Mikið af fugli á vegunum.

Við Helga vorum að koma úr þriggja daga hringferð um landið og það vakti athygli okkar að óvenju mikið var af dauðum fugli á vegunum, einkum fýl og skúmi frá leiðinni frá Hornafirði að Skógum. 

Einnig sátu þeir margir inni á veginum. Hvort þetta tengist þeirri sögn að fýllinn geti ekki flogið ef hann sér ekki sjó, skal ósagt látið, en þeir höfðu greinilega margir orðið fyrir bílum.   

Í þessari ferð okkar var stansað á ýmsum stöðum og kippt inn myndum, sem ég þarf að nota í ýmsar þær kvikmyndir sem ég er með í smíðum. 

Við fórum á minnsta Toyota jöklajeppi landsins, sem ég keypti fyrir slikk 2006 til þess að geta dregið bátinn Örkina.

Leiðin lá upp á Sauðárflugvöll norðan Brúarjökuls til þess að setja framhjól undir "flugstöðina", 32ja ára gamlan Ford Econoline, sem vindpokastöngin er fest við. 

Ég hafði nefnilega í blankheitunum í fyrrahaust tekið framhjólin undan honum til að selja dekkin, sem voru nær óslitin.

Fyrr í sumar fór ég á gömlum frambyggðum Rússa með tvö slitin dekk á felgum innbyrðis ásamt lóðabelgjum og merkingum, sem ætlunin er að merkja brautirnar fjórar með. 

En þá kom í ljós að felgurnar voru sex gata en ekki fimm, og pössuðu því ekki undir "flugstöðina".

Við Andri Freyr Viðarsson vorum síðan á Rússanum á flandri fyrir austan en ég féll á tíma að aka honum til baka suður og skildi hann því eftir. 

Við Helga heimsóttum að sjálfsögðu næsta nágrannann, Völund Jóhannesson, sem hefur aðsetur stóran hluta hvers sumars í Grágæsadal, 15 kílómetra vestan við Sauðárflugvöll. 

Síðan fórum við út á Egilsstaði og náðum í Rússann og höfðum samflot til baka til Reykjavíkur. 

Slökkva ljósin fyrir fuglana

Athugasemdir

[Manni (IP-tala skráð) 6.9.2010 kl. 00:21]

Það er mín reynsla að ef maður heldur sig við leyfðan hámarkshraða úti á þjóðvegi

má komast hjá því að keyra á fugla sama hvort þeir sitja á vegi eða eru  á flugi.

Flestir fuglar skynja aðsteðjandi hættu tímanlega og geta forðað sér áður en illa fer.

[Ómar Ragnarsson, 6.9.2010 kl. 02:26]

Rússinn er ekki keyrður nema á 75 kílómetra hraða þótt hann komist vel yfir 90. En sumir fýlarnir sátu eins og klesstir inni á veginum og færðu sig ekki sentimetra þannig að það varð að beygja fram hjá þeim.

[Kristinn Pétursson, 6.9.2010 kl. 03:20]

Það var frekar dapurlegt að sjá líffræðinginn í sjónvarpsfréttunum kvöld - talandi um að "hlýnun sjávar" væru orsök að hungri sjófugla...

Hið rétta virðist það - að offriðun fiskistofna - samfara hlýnun sjávar - virðist  líkleg orsök að hungri sjófugla.

Það ætti að gefa augaleið - að ef sjófuglar eru hungraðir - þá eru fiskistofnar á sömu fiskislóð það einnig.

Lausnin er þ að auka veiðar´.

Að "hitastig sjávar" sé orsakavaldur - gengur ekki upp - þar sem hitastig sjávar hérlendis er ekki enn orðið hærra en það var 1950-1960... og var þá nokkuð að hjá lundanum í Vestmannaeyjum?

Nú virðist það þessi  gegndarlausa friðun hvala og fiskistofna - hvort sem þeir hafa fæðu eða ekki - sem virðist vera að  tröllríða vistkerfi sjávar til helvítis.

Ómar. Þess vega vantar þig í baráttu fyrir auknum veiðum til að reyna að auka jafnvægi milli framboðs og eftirspurnar eftir fæðu í hafinu. 

Það skemmtilega við þá aðferð - er að þannig getum við líka bjargað þjóðinni frá gjaldþroti - með auknum gjaldeyristekjum.

Ég skoðaði gögn á vef Hafró - í mælipunkti S 3 undan Siglunesi (50 metra dýpi) - og þar vantar enn 0,71°C  til að ná meðalhita áranna milli 1950 og 1960. 

[Gunnar Th. Gunnarsson, 6.9.2010 kl. 04:33]

Á árunum 1950 - 1960 veiddum við ekki loðnu. Síðan við byrjuðum að moka henni upp, hefur allt verið á leið til andskotans í lífríki sjávarins.

[Kristinn Pétursson, 6.9.2010 kl. 08:04]

Einhvern veginn virðist það svo, það hafi ekki verið mikil loðna við Suður og Vesturland á fyrra hlýindaskeiði - 1924-1960 -  en loðna hryngdi þá fyrir Norðurlandi og (hélt sig norðar eins og nú)

Gögn um veiði og nýliðun  sýndu gífurlega mikla nýliðun loðnu en svo komu líka "dauð" ár einsog 1982 og 1989.

við höfum dregið mjög mikið úr loðnuveiðum undanfarin ár - og veiðum hana nú bara á hrygningartíma - en loðna drepst eftir hrygningu, - þannig að veið erum bara að veiða hana síðustu 14 dagana - af 3-4 ára ferli.

Ég met það svo - að heildareftirspurn eftir fæðu í hafinu - sé komin á nýtt hættustig - vegna friðun hvala  fiskistofna.

um þetta þarf hins vegar að halda ráðstefnur - en ekki láta 1-2 "sérfræðinga" í hverju fiskistofni eina um að ákveða þetta fyrir okkur. Það eiga þeir ekki að gera - og sá sem á að krefja um ráðstefnuna  - er sjávarútvegsnefnd Alþingis