Frægð að endemum skárri en engin frægð?

Nú eru þeir dagar þegar árið 2010 er gert upp og það markverðasta, sem gerðist dregið fram.

Í ensku er orðið "infamy" notað sem nokkurs konar samheiti yfir orðin "illræmdur" og "frægð að endemum." 

Roosevelt notaði þetta orð um 7. desember 1941 þegar Japanir réðust á Perluhöfn og sagði um þann dag:  "It will live in infamy". 

Nú er Eyjafjallajökull kominn á þennan stall en oft reyna útlendingar að komast hjá því að nefna þetta erfiða nafn með því að tala um "íslenska eldfjallið". 

Svona fyrirbrigði eru til um víða veröld og má nefna nöfn eins Pompei, Örlygsstaði eða Hirosima sem dæmi.

Oft draga þau að sér þúsundir ferðamanna og er frægðin því jákvæð að því leyti. Gosið í Eyjafjallajökli 2010 og í Heimaey 1973 munu því koma sér vel fyrir ferðaþjónustuna á næstu árum. 

Þorparinn Eyjafjallajökull

Athugasemdir

[Guðjón Sigþór Jensson, 26.12.2010 kl. 13:02]

Þá má ekki gleyma Laka og Skaftáreldum 1783-1785. „Móðuharðindin“ höfðu gríðarleg áhrif langt út fyrir Ísland. Talið er að þau hafi valdið þráleitum uppskerubresti í Mið-Evrópu sem varð ein af meginástæðum að stjórnarbyltingunni á Frakklandi sem hófst 14.júlí 1789.

Skjólstæðingar mínir, þýskumælandi ferðafólkið, verður alltaf mjög snortið við frásagnir um þessa tíma en eg staldra gjarnan í Skaftáreldahrauni, oft við litla trjálundinn sem Guðmundur Sveinsson frá Vík gróðursetti rétt við þjóðveginn vestur af Kirkjubæjarklaustri. Finnst mörgum einkennilegt að við Íslendingar reynum ekki að klæða þetta hraun skógi og hafa góðar og miklar nytjar af honum. Einn ferðamannanna í seinustu ferðinni minni sagði mér að þarna væri greinilegt auðvelt að hefja skógrækt í stórum stíl, héraðsmönnum til mikillra hagsbóta. Hann bætti síðan við: „Sjálfsagt hafið þið Íslendingar haft mjög slæma minningu um þessa skelfilegu atburði þegar þið akið um þetta gríðarlega stóra og víðlenda hraun. Þið ættuð að skoða þetta gaumgæfilega og endilega komdu þessu á framfæri“.

Það þurfti ekki meira til. Síðan hefi eg rætt þetta við ýmsa sem hafa tