Aðferð sem svínvirkar.

Þegar Geysir Green ferlið hófst vorið 2007 var þess vandlega gætt að láta sem ekkert væri.

Við, sem höfðum grunsemdir og mæltum gegn því sem þá var hafið, vorum talin öfgafull. 

Skyndilega vakna menn nú upp við það að kanadiskt fyrirtæki á mestalla orku Reykjanesskagans og er ekkert að fara í felur með það núna, þótt sagt væri áður að sænskt fyrirtæki væri á ferð. 

Í upphafi var sagt að aðeins yrði um 120 þúsund tonna álver að ræða á Reyðarfirði og allur áróður fyrir virkjun eystra miðaðist við það. Fyrr en varði var þetta orðið 346 þúsund tonna álver og umhverfisspjöll vegna virkjunar marfölduðust. 

Sama aðferð var notuð á Bakka og hún er einnig notuð í Helguvík. 

Allt í einu kemur upp að búið er að leita samninga við sveitarstjórnir og landeigendur varðandi virkjanir í Kerlingafjöllum og Skaftá. Samt er reynt að breiða yfir hinn raunverulega tilgang að útlendingar eignist bæði auðlindirnar og vinnsluna og flytji stórfelldan arð úr landi eins og raunin hefur orðið varðandi Kárahnjúkavirkjun og fyrri virkjanir. 

Aðferðin svínvirkar. Þegar upp verður staðið verður ekkert ósnortið eftir líkt og gerðist þegar uglan skipti ostbitanum í dæmisögunni forðum. 

Fjarlæg Búlandsvirkjun

Athugasemdir

[Úrsúla Jünemann, 24.5.2010 kl. 22:19]

Ómar, hvað getum við gert? Það er skelfileg staðreynd að ennþá eru hér öfl við völd sem ræna okkur öllum þeim verðmætum sem við eigum eftir. Ennþá fljótum við sofandi að feigðarósum.

[Kristin (IP-tala skráð) 24.5.2010 kl. 22:34]

Nákvæmlega... Hvað getum við gert til að stöðva þetta??? Þessi endæmis vitleysa ætlar engan endir að taka.. og við þurfum að horfa upp á þetta eiga sér stað og getum ekkert í því gert .. eða hvað???

Þetta er ekkert nema rugl og ég skil ekki hvers vegna þeir sem eiga að vernda hagsmuni lands og þjóðar sitja og láta þetta viðgangast. 

[Gunnar Th. Gunnarsson, 25.5.2010 kl. 13:25]

Þið snúið öllu á haus!

Orkunýting er ekki af hinu illa, heldur af hinu góða.

En það þarf að fara að girða af einhvern skika á hálendinu sem þið megið svo eiga fyrir ykkur, náttúrufríkin, og svo getið þið skiptst á að passa ósnortin undrin.

Hvort sem ykkur líkar betur eða ver, þá munu komandi kynslóðir nýta sér þær auðlindir sem landið hefur upp á að bjóða. Hinar ófæddu kynslóðir, sem Ómar og fleiri náttúruverndarsinnar hafa gert að skoðanabræðrum sínum, munu sennilega ekkert verða neinir "alverndunarsinnar". Sennilega verður þetta bara svipað fólk og í dag, en sjálfsagt verða háværir minnihlutahópar til, eins og nú.

[Bergþóra Sigurðardóttir (IP-tala skráð) 26.5.2010 kl. 23:34]

Raforkuverð ekki lægst á Íslandi. Sjá  Viðskipti mbl. 16.4 2010

Raforkuverð til stóriðju á Íslandi er í samræmi við algengt verð til álvera í heiminum eða um 25 mills.

Ég setti inn leit á google "aluminum smelter power tariffs " og fékk þessar upplýsingar frá CRU

ecruonline.crugroup.com/aluminium........                                                                                     

2010 March issue : Higher aluminium prices will contribute to an increase in the global average power tariff to 37 US mills/kWh in 2010, after decreasing to 34.5 mills/kWh in 2009. Over the forcast period, higher fuel and metal prices will drive the global average power tariff to 40 US mills/kWh by 2012.

Gunnar ertu vikilega sannfærður um að við séum síðasta kynslóðin sem byggir þetta land? Fyrst þú þekkir undur þessa lands svona lítið ráðlegg þég þér að lesa lítið kver sem heitir: Classic geology in Europe 3 . ICELAND. Þá gætir þú kannski öðlast smá skilning á því hvað Ómar og við hin náttúrufríkin teljum svona einstakt við landið okkar.Ég er svo heppin að vera gömul og gat notið landsins í anda kennara míns Pálma Hannessonar  áður en fossar og hverasvæði  urðu að bitbeini  Bókin hefur verið til í Bóksölu stúdenta og jafnvel víðar. Ég býst við að það sem Pálmi skrifaði sjálfur sé of hástemt fyrir þig. Hann var náttúrundi og hefur ekki grunað að það orð ætti eftir að verða hnjóðsyrði.