Löngu tímabært.

Það hlýtur að vera hagkvæmt að stytta hringleiðina um Ísland um heila 61 kílómetra á tiltölulega ódýran hátt miðað við gerð langra brúa eða jarðganga, jafnvel þótt leiðin sé lokuð um tíma á veturna þegar umferðin er langminnst. 

En þessi möguleiki hefur blasað við í áratugi en það hefur tekið ótrúlega langan tíma að hrinda þessu í framkvæmd. 

En ég tel að fyrst þurfi að bæta fyrir trassaskapinn við að ljúka við að leggja bundið slitlag á hringveginn sjálfan í Berufirði og Skriðdal og drífa í því samtímis því sem Öxi verði færð í eins gott horf og unnt er. 

 

Vilja Öxi inn á samgönguáætlun

"Ég tek hestinn..."

"Ég tek hundinn!"  Þetta var nafn lags, sem þau Helena Eyjólfsdóttir og Þorvaldur Halldórsson sungu á sínum tíma með hljómsveit Ingimars Eydals. Mig rámar í að ekki hafi verið ýkja erfitt að gera þennan texta, ágreiningsefnið var ákaflega einfalt.

Ég myndi hins vegar eiga í basli með að gera texta um hestadeilu þá milli sambýlisfólks, sem greint er frá á mbl.is. 

Bæði eru skepnurnar stærri sem deilt er um og hér um árið hefði maður aldrei haft hugmyndaflug til að setja inn í dæmið alls konar möndl með fjármuni og svonefnda málamyndagerninga. 

Ég er því ekki viss um hvort textinn um hestadeiluna hefði endað á setningunni: "...og við bæði tökum hestinn",  - eða - "...og við bæði tökum hestana." 

Deilt um hesta í skilnaðarmáli

Þetta er lagið!

Sá mannauður, sem við Íslendingar eigum í kvikmyndagerðarfólki, auglýsingafólki og fjölmiðlafólki, er mikils virði fyrir okkur og mun meira virði en við gerum okkur grein fyrir.

Skortur á upplýsingum og miðlun þeirra, einkum á alþjóðavettangi, er eitthvað það bagalegasta sem getur komið fyrir þjóð á upplýsinga- og fjölmiðlunaröld, ekki aðeins vegna möguleika til að skila heiðri, velvild og viðskiptavild til okkar, heldur jafnvel enn frekar til þess að koma í veg fyrir það tjón sem skortur á upplýsinum getur valdið. 

Þess vegna er það mikils virði að að aðstandenur Inspired by Iceland hafi fengið virt alþjóðleg verðlaun fyrir átak sitt og á Degi íslenskrar náttúru á morgun er vel til fundið að afhenda í fyrsta sinn fjölmiðlaverðlun fyrir umfjöllun um íslenska náttúru. 

Ráðherra sendir hamingjuóskir