Mótsagnir svona stríðs.

Hernaður með þeirri véltækni sem her NATO í Afganistan notar krefst mikilla flutninga á vistum og vopnum. Í heimsstyrjöldinni síðari unnust stríð og töpuðust jafnvel frekar vegna flutngavandamála en vopnaviðskipta á vígvellinum.

Þjóðverjar notuðu 700 þúsund hesta í innrásinni í Sovétríkin í júní 1941 auk tugþúsunda vélknúinna tækja. 

Ein af aðalástæðum þess að sókn þeirra stöðvaðist aðeins 15 kílómetra fyrir norðvestan miðborg Moskvu í byrjun desember voru flutningavandamál, ekki vopnaviðskipti á vígvellinum. 

Bandamenn unnu sigur í styrjöldinni á grundvelli yfirburða í framleiðslu vopna og flutningatækja. 

Óli Tynes flutti athyglisverða frétt um hernaðinn í Afganistan nú í vikunni þar sem lýst var mótsögnunum varðandi hergagnaflutninga í þessu landi sem hentar svo illa til þess hernaðar af því tagi sem nýtir vestræna tækni. 

komið hefur í ljós að flutningarnir á vistum og búnaði til herja NATO eru svo umfangsmiklir að ekki er herstyrkur fyrir hendi til þess að verja þá.  

Ef auka á herstyrkinn verður að að auka herflutningana líka sem aftur kallar á aukna flutninga.

Til þess að bægja ógn árása skæruliðanna frá sér hafa foringjar í hernum orðið að semja við Talibana um að kaupa sér frið með því að borga þeim fyrir að láta flutningalestirnar í friði.

Minnir þetta á sambærileg fyrirbrigði í samskiptum mafíunnar við fólk og lögreglu í borgum heims þar sem mafían fjármagnar starfsemi sína með því að fá borgað fyrir að láta ákveðna aðila eða staði í friði. 

Talibanar nota síðan peningana til þess að efla sig á allan hátt og þannig er í gangi hringekja mótsagna í þessu stríði sem virðist ganga lítið betur fyri innrásarher Vesturlanda en innrásarher Sovétríkjanna á sínum tíma eða her Bandaríkjamanna í Víetnam. 

 

Eyðilögðu tugi herbíla NATO

Athugasemdir

[Gullvagninn (IP-tala skráð) 1.10.2010 kl. 21:35]

Bendi á fleira skrítið við hernaðinn og vil bara segja: Það er kominn tími til að hætta að þykjast, hætta að sjá ekki, heyra ekki og segja ekki frá.

Ópíumrækt undir vernd Nató

Þeir sjá fyrir vernd, útvega áburð og hjálpa eins og þeir geta

RÚV: NATÓ ver ópíumiðnaðinn

Þeir segja það, en með linum hætti og án allrar fordæmingar

[el-Toro, 2.10.2010 kl. 00:08]

ein af stærstu ástæðum þess að bandaríkin eru í afganistan er sú að auðlyndir evróasíu eru þær langstærstu sem enn eru ónýttar í heiminum.  fyrir þá sem þekkja aðferðir bandaríkjanna í að sækjast eftir auðlyndum annarra kemur þetta ekkert á óvart.  en fyrir þá sem ekki vita, þá eru bandaríkin í krafti "superpower" síns að seilast í þessar auðlyndir áður en löndin þarna komast á það stig að geta nýtt sínar auðlyndir sjálf.  til þess að bandaríkin geti gert allt þetta án þess að verða fyrir aðkasti landanna sem hugsanlega vilja virkja auðlyndir sínar sjálf en hafa einfaldlega ekki efni á því, þá þurfa bandaríkin að halda uppi ótta þessara ríkja sem og ótta í hinum vestræna heimi.  allir þurfa að óttast þann óvin sem áður hét sovétríkin (hét bandaríkin í ríkjum sovétríkjanna).  óttast hann svo mikið að bandaríkin geti haldið úti herliði og stundað sinn hernað með fjölmiðlana gargandi "danger danger" og hræða allan heimin um hinn illa osama bin laden og al-qaeda eða talibana.  birta stanslausar fréttir um yfirvofandi árásir hryðjuverkamanna á vesturlöndum.  allt til þess eins að fá okkur til að samþykkja hættuna svo bandaríkin geti haldið úti herliði í þessum löndum.  bandarískar herstöðvar eru í mörgum af þessum löndum sem tilheira evróasíu.

það sem stendur hér að ofan eru staðreindir sem hægt er að lesa sér til um á netinu.  það er ekki eitt ríki á þessu svæði sem bandaríkin, eu eða kína er ekki með fjárfestingar í gangi.

alveg eins var Vietnam stríðið háð af bandaríkjunum til að sína þjóðunum í kring hvað biði þeirra ef þau svo mikið sem leifðu sér að dreyma um að slíta sig frá áhrifum bandaríkjanna og kapitalismans.  í þeim skilningi er hægt að segja að bandaríkin hafi unnið víetnam stríðið, þó svo hin skoðunin um að þeir hafi í raun tapað stríðinu séu góð og gild líka.  engar uppreisnir litu þó dagsins ljós þarna næstu áratugina á eftir fyrir utan rauðu khmerana í kambodíu.  og viti menn, bandaríkin studdu þá í byrjun.

svo er gott að hafa í huga þau atriði sem knúa bandaríkin áfram.  wall street, ríkir gyðingar, vopnaframleiðendur, risa-fyrirtækin og olíufurstarnir.  bandaríkin snúast í kringum þessa þrýstihópa.  engin getur orðið forseti bandaríkjanna nema halda þessum þrýstihópum rólegum.

 góðar stundir

[el-Toro, 2.10.2010 kl. 00:19]

verð að bæta við athugasemd mína.  þetta er hárrétt hjá þér Ómar með það sem þú segir um síðari heimstyrjöldina.  þjóðverjar framleiddu kannski stundum betri vopn, en bandarísk fjöldaframleiðsla og flutningageta lagði grunnin af gröf nasismans.

eftir á þegar maður les sér til um ww2 þá finnst manni þjóðverjar aldrei hafa átt séns til lengri tíma til að vinna sigur í þessari styrjöld. 

[Davíð Krisjtánsson (IP-tala skráð) 2.10.2010 kl. 03:02]

Hverju orði sannara, Ómar!

[Jón Logi (IP-tala skráð) 2.10.2010 kl. 09:26]

Smá viðbót við þýska floppið á austurvígstöðvunum.

1: Sóknin við Moskvu tafðist um fleiri vikur vegna suðursóknar Þjóðverja. Guderian fór á fund Hitlers til að reyna að afstýra suðursókninni, - hann gerði sér fulla grein fyrir því að það einfaldlega vetrar ca mánuði  fyrr 1000-2000 km norðan við matarkisu Úkraínu og munar þá líka um hvenær fljót og vatnsflutnigaleiðir frjósa saman.

2: Þýski herinn eyddi feiknar tíma í að útrýma sovéska hernum frekar heldur en að hreinlega keyra á aðalatriðin, - taka Moskvu og fella þar með stjórnsýsluna.

3: Þjóðverjar þurftu að halda miklum herafla og loftflota frá vegna Breta.

4: Zhukov kom sem pókerspil inn í orrustuna um Moskvu. Nýjar sveitir frá Síberíu, sem gátu fært sig vestur um vegna fullvissu (Njósnarinn Sorge) um að Japanir væru ekkert að spá í hernaðaraðgerðum þar austur um.

Takið nú þetta og skoðið hvað gæti hafa gerst, - bara 15 km í Kreml....

3: