Hinn "veiki maður" Vesturlanda ?

Sú var tíð að breska heimsveldið bar ægishjálm yfir önnur heimsveldi. Sagt var að sólin settist aldrei í lendum þess hringinn í kringum hnöttinn.

Breski flotinn var sá langstærsti í heimi og Bretar gátu beitt honum til þess að taka í taumana, hvar sem nýtlenduveldi þeirra var ógnað á einhvern hátt. 

Á fyrstu árum síðustu aldar reyndu Þjóðverjar að keppa við þá og afleiðingin varð heimsstyrjöldin fyrri. 

Þótt Bretar ynnu þar sigur var hins vegar ljóst að ekki var allt sem fyrr og í heimskreppunni varð Sterlingspundið að láta undan eftir að hafa verið tryggasti gjaldmiðill heims. 

Sigur í seinni heimsstyrjöldinni var Phyrrosarsigur og skildi heimsveldið og heimalandið sjálft eftir í sárum, skuldugt og þjakað af hráefnaskorti. 

Þjóðir heimsveldisins brutust til sjálfstæðis og Bretland hlaut meðal annars nafnið "the sick man of Europe". 

Saga bandaríska veldsins er um margt keimlík sögu hins breska. 

Eftir heimsstyrjöldina síðari báru Bandaríkin ægilshjálm yfir önnur heimsveldi enda eina stríðsþjóðin sem ekki varð fyrir tjóni heima hjá sér. 

Síðustu áratugi hefur hins vegar ekki allt verið með felldu.  Í skjóli gríðarlegs fjárlagahalla árum saman og hrikalegra erlendra skulda hefur tekist að halda í horfinu en ný veldi eru að rísa í Asíu og engum dylst lengur að olíuöldin, sem hefur tryggt "hinn ameríska lífsstíl" hefur náð hámarki og héðan af getur leiðin ekki legið nema niður á við. 

Kannski eru Bandaríkin orðið "the sick man of the western world", hinn veiki maður Vesturlanda. 

Dalur á niðurleið

Athugasemdir

[Þorsteinn Briem, 11.10.2010 kl. 11:11]

Gengi evru er nú 55% hærra gagnvart Bandaríkjadal og 40% hærra gagnvart breska sterlingspundinu en í ársbyrjun 2002 þegar evruseðlar voru settir í umferð.

[Þorsteinn Briem, 11.10.2010 kl. 11:26]

Viðskipti Evrópusambandslandanna og Kína:

"EU-China trade has increased dramatically in recent years.

China is now the EU's 2nd trading partner behind the USA and the biggest source of imports.

The EU is China's biggest trading partner."

[Jón Logi (IP-tala skráð) 11.10.2010 kl. 16:56]

Jan 02 -      botn -            toppur -         okt 010:

U$D: 102 -  60 (03/05) - 129(05/02)   - 111

GBP: 146 - 107 (10-05) - 206 (06/09) - 176

EUR:  98 -  75 (12-05)   - 184 (11-09) - 154

 Þetta er miðað við krónur. Þarna sést að max-min sveifla allra gjaldmiðla er ámóta djúp, - U$D 54% af minnsta til mesta, GBP 52%, EUR 41, sem er grófust, - og hún er NB á sama tíma og hinir!

Í upphafi var efran lág, enda ný, - núna hefur hún sýnt sveiflur og er nú í hæðum. Ég myndi selja evrur núna......

[Þorsteinn Briem, 11.10.2010 kl. 17:10]

Nú seljum vér evrur vorar.

[Vendetta, 12.10.2010 kl. 17:18]

Uppnefnið "The sick man of Europe" var notað um tyrkneska Ottoman-ríkið, sem var í hernaðarlegri hnignun á síðari hluta 19. aldar og fram til fyrri heimstyrjaldarinnar, þegar Kemal Atatürk stofnaði núverandi tyrkneska lýðveldið. Nafnið er komið af því að landið hafði tapað stórum hluta af yfirráðasvæðum sínum í styrjöldum og infrastrúktúrinn var allur annað hvort miðaldarlegur eða í niðurníðslu og er orðatiltækið komið til vegna ummæla Nicholas I Rússakeisara um Ottoman-ríkið. Þrátt fyrir slæma útreið náði landið sér þó aftur á strik. 

Þegar orðatiltækið "Veiki maðurinn í Evrópu" er notað yfir önnur lönd, þá er það stæling á því upprunalega um Ottoman-ríkið. Hvort það sé fullgilt að nota það fyrir Bretland, sem fór nú ekkert á hausinn þótt nýlendurnar fengju sjálfstæði, er spurning.