Aðvörunarorð sanna gildi sitt, því miður.

Fyrir kosningarnar 2007 varð Íslandshreyfingin fyrst framboða til að andmæla harðlega þeirri þróun sem þá hófst til að selja auðlindir landsins. Þetta var eitt aðal mál flokksins fyrir kosningar en flestir létu sér fátt um finnast og fannst allt of djúpt í árina tekið. 

Nú er hins vegar því miður að koma fram að þessi aðvörunarorð áttu fullan rétt á sér og að þróunin í þá átt að þjóðin afsali sér auðlindum sínum í hendur útlendinginum er enn hraðari og róttækari en flesta óraði fyrir. 

Geir Haarde orðaði það eitt sinn svo kotroskinn eftir kosningarnar að málefni Íslandshreyfingarinnar hefðu "ekki fengið hljómgrunn" vorið 2007. 

Þeirra á meðal var hið stóra mál um yfirráð þjóðarinnar yfir auðlindum sínum til lands og sjávar. 

Efnahagshrunið er smámál miðað við að það auðlindirnar verði erlendum auðfélögum að bráð. 

Ef þær fara úr okkar höndum er til lítils að guma af sjálfstæði okkar á hátíðarstundum og illa komið fyrir Íslendingum að glata því sem vannst í harðri sjálfstæðisbaráttu fyrir öld. 

Finnum tókst að tryggja sjálfstæði sitt með því að leggja hart að sér við að borga skuldir sínar. 

En afsal eignarréttar yfir auðlindum landsins verður mun erfiðara viðfangs að fást við fyrir afkomendur okkar.

Í þessu birtist enn og aftur fádæma tillitsleysi núlifandi kynslóða gagnvart kynslóðum framtíðarinnar. 

 

Magma samningur fari fyrir dómstóla

Athugasemdir

[Úrsúla Jünemann, 16.5.2010 kl. 22:46]

Við höfum ennþá ekkert lært, hugsum bara til næstu 5 ára og gefum skít í það sem kemur á eftir fyrir komandi kynslóðir. Eigum við ekki börn og barnabörn sem munu erfa landið?

[Ingvi Rúnar Einarsson, 16.5.2010 kl. 22:51]

Hluti ríkisstjórnin er að vakna,af þeim blindandi svefni,eftir að hafa sofið á meðan er verið að selja auðlindir landsins.Hér er sami háttur og þegar bankarnir voru seldir.Erlend fyrirtæki og bankar,sem hafa jafnvel ekkert á bak við sig,nema einhverja launung,ekki fást upplýsingar um.Skúffufyrirtæki í Svíþjóð,sem angi af fyrirtæki,sem á talið vera í ýmsum vandræðum,er óskakaupandi af orkuverum okkar og ráðandi auðlindum í næstu 40 árum.

En það er kannske ekki það,sem bagar okkur,heldur hitt að auðlindir er okkar trygging,fyrir því að íslensk þjóð geti verið þjóð á meðal þjóða.Verði auðlindir seldar eða afhentar erlendum aðilum,getur þjóðin fljótlega orðið að afsala sjálfstæði sínu.

Það er þó af því að segja,að það eru margir tilbúnir fórna öllu því,sem þjóðin á sjálfum sér til auðlegðar og framdráttar og eru æðstu ráðamanna landsins þar á meðal. Þeim er skítsama um land og þjóð.

[B.N. (IP-tala skráð) 16.5.2010 kl. 23:41]

Svo kemur HS einkavæðingin á eftir kaupin og segir að það sé ekki eðlilegt að Landsvirkjun og Orkuveitan sem séu í eigu opinbera aðila keppi við þá og kærir til EFTA dómsstólsins í framhaldinu

Baldvin Nielsen Reykjanesbæ

[Dexter Morgan, 17.5.2010 kl. 00:30]

Bara svona til að árétta, það sem ég hélt að væri geirneglt samkvæmt lögum; að erlendir aðilar MÆTTU EKKI eiga meirihluta í auðlyndum landsins. Eru allir búnir að gefa þessum lögum löngutöng og er alveg shit-sama. Ef það lög standa, þá þurfum við ekki að hafa áhyggjur, þeir bara einfaldlega fá neitum, en ég er hræddum um að inn í einhverju blálituðu bakherbergi, reykfylltu með vott af Viskíþef sé verið að reyna að "finna" leiðir til að komast fram hjá þessum lögum. Þeim tókst það bærilega með því að stofna skúffufyrirtæki í Svíþjóð (sem hefði átt að stoppa á þeirri stundu).

Ekki vildi ég ver neytandi af orku þarna suðurfrá þegar þeir fara að hækka gjaldskrárnar sínar, og enginn getur gert neitt í því, afþví að þetta er þeirra einkafyrirtæki.

[Jón Valur Jensson, 17.5.2010 kl. 00:53]

Við eigum að berjast í þessu máli, þetta er langtum afdrifaríkara mál fyrir þjóðina en margir gera sér grein fyrir. Að með þessari sölu (þvert gegn anda laganna) sé stefnt í raun að stórhækkuðu orkuverði til almennings, auk þess sem landið færi á mis við miklar útflutningstekjur, má lesa um í grein sem ég birti um hádegið: Með lögbrotum eru Reykjanesvirkjun og Svartsengi tekin af þjóðinni. Þar kemur Lamdsvirkjun líka við sögu o.fl. mál.