Veiran virðir ekki mismunandi þjóðerni.

Orðið fáránleiki hlýtur að koma í hugann þegar það er nú komið í ljós, að farið verður eftir þjóðernum farþega í þeim flugferðum, sem verða farnar allan banntímann "með bandaríska farþega og farþega, sem bannið nær ekki til."

Skoðum þetta aðeins nánar.  

Tilhneigingin til að draga fólk í dilka eftir þjóðum og kynþáttum, oftast í formi kynþáttafordóma, skín í gegn hjá þeim, sem stendur að ferðabanninu.  

Meðal farþega, sem fljúga má með, eru væntanlega Bretar, þótt Bretar séu Evrópubúar sem búa austan Atlantshafsins. 

Nýjustu viðburðir varðandi Bandaríkjamenn, sem hafa komið til landsins með COVID-SMIT sýna samt að veiran virðir ekki mismunandi þjóðerni.

En það afbrigði kynþáttamismunar að flokka flugfarþega eftir þjóðernum og mismuna þeim á slíkum grundvelli er í samræmi við upphaflegt aðgerðarleysi Trumps, sem byggði á þeirri kenningu að íbúar Bandaríkjanna væru öðrum þjóðum æðri. 

Mismunun á kynþáttum á ýmsum forsendum er eitthvað, sem halda hefði mátt að hefði verið kveðin í kútinn í Seinni heimsstyrjöldinni. 

Um fánýti kenninga um mismun kynþátta eru gott dæmi orðaskipti milli sænsku söngkonunnar Söru Leander og þýska áróðursmálaráðherrans Joseph Göbbels á stríðsárunum.

Leander naut mikilla vinsælda í Þýskalandi og hitti Göbbels einu sinni að máli við opinberan viðburð.

Göbbels sagði við Leander með tóni, sem var ekki beint vinsamlegur:  "Þú heitir Sara. Er það ekki ansi gyðinglegt nafn?"  Sara svaraði að bragði: "Jæja, finnst þér það, Jósep minn?"

 


mbl.is Fljúga áfram á fjóra áfangastaði í Bandaríkjunum
Tilkynna um óviðeigandi tengingu við frétt

Hann sóaði tímanum sjálfur í "sjáið þið hvernig ég tók hann!"

Donald Trump sló pólitískar keilur þegar Coved-faraldurinn byrjaði með því að leika einhvers konar Jón sterka og hrópa hróðugur eftir að hafa sagt að vágesturinn væri auðveldur viðureignar: "Sjáið þið, hvernig ég tók hann!"

Hann sóaði dögum og vikum í að láta í veðri vaka að sem hinn sterki forseti nægði í raun að hann sussaði bara á pestina og sjá:  Hún myndi ekkert gera af sér í Bandaríkjunum, heldur gufa upp nánast af sjálfu sér. 

Þegar fánýti þessarar hegðunar kemur síðan í ljós, er kúvent í gamla múr-trixið og vaðið yfir allt og alla í einhliða æðibunugangi og sagt, að tíminn til aðgerða hafi verið allt of naumur. 

Meira að segja dekurþjóðin Bretar eru forviða og hneykslaðir. 


mbl.is Ekki nægur tími til að láta vita af ferðabanni
Tilkynna um óviðeigandi tengingu við frétt

Trump í dýrð kjörorðsins "to make America great again."

Í ummælum Trumps varðandi ferðabann milli Bandaríkjanna og Evrópu skín sýn hans á yfirburði hans og þjóðar hans yfir aðrar þjóðir og leiðtoga þeirra. Hann fullyrðir án þess að depla auga,  að það séu aðeins Evrópumenn sem beri kórónaveiruna til Bandaríkjanna, en ekki Bandaríkjamenn sjálfir. 

Eða á að skilja það svo að Kanarnir ferðist aðeins aðra leiðina? Nei, ekki alveg, því að þeir verða skimaðir ef þeir koma verur yfir. En ekki aðrir, þeir fá ekki að fljúga. 

Með því að banna flug þessa óæðra fólks muni þessi nýi múr steindrepa veikina innan Bandaríkjanna, sennilega vegna mikilfengleika íbúanna og forseta þeirra. 

Trump lýsti því nefnilega yfir um daginn, að hann hefði stöðvað veikina nánast með krafti orða sinna einum saman. 

Væntanlega munu því bandarísk flugfélög geta haldið áfram að fljúga með farþega austur yfir hafið og farið síðan með bandaríkjamenn báðar leiðir ef fylgja á þessari stefnu í ljósi ummælanna. 

Hinir vesælu Evrópumenn verða ólíklegir til þess að svara með sínu eigin ferðabanni á allt fólk vestur um haf, eða hvað? 

Trump undanskilur Breta varðandi ferðabannið. Kannski vegna þess að það nægi að þjóð tali ensku sem móðurmál til að vera yfirburðaþjóð? 

 

P.S.  Fréttir Í hádeginu hjá okkur eru þær, að af tíu nýjum smitum komi fjögur frá Bandaríkjunum! 


mbl.is Ferðabann Trumps gildir um Ísland
Tilkynna um óviðeigandi tengingu við frétt

Það er bylting ef útskiptanlegt rafgeymakerfi verður tekið upp.

Útskiptanlegt rafgeymakerfi á vélhjólum er á leiðinni með að innleiða byltingu í notkun rafhjóla.Gogoro rafhlöðu útskipti

Slíkt kerfi, eins og þegar er komið til dæmis á Tæpei höfuðborgarsvæðinu á Tævan þýðir það, að í stað þess að það taki margar klukkustundir að hlaða geyma slíkra hjóla, tekur það aðeins nokkrar sekúndur að skipta út geymum á sérstökum skiptistöðvum, en þær eru 757 á Tæpeisvæðinu. Fiat Centoventi

Þessi bylting er möguleg á vélhjólum vegna yfirburða þeirra varðandi þunga farartækjanna miðað við afkastagetu í fólksflutningum. Tveggja sæta vélhjól sem nær 100 km hraða, er tíu sinnum léttara en ódýrustu bílar, en meðalfjöldi um borð í farartækjum í innanbæjarakstri er aðeins 1,1 til 1,2 persónur.   

Vandinn varðandi rafbílana er augljóslega sá, að geymarnir, sem skipta þarf út, eru svo þungir, að erfitt er að sjá hvernig hægt er tæknilega að útfæra slíkt kerfi á bílum. 

Því verður afar spennandi að sjá hvernig Fiat hyggst leysa þetta mál. Helst kemur í hug að það þurfi sérstakt skiptistöðvakerfi líkast olíusmurstöðvum til þess að renna tómum geymum úr bílunum og setja inn hlaðna í staðinn. 

Nafnið Centoventi á hugmyndabíl Fiat þýðir 120, en þeir hjá Fiat hafa verið einkar lagnir við að nota afmæli til þess að koma fram með góðar hugmyndir. 

Verksmiðjurnar eiga 120 ára afmæli í ár og fyrsta gerð Pöndunnar kom fram 1980, þannig að Panda á 40 ára afmæli í ár. 

2007 átti Fiat 500 50 ára afmæli og þá kom fram stækkuð eftirlíking af þeim bíl, sem var svo vel heppnuð, að honum hefur ekkert verið breytt í 13 ár, heldur gerðar stækkaðar útfærslur af honum í svo stórum mæli, að drjúgur meirihluti framleiddra Fiat bíla er með 500 í heiti sínu. 

Í viðtali við yfirmann tæknimála hjá Fiat upp úr aldamótunum síðustu spáði hann því að bensínvélin, sem þá stóð höllum fæti gagnvart dísilvélinni, myndi ná vopnum sínum og taka forystuna á ný. 

Menn hlógu að þessu, en nokkrum árum síðar bylti Fiat Twin-air vélin hugmyndum manna um bílvelar, svo sem Ecoboost vélarnar hjá Ford eru dæmi um. 

 


mbl.is Fiat planar raf-Pöndu
Tilkynna um óviðeigandi tengingu við frétt

Bloggfærslur 12. mars 2020

Innskráning

Ath. Vinsamlegast kveikið á Javascript til að hefja innskráningu.

Hafðu samband