"If you kill the earth..." - "Ef þú deyðir jörðina..."

Ég er með skilaboð / I bring a similar message as the astronots on YouTube to-day about the earth in a music/poem-video with the title "Only one earth" (Icelandic: "Aðeins ein jörð") that shows the astronots wiew over our planet. More information on facebook.

Þetta er alþjóðlegt. Þessvegna bæði á ensku og íslensku í þetta sinn, sjá nánar á facebook.

https:www,youtube.com/watch?v=ngCxOPXYGeQ   https:www.youtube.com/watch?v=mj3MeN9QgPk

Geimfarar sjá jörðina í alveg nýju ljósi, sjá nýtt samþjappað samhengi hlutanna. 

Geimfari, deyjandi úr krabbameini, sem byrjaði ósköp sakleysislega og lymskulega, skynjar betur en aðrir hvað er að gerast á jörðinni.

This is the poems conclusion in English translation;

 

"...Only one earth.

Scary is mankinds blunder.

The law of nature is brutal and hard

and hits you like hail and thunder :

If you kill the earth the earth will kill you

and bleeding youll go under.

 

Yet, only one earth

can dress us and feed like a mother

if we are determined to save its life,

protecting it, sister and brother, -

loving our only earth,

because we dont have another.

 

Only one earth.

 

       In Icelandic;

 

Aðeins ein jörð.

Afglapa sporin hræða.

Lögmálið grimma lemur og slær

og lætur ei að sér hæða:

Ef þú deyðir jörðina deyðir hún þig

og deyjandi mun þér blæða.

 

Aðeins ein jörð

samt alla mun fæða og klæða

ef um hana standa viljum vörð,

vernda hana og líf hennar glæða, -

elska þessa einu jörð, -

það er ekki um fleiri að ræða.

 

Aðeins ein jörð. 

 

 

„Jörðin okkar er með krabbamein“

Mikilvægt að súlan sé tendruð allan umsamdan tíma.

Friðarsúlunni í Viðey er ætlað að lýsa eftir föngum allan tímann frá fæðingardegi John Lennons til dánardægurs hans.

En á því virðist geta orðið misbrestur og vegna stórvaxandi ferðamannastraums er slíkt meira áberandi nú en áður var. 

Til dæmis var það ætlun okkar Friðþjófs Helgasonar að taka sérstaka mynd af henni um daginn vegna tónlistarmyndbandsins "Let it be done!" á YouTube, en það kvöld og þá nótt var hún ekki tendruð.

Friðarsúlan fer í sitt árlega frí

Fikt, bæði til góðs og ills.

Fikt, grunnþráin til að kanna það ókunna, og upplifa eitthvað nýtt, er afar mikilvægur þáttur á þroskaskeiði barna og unglinga.

Að sama skapi er gagnstæð hegðun, óttinn við að gera mistök með því að fikta, oft afar hamlandi hjá hinum eldri.

Í æsku var Thomas Alfa Edison hættulegur sér og öðrum vegna hins villts huarfugs síns, sem síðar reyndist ómetanlegt þegar búið var að beisla og beina því á rétta braut.

Eitt sinn var ég á stórri samkomu þar sem hljómflutnings- og myndasýningarkerfið var stopp vegna tæknibilunar sem enginn viðstaddur tæknimaður gat lagað fyrr en 9 ára gamall drengur gaf sig fram og leysti vandann á augabragði.

Áður en fram komu nógu litlar og ódýrar ratsjár til að hafa í litlar flugvélar var slíkt talið óleysanlegt.

Einn framleiðandi leitaði þá uppi nokkra nýútskrifaða afburða nemendur úr háskólum sem höfðu aldrei komið nálægt ratsjám og þeir leystu verkefnið af því að þeir komu að þessu með autt blað með opnum huga án nokkurra fyrirfram mótaðra mótbára né fordóma og voru óhræddir við að fikta og fara nýjar brautir.

