"Bíll með kerru útaf..."

Það er búið að spá verra veðri nú síðdegis en var í morgun. Sú spá birtist strax í gær, - spáð hvassviðri og snjókomu af norðaustri, en allir sem eiga leið um Kjalarnes og fyrir Hafnarfjall ættu að vita hvað það þýðir.

Nei, svo virðist ekki vera, eins og sést af þessari dæmalausu setningu í frétt af óveðrinu og ófærðinni undir Hafnarfjalli: "...bíll með kerru útaf..." 

 

Fastir undir Hafnarfjalli

Athugasemdir

[Eiður Svanberg Guðnason, 26.2.2010 kl. 10:42]

 Enn eitt  dæmið um ,að ökumenn fylgjast ekki með eða taka ekki mark á aðvörunum.

Milli þrjú og fjögur í gær  ók ég Hafnarfjarðarveg  til Reykjavíkur. Þá var launhált.  Í Kópavogi þar sem  gryfja  er milli  akbrautanna , var lítil  fólksbíll á undan mér ,sem  byrjaði að rása, er ökumaðurinn hemlaði. Hann rásaði meira og meira og  alltaf  stóð  ungi ökumaðurinn á bremsunni.  Bíllinn hafnaði utan  vegar í  gryfjunni  og  sneri þá öfugt miðað  við akstursstefnu. Það  var bara hundaheppni, að bíllinn hélst á  réttum kili.   Skyldu ökukennarar   segja nemendum sínum hvernig á að bregðast  við, þegar bíll byrjar að rása í  hálku? Líklega ekki.  Þeir virðast heldur ekki  brýna fyrir  nemum að nota stefnuljósin til þess að sýna öðrum ökumönnum og vegfarendum  hvað þeir hafi í hyggju.

[Ómar Ragnarsson, 26.2.2010 kl. 13:08]

Þegar ég var á ferð á Spáni fyrir 35 árum sá ég að þessi þjóð, sem þá var meðal þeirra fátækustu í Vestur-Evrópu var búin að koma upp æfingasvæðum fyrir ökumenn þar sem hægt var að þjálfa þá í viðbrögðum við erfiðum aðstæðum eins og hálku og lausamöl.

Síðan þá hef ég og síðar kona mín meðan hún var í Umferðarráði verið að suða um að slíku yrði komið upp hér á landi en lengst af talað fyrir daufum eyrum og síðustu árin mætt þeirri tregðu sem virðist ætla að koma í veg fyrir jafn sjálfsagðan hlut og svona æfingasvæði og æfingaakstur er.

Spánverjar og aðrar þjóðir fundu það út fyrir mörgum áratugum að með því að þjálfa ökumenn væri hægt að gera margfalt meira en að spara upp kostnað við æfingaakstur á æfingasvæðum.

Sparnaðurinn fælist í fækkun slysa, árekstra og örkumla.