Þrændalög og Ísland ekki græn. Langlægsta dánartíðnin hér.

Það er ekki 1. apríl gabb að Ísland sé ekki lengur eina græna covid svæðið í Evrópu á korti yfir ástandið ásamt Þrændalögum, heldur eru appelsínulitað Ísland og gul Þrændalög bláköld staðreynd í kjölfar þess að ekki var tekið mark á efasemdum sóttvarnarlæknis um afleiðingar tilslökunar á landamærunum. Covid Evrópa 1.apríl

Það er þó hugun, að dánartíðnin hér á landi, 29 látnir, er sú langlægsta í Evrópu, og næstum 30 sinnum minni miðað við fólksfjölda en þar sem hún er hæst.  


mbl.is Ísland ekki lengur grænt
Tilkynna um óviðeigandi tengingu við frétt

Rauntalan varðandi rafbíla er annað hvort 25 prósent eða 50 prósent.

Fjöldi svonefndra blendingsbíla (hybrid) í bílaflotanum skiptir að því leyti til ekki nægilega miklu máli í orkuskiptum bílaflotans að þeir ganga eingöngu fyrir innfluttri jarðefnaeldsneytisorku, og ekki er hægt að leiða innlenda raforku úr endurnyjanlegum hreinum orkugjöfum í þá. 

Bensínsparnaðurinn við það að leiða orkuna að hluta til í gegnum rafhreyfil er álíka mikill og ef dísilvél væri í bílnum og tilvist og notkun bensínvéla í tengiltvinnbílum felur ekki í sér full orkuskipti í þeim bílum. 

Þess vegna er sú tala sem birt er um nýorkubíla í innflutningnum, alls 66 prósent í tengdri frétt á mbl.is langt frá því að vera rauntala, heldur næði rétt tala varla 50 prósentum.

Aðeins 25 prósent eru hreinir rafbílar, önnur 25 prósent tengiltvinnbílar og 16 prósent eru tvinnbílar. 

Toyota Yaris hybrid tvinnbíllinn er vel að titlinum "Bíll ársins í Evrópu" "kominn, því að honum hefur verið komist lengst í að minnka bensíneyðslu með hámarksþróun hybridkerfins án þess að hægt sé að setja rafmagn utan frá á bílinn; hann er með uppgefna eyðslu 3,8 lítra á hundraðið, en þessu takmarki væri líka hægt að ná með dísilhreyli einum án hybrid útfærslu. 

Það truflar hins vegar nokkuð umræðuna um þennan merka bíl að tala um að hann "noti sömu raforkuna aftur og aftur" með því að safna henni saman á niður brekkur og þegar hægt á bílnum. 

Þá er þess ógetið, sem er aðalatriðið, að aðeins 8 prósent orkunnar, sem notuð var áður en farið er niður brekkur, er endurunninn niður brekkurnar og fæst þannig til baka. 92 prósent er ekki hægt að endurvinna. 

Það er hins vegar hægt að hlaða rafmagni inn á tengiltvinnbíla, een hver hleðsla nægir yfirleitt aðeins til 30 til 50 kílómetra aksturs nema að bensínvélin í bílnum sé notuð til þess að hlaða orku inn á orkukerfi bílsins. 

Sé slegið slöku við að hlaða rafmagni á tengiltvinnbíla eða ekið á löngum leiðum, getur bensíneyðsla slíkra bíla orðið ansi mikil. g

Eftir því sem tíminn líður mun kröfurnar til orkuskiptanna vaxa og miðað við þær raunverulegu tölur, sem felast í því hve mikið af jarðefnaeldsneyti þjóðin þarf að kaupa áfram á bílaflotann sýna þær tölur væntanlega best, hve langt er enn í land og að það þarf að slá í klárinn. 


mbl.is Bílasala dróst saman um 11,3% í mars
Tilkynna um óviðeigandi tengingu við frétt

Bloggfærslur 1. apríl 2021

Innskráning

Ath. Vinsamlegast kveikið á Javascript til að hefja innskráningu.

Hafðu samband