 

 

 

Meðalaldur tölvuþrjóta 17 ár

Þetta er vel hægt.

Fyrsta bílferð sögunnar náði fyrir húshorn, nokkur hundruð metra hjá Karli Benz.

Festyrsta bílferðin utanbæjar var rúmlega 100 kílómetra löng hjá konu hans.

Fyrsta vélflug Wright-bræðra var 37 metra langt og flugvélin náði mest 3ja metra hæð.

Í öll skiptin voru hrakspár á lofti og bullandi vantrú.

Þetta væri gott að hafa í huga þegar úrtöluraddir eru hvað háværastar varðandi árangur í loftslags- og orkuskiptamálum.

Dregur úr útblæstri á þessu ári

Stórhöfði, - 42 - 49 m sek

Nýjustu fréttir af stórviðrinu, 42 m meðalvindur á Stórhöfða kl. 19, - og 49 m í hviðum.

49 m eru rúmlega 100 hnútar eða tæplega 200 kílómetrar á klst.

Íslandsmetið er 55 m sek, sett á Stórhöfða.

 

P.S.  Hæstu tölur í kvðld, 47 m meðalvindur, - 52 m í hviðum.

Spáir 60 m/s í hviðum

Aukaatriði hvernig skefur inn á vélina.

Ef það er mikilvægt þegar bíl er lagt í hvassvíðri, snjókomu og skafrenningi, að huga að því hvernig bíllinn muni snúa þegar veðrið gengur yfir.

Verst getur verið ef vindurinn stendur þvert á bílinn upp að hægri hlið hans þannig að snjóinn skafi yfir hann og safnist í skafl við bílstjóradyrnar.

Oftast ráða menn litlu um það hvernig bílastæðið snýr, en æskilegt er að vindurinn standi langsum efir bílnum svo að hann taki sem minnstan vind á sig.

Flestir bílar eru hannaðir þannig að lotmótstaðan sé sem minnst í akstri, þ.e. þegar loftið skellur framan á hann á ferð.

Af því leiðir að mótstaða vegna vinds verður minnst þegar hann skellur framan á bílinn og myndar skafl fyrir aftan hann en ekki framan.

Oft skefur snjó inn á vélina, en þess ber að geta að það gerist líka oft þegar vindurinn stendur úr öðrum áttum.

Það er hvort eð er ráðlegt að opna vélarhúsið áður en sett er í gang og hreinsa snjó af henni.

Framangreint felur í sér aðalatriði. Aðstæður geta verið flóknari vegna afstöðu bílsins til annarra bíla og fastra hluta. 

Svona er best að leggja bílnum

Þegar um tvo kosti er að velja.

Það blasir við að um tvo erfiða kosti er að velja í kjaramálum.

Annars vegar lækkun tryggingargjaldi, sem liðkar fyrir þvi að hægt sé að halda kjarasamningum í gildi og afstýra nýjum víxlverkunum verðlags og kaupgjalds, en á móti kemur að svona lækkun er óæskileg þegar þensla ríkir eins og nú.i

Hins vegar að hreyfa ekki tryggingargjaldið og hleypa vinnumarkaðnum upp.

Úr vöndu er að ráða við að reikna út áhrif beggja leiða, en hvorug er góð.

„Staðan er gríðarlega alvarleg“

Blasir við um borð í þotunum.

I´þau skpti,sem ég hef farið til Kanaríeyja, hafa farþegaþoturnar verið sneisafullar af fólki.

Þoturnar, sem notaðar eru, mjóar og lengdar af ódýrustu gerðunum, svo sem Boeing 737 og Boeing 757, eru yfirleitt ekki notaðar á svona löngum flugleiðum, heldur þotur með breiðari skrokk sem bjóða upp á meira rými, ekki síst sálfræðilega.

En þessar mjóu löngu þotur með sína litlu loftmótstödu gefa möguleika á hámarks hagkvæmni, og vegna þess að samanlagður tími tveggja flugferðalaga er yfirleitt hlutfallslega lítill hluti af ferðinni allri, er þessi ferðamati jafn vinsæll og raun ber vitni.

Enda eru kostir Kanarí lðngu viðurkenndir, sól hátt á lofti allan veturinn, miðað við sumarið á Íslandi, loftslagið þægilegt, og tímamunurinn nær enginn.

Kærkomin nauðsyn og tilbreyting frá kulda, myrkri og stórviðrum á Fróni á útmánuðunum.   

  

Fargjöld til Kanarí undir kostnaðarverði

Engin smá óveður

Þegar talað er um versta veður í 25 ár er ekki um nein smá óveður að ræða.  Þau eru reyndar tvö, annað þeirra svokallað Engihjallaveður 1991 en hitt var 10 árum fyrr í febrúarbyrjun.  Í veðrinu 1981 fauk kirkja vestur í Dölum svo dæmi seú tekin, en Engihjallaveðrið var ennþá verra.  

Þá komst vindurinn í 93 hnúta á Reykjavíkurflugvelli en það samsvarar 46 m/sek sem er 14 metrum yfir mörkum fárviðris.  

Mér er enn minnisstætt hve miklu munaði að ég missti flugvélarnar mína tvær út í buskann, vegna þess að vindhraðinn var tvöfalt meiri en þurfti til að feykja þeim hvort eð var.  

En nafnið Engihjalli er í margar huga bundið við þetta veður vegna þess að við götu með því nafni austast í Kópavogi fuku bílar um eins og eldspýtustokkar. Sem betur fer rætast ekki verstu veðurspár alltaf til fulls og það eina sem við getum vonað er að veðrið verði ekki svona slæmt.

Ekki séð verra veður í 25 ár

"Fjallagrasatínsla..."

Enn í dag má sjá einstaka menn nota orðið "fjallagrasatínsla" þegar rætt er um "eitthvað annað" en stóriðju og þessir áltrúarmenn segja um þá, sem finnst nóg komið af henni, að þeir "vilji fara aftur inn í torfkofana" og "vera á móti rafmagni."

Einhver greip þetta á lofti fyrir 15 árum og síðan hefur hver étið upp eftir öðrum.

Í augum þessara manna er 100 milljarða króna vöxtur gjaldeyristekna í ferðaþjónustu á aðeins tveimur árum og sköpun á annan tug þúsunda nýrra starfa ekki þess virði að minnst sé á slíkt.

Þegar formaður atvinnumálanefnda Alþingis var um daginn inntur eftir því hverjar væru helstu stoðir atvinnulífs og gjaldeyrissköpunar landsmanna nefndi hann aðeins sjávarútveg og stóriðju.

Sama ríkisstjórnin og gerði álver í Helguvík að fyrsta "einróma" stefnumáli sínu fyrir tveimur og hálfu ári og hefur ekki afturkallað þá stefnumörkun, nýtur nú góðs af því, eins og flestir landsmenn, hvernig "fjallagrasatínsla" og "eitthvað annað", svo sem skapandi greinar, leggur grundvöll að hagvexti og góðri stöðu ríkissjóðs.

Að ekki sé minnst á eindæma lágt olíuverð, sem olíuríkin beita með þeim afleiðingum að möguleikum annarra orkugjafa til að ryðja sér til rúms er haldið í skefjum.

Vöxtur ferðaþjónustunnar mætti að vísu vera hægari og meira fjármagni veitt í markvissar aðgerðir til að styrkja innviði hennar og skipulag svo að undirstaðan, einstæð náttúra landsins, verði ekki fótum troðin í bókstaflegri merkingu.

En í kunnuglegri græðgi og kæruleysi,sem er lenska hér, skortir mjög á það að við nýtum okkur reynslu erlendis af því að hafa fulla stjórn á umgengni jafnvel mun fleiri ferðamanna við land og líf.    

100 milljarða aukning á 2 árum