en það gerði fyrir gosið þar á undan. 

Núna er Hekla komin talsvert hærra en hún komst fyrir gosið 2000 og treysta vísindamenn sér ekki til þess að spá fyrir gosi með meira en klukkustunu fyrir gos. 

Landið nú risið hærra en fyrir skjálftahrinuna

Skilar of litlu ennþá.

Þótt tæknilega hafi reynst möglegt að fanga koltvísýring á fleiri en einn veg eru slíkar aðgerðir á byrjunarstigi og langt í land að það skili nægu.

Slá þarf í klárinn og betur  má ef duga skal.  

Geyma koltvísýring á hafsbotni

Færsla á Reykjanesskaga í allmörg ár.

Fyrir nokkrum árum rakst síðuhafi fyrir tilviljun á greinargerð hjá Landmælingum Íslands sem sýndi 18 sentimetra lækkun lands á orkuöflunarsvæðunum á Reykjanesskaga. 

Jafnframt þessu gekk sjór á land í Staðarhverfi fyrir vestan Grindavík. 

Þessi lækkun lands bendir til þess að mikil rányrkja eigi sér stað í gufuöflun í orkuverum sem vekur spurningar um áhrif þess á stððu hraunkvikunnar undir skaganum. 

 

Þrátt fyrir þetta heldur gufuöflunin áfram eins og ekkert sé, og framkvæmdaleyfi í Eldvðrpum er í fullugildi.

Hvað segja jarðfræðingarnir um þetta? 

Svartsengi færðist til um heilan metra

Fleiri dæmi um ofríki Bílastæðisjóðs. Hægt að fjarlægja þúsundir bíla!

Bílastæðasjóður á að vera þjónn borgaranna en ekki andstæðingur sem teldi það höfuðhlutverk sitt að beita valdi sínu sem freklegast. Eða það hefði maður haldið. 

Síðuhafi hefur tvívegis lent í svipuðum aðstæðum og greint er frá í viðtengdri frétt á mbl.is. 

Í fyrra skiptið hafði miðinn í glugganum fokið til á mælaborðinu vegna hvassviðris þannig að erfitt var að lesa á hann utan frá, en þegar að var komið var kominn stöðumælavörður, sem var byrjaður á skrifa á sektarmiða, þótt miðinn inn sýndi, að ennþá voru meira en 20 mínútur eftir af borgaða tímanum. 

Vörðurinn harðneitaði að taka þessi óræku sönnunargögn til greina og málið endaði á þeirri ofríkislúkningu að engu varð um þokað. 

Hitt málið tengdist setningu nýrrar lagaumgjðrðar vegna skyldu fjölbýlishúsaeigenda til að sjá um uppsetningu sem tryggði aðgengi íbúa að rafmagni fyrir rafknúna bíla.  

Þótt fáum sé það kunnugt er hægt að kaupa rafbíla sem eru aðeins tveggja sæta og aðeins með möguleika á að nýta heimilisrafmagn með minna en tíu ampera straumi. Smæð þessara bíla og einfaldleiki er grunnurinn að lágu verði þeirra og ódýrum rekstri. 

Í ljós kom við athugun að ótrúlega einfalt og ódýrt var að skapa aðgengi fyrir litla rafbílinn inni á litlum stalli sem var innan við gangstéttina meðfram blokkinni á eignarlóð blokkarinnar. Fyrir hreina tilviljun var passaði stallurinn nákvæmlega fyrir bílinn. 

Þegar bíllinn stóð þar, losaði hann um bílastæði við húsið þar sem hægt var að hafa annan bíl í staðinn. 

Nú hefði maður haldið að það hefði verið almannahagur að leysa þetta mál á ótrúlega hagkvæman hátt. Stjórn húseigendanna tók þessu vel og lausnin virtist blasa við. 

En það var nú öðru nær. 

Fyrr en varði var kominn ellefu þúsund króna sekt á bilinn. 

Ný umferðalög voru öll túlkuð á ótrúlegan hátt sem gaf Bílastæðasjóði algert sjálfdæmi í málinu að sðgn talsmanna hans. 

Skyldi ég hafa mig hægan, því að samkvæmt nýju umferðarlðgunum, hefði Bílastæðasjóður heimild til að láta fjarlægja bílinn með lögregluvaldi á nóttu sem degi og gera hann upptækan! 

Talsmenn sjóðsins upplýstu glaðhlakkalegir að nýju lögin heimiluðu að alla bíla, sem stæðu utan við bílskúra mæetti meðhöndla á þennan hátt hvenær sem væri! 

Bílastæðasjóður gaf út sektir á einkalóð

Vandræðasætið hægra megin að aftan.

Á áttunda áratug síðustu aldar var Ólafur Ragnarsson heitinn ritstjóri Vísis og fékk síðuhafa til að sjá um bílasíðu blaðsins. 

Meðal nýjunga í bílaprófunum var að fá sér hljóðstyrksmæli og mæla hávaðainn inni í bílnum á 70 km hraða á grófum malarvegi, mæla hámarkshraða bílsins á krappasta hluta Hagatorgsins og setjast´sem farþegi í hægra framsættið þannig stillt að stuðningur væri undir lærin, fersta sætið þar og máta síðan rýmið í hægra aftursætinu. 

Þetta geri ég enn í dag og í þessari prófun hefur komið í ljós sá vaxandi galli við rýmið í aftursætinu, að erfitt er að sttíga inn og út ur rafbílunum vegna þess rýmis sem rafhlöðurnar undir gólfinu stela frá fótarýminu. 

þetta er galli á flestum meðalstórum og smærri rafbílum. 

besta rýmið hingað til hefur mælst í Hyondai Ioniq 5, og í flokki smærri og ódýrari rafbíla hefur ORA 3ÖÖ komið skást út.  

Að öðru leyti stunda ég ekki eins umfangsmiklar bílaprófanir og forðum daga. 

Þegar stærðin skiptir máli