Hvergi meiri þörf á slíku.

Þótt viðfangsefni Breta séu næg þessa dagana telja þeir ekki eftir sér að kafa ofan í aðdragandann að þátttöku þeirra í stríðinu í Írak. 

Ég get ímyndað mér að hvergi sé þó meiri þörf á að hreinsa þetta mál en á Íslandi. Aðdragandinn að því að Ísland var sett á bekk með hinum "viljugu þjóðum" var með slíkum eindæmum að leitun er að bæði hér á landi og erlendis.

Einn maður með fulltingi fóstbróður síns tók þá ákvörðun að breyta utanríkisstefnu þjóðarinnar á afgerandi hátt, þótt vissulega hefðu tengsl okkar við hernað á Balkanskaga verið á gráu svæði á áratugnum á undan.

Og þetta var gert þvert ofan í þá niðurstöðu skoðanakannana að 70% þjóðarinnar væru þessu andvíg.

Fyrst ráðamenn í öðrum löndum verða að standa fyrir sínu máli varðandi innrásina er eðlilegt að íslenskir ráðamenn eigi að gera það líka.  

Þingmenn rannsaki þátttöku í Íraksstríði

Athugasemdir

[Sigurður Sigurðsson, 1.2.2010 kl. 16:03]

Var ekki Eiríkur Tómasson búinn að rannsaka þetta mál og taldi ekkert athugavert. 

Væri ekki nær, Ómar, að rannnsaka í dag hversvegna Þórólfur Árnason - bróðir félagsmálaráðherra - og fyrrum vinstriborgarstjóri, sem þurfti svo eftirminnilega að segja af sér vegna spillingarmála olíufélaganna - er nú skyndilega farinn að sjá um alla flugvelli landsins ? 

Mér finnst það standa þér mun nær að kanna þetta mál ???

[gisli (IP-tala skráð) 1.2.2010 kl. 16:10]

hvar endar þessi þvæla spilling upp úr öllu valdi glæpahyski öll saman.