Búið að blása þetta of mikið upp?

Ég held að margir svari þessari spurningu játandi varðandi einkamál landsliðsmannanna Bridge og Terrys.

Raunar gildir svipað um mörg þau mál af þessum toga sem koma upp hjá Bandaríkjamönnum og Bretum þar sem slúðurblöð og fjölmiðlar virðist geta æst almenning upp í hneykslun sem er sveipuð mikilli skinhelgi.

Ekki er hægt að kenna slúðurblöðunum um þetta því að jarðvegurinn fyrir sölu þeirra og áhrifum liggur hjá fólkinu sem kaupir þau og smjattar á því sem þau hafa fram að færa. 

Gaman væri að vita hvort sams konar mál ylli þvílíku írafári í Frakklandi eða bara hér á landi, þar sem allir þekkja þó alla og návígið er margfalt meira en hjá milljónaþjóðum. 

Ekki nóg með að baulað hafi verið á fyrirliðann í því skyni að hrekja hann úr hlutverki sínu í landsliðinu, heldur er þetta farið að bitna æ meira á landsliðinu, sem ekki er aðeins tengt þjóðarstolti Englendinga heldur einnig hægt að meta áhrifin á milljarða punda.  

Bridge hættur með landsliðinu vegna Terrys