Í COVID-19 faraldrinum hafa ráðamenn margra þjóða staðið frammi fyrir því, að vegna sérstöðu risafyrirtækja hefur verið talið óhjákvæmilegt að bjarga þeim frá gjaldþroti, þegar mikil kreppa hefur riðið yfir og ógnað öllu efnahagslífinu.
Þetta hefur oftast verið gert með því að taka viðkomandi stórfyrirtæki fram yfir mörg smærri, og því orðið mjög umdeilanlegt.
Eftir Hrunið 2008 var úr vöndu að ráða, og þá voru teknar margar mjög umdeilanlegar ákvarðanir, þar sem stjórnendur og eigendur lítilla fyrirtækja, sem höfðu forðast djarfar fjárfestingar, höfðu á orði, að engu væri líkara en að þeim væri hyglað, sem hefðu farið glannalegast, en hinum refsað, sem hefðu sýnt aðhaldssemi og yfirvegun.
Með þessu væri samkeppnisaðstaðan á markaðnum skekkt illilega.
Í Bandaríkjunum voru bílasmiðjurnar misvel illa stæðar 2008, en stærsta fyrirtækið, General Motors, einna verst og stefndi í gjaldþrot.
Þá varð ofan á að forða þessum risa frá gjaldþroti á gamalkunnri forsendu: "Það er sem gott fyrir GM er gott fyrir Bandaríkin."
Og margir voru ósáttir við þetta og gagnrýndu það fyrir, að með því myndi samkeppnisaðstaðan skekkjast af völdum stjórnvalda, sem segðust í orði kveðnu berjast fyrir jöfnuði og frelsi í fjármálum.
Nú stendur svolítið svipað á í íslensku flugi hvað varðar Icelandair, og eins og jafnan, þegar verið er að fást við vanda af þessu tagi, er niðurstaðan umdeilanleg.
En hún lyktar af bandaríska málshættinum: "Það sem gott fyrir GM er gott fyrir Bandaríkin."
Samkeppnisstaðan mun skekkjast | |
Tilkynna um óviðeigandi tengingu við frétt |
Bloggar | Breytt s.d. kl. 20:51 | Slóð | Facebook | Athugasemdir (0)
4.9.2020 | 14:11
Skyldi Trump koma með sitt bóluefni í kosningavikunni?
Donald Trump er ekkert að skafa utan af því þessa dagana frekar en venjulega. Yfirlýsingar hans og gerðir segja sína sögu um það hvernig hann lítur á gang heimsmála um þessar mundir.
1. Öll helstu heimsmálin snúast um mig, Donald Trump. Stefna kínverskra stjórnvalda snýst aðeins um eitt: "Að koma í veg fyrir endurkjör mitt. Til þess fundu þeir upp nýja kórónaveiru í tilraunastof, sem yrði að drepsótt í heimsfaraldri."
2. Alþjóða heilbrigðismálastofnunin er handbendi Kínverja en þarf fjármuni til þess að standa að alþjóðlegu átaki til að framleiða bóluefni. Með því að hætta framlagi til hennar og slíta BNA úr lögum við hana, getum við gert tvennt:
3. Búið til okkar eigið bóluefni og höfðum þegar keypt önnur líkleg upp fyrir okkur sjálfa "to make America great again."
4. Komið í veg fyrir að WHO verði á undan okkur.
5. Komið fyrstir sjálfur með bóluefni í tæka tíð fyrir kosningar.
6. Tryggt endurkjörið með því að sem allra flestir kjósendur okkar kjósi tvisvar, fyrst í póstkosningu utankjörstaðar og síðan fara á kjörstað til að kjósa.
7. Dregið það mikið úr framlögum til póstþjónustunnar að hún klúðri öllu og vegna þess að kosningarnar verða ólöglegar í stærsta kosningasvindli sögunnar, eins og ég hef sýnt fram á, verði þær dæmdar ómerkar, og þar með verð ég áfram við völd.
8. Að Donald Trump verði áfram forseti er sjálfsagt mál og mikilvægasta mál jarðarbúa í dag, því að ég er merkasti og hæfileikaríkasti forseti allra tíma og mín Bandaríki stórkostlegasta ríki mannkynssögunnar.
Nú er bara að sjá, hvort þessar yfirlýsingar og gerðir, sem eru skáletraðar hér að ofan, muni skila tilætluðum árangri.
Bóluefni ekki fyrr en um mitt næsta ár | |
Tilkynna um óviðeigandi tengingu við frétt |
Bloggar | Slóð | Facebook | Athugasemdir (8)
Það getur verið lífshættulegt að festa fót eða fætur í sandbleytu, sem er innan við metri í þvermál og myndbandið, sem náðist af björgun manns við Sandvatn, er ekki aðeins magnað, heldur mjög lærdómsríkt.
Í júníbyrjun í vor lenti síðuhafi í því að festa báða fætur í pínulitlum kviksyndispytti, sem engin leið var að sjá fyrirfram, rétt við einn af brautarendum Sauðárflugvallar á Brúaröræfum og var erfitt að trúa því hve viðsjárvert þetta fyrirbæri var.
Ætlunin var að ganga aðeins nokkur hundruð metra vegalengd út fyrir völlinn og til baka aftur, en völlurinn var þá orðinn skraufþurr og harður eftir vorleysingu, en ganga þurfti yfir mjóa og afar grunna, en vota lænu, aðeins nokkurra sentimetra djúpa að því er séð varð.
Það gekk að óskum á lágum skóm á leiðinni út fyrir brautarendann eftir bílförum svonefndrar Brúardalaleiðar, sem hefur legið þarna endilangt eftir einni af flugbrautum vallarins.
En á leiðinni baka gerðust þau mistök að ganga ekki alveg nákvæmlega í sömu fótsporin, og á einum stað sökk annar fóturinn niður í deigan blett og það var eins og sogskál hefði gripið í hann, svo fastur var skórinn.
Þegar reynt var að kippa fætinum upp, var ekki stigið á nákvæmlega réttan stað á hinum fætinum, og festist hann líka.
Nokkrir gestir, sem höfðu komið fljúgandi á völlinn, voru nýfarnir og voru nú góð ráð dýr.
Hófst nú um það bil 20 mínútna barátta við að losa skóna, sem nú voru alveg sokknir, og hefði hún verið vonlaus, ef ekki hefði verið handbær vasahnífur, sem hægt var að nota til þess að kraka burtu sandleirnum og komast að skóreimunum til þess að losa um þær, svo að hægt væri að smokra sér upp úr skónum, sem voru eins og límdir í leirinn.
Þetta var afar vandasamt og seinlegt, því að við hverja hreyfingu eða átak í gegnum fæturna festust fæturnirnir meira.
Að lokum tókst að losa annan fótinn upp úr skónum og finna honum stað aðeins utan við þennan fáránlega litla kviksyndisblett, þar sem hann sökk ekki niður.
Þá var bara eftir að nota vasahnífinn og fingurna áfram til þess að losa síðari fótinn upp, ganga að flugvélinni og finna vatn til að skola límkenndan leirinn af fótunum, fara síðan aftur til baka og brúka nothæfan blett, alveg við kviksyndisblettinn til þess að standa á og grafa skóna upp úr leðjunni.
Farsímasamband er á þessum stað, en þó blindir blettir innan um. En svona atvik sýnir, að sé það ekki fyrir hendi getur voðinn verið vís ef sandbleytan er í líkingu við það, sem hún var greinilega við Sandvatn.
Og ofangreint atvik sýndi gagnsemi þess að ganga ævinlega með vasahníf á sér.
Lítið áhald, en oft mikið í húfi.
Magnað björgunarafrek - myndskeið | |
Tilkynna um óviðeigandi tengingu við frétt |
Bloggar | Breytt s.d. kl. 07:54 | Slóð | Facebook | Athugasemdir (0)