Svartur húmor í máltækjum.

Nokkur máltæki í flugi eru grimmileg og hlaðin svörtum húmor.  Það kemur í hugann við að heyra um það að flugmaður hafi gleymt að setja niður hjólin í lendingu í Japan.

Orðtökin eru þessi: 

1. Það eru til tvær tegundir af flugmönnum: Þeir sem hafa magalent og þeir sem eiga eftir að gera það. 

2. Það eru til tvær tegundir af flugmönnum:  Hræddir flugmenn og dauðir flugmenn. 

3. Lærðu af mistökum annarra flugmanna því að þú munt aldrei lifa það af að gera þau sjálfur. 

Sjálfur lenti ég í því í upphafi flugmannsferils míns að minnstu munaði að ég magalenti á Reykjavíkurflugelli. 

Eftir það setti ég mér þá ófrávíkjanlegu reglu að það síðasta sem ég gerði fyrir hverja lendingu sem ég ætti eftir á ferlinum, væri að segja í hljóði við sjálfan mig: "Hjólin niðri", jafnvel þótt ég væri áður búinn að tékka á því að þau væru niðri og jafnvel þótt ekki væri hægt að taka hjólin upp á vélinni og þau því föst niðri allan tímann ! 

 

Gleymdi að setja niður hjólabúnaðinn

Athugasemdir

[Hólímólí (IP-tala skráð) 23.8.2010 kl. 23:14]

Sko ... maður byrjar með fullan poka af heppni en tóman reynslupoka. Galdurinn er að fylla reynslupokann áður en lukkupokinn klárast.

[Lana Kolbrún Eddudóttir, 23.8.2010 kl. 23:21]

Þegar ég var að byrja að keyra stór mótorhjól, 1982, heyrði ég fljótlega svipað máltæki sem lifir í þeim kreðsum: Það eru bara til tvær tegundir af mótorhjólamönnum, þeir sem eru búnir að detta - og hinir sem eiga það eftir.

[Sigurður Ingi Jónsson, 24.8.2010 kl. 00:00]

There are old pilots and there are bold pilots, but there are no old bold pilots...

[Kristinn Pétursson, 24.8.2010 kl. 07:45]

Stærsti kosturinn við flugvélar - er að þær koma alltaf niður aftur

[Kristinn Ingi Pétursson (IP-tala skráð) 24.8.2010 kl. 08:40]

Hvað finnst þér um þessi náttúruspjöll þar sem þristurinn okkar Páll Sveinsson kemur við sögu? http://www.youtube.com/watch?v=qSOjn6byxpc

[Gísli Sigurður, 24.8.2010 kl. 09:37]

Kristinn;

Björgunarsveitarmenn voru ráðnir í að tína þá upp.
Því er það torsagt að um náttúruspjöll séu að ræða.

 mbk, Gísli Sigurður

[Kristinn Ingi Pétursson (IP-tala skráð) 24.8.2010 kl. 10:06]

Jú ég vissi af því, en stórefast um að þeir hafi náð hverju einasta plast snifti.

[Haukur Kristinsson (IP-tala skráð) 24.8.2010 kl. 10:32]

Sigurður Ingi, There are old pilots.........þannig lærði ég þetta proverb.

Hræddir flugmenn, dauðir flugmenn. Passar ekki.

Hræddir flugmenn lifa ekki lengi, hinsvegar varkárir. Menn eins og Jóhannes Snorrason heitinn.

[Jón Snæbjörnsson, 24.8.2010 kl. 11:38]

á þessum aldri ættu "flugmenn" ávalt að hafa hjólin niðri

[Ómar Ragnarsson, 24.8.2010 kl. 13:39]

Gervieldfjöll skaða engan.

[Davíð Oddsson, 24.8.2010 kl. 14:20]

There are old pilots and there are bold pilots and then there are bald pilots :)

Kristinn: Ég geri nú ráð fyrir að þessu hafi verið hent út yfir svæði þar sem þetta var auðfundið og tínt.

[Bjarni (IP-tala skráð) 24.8.2010 kl. 20:13]

Flugkennarinn minn, sem var varkár og æfður í alla staði, og fylgdist vel með því sem ég gerð, sagði alltaf:

The student will kill you if you let him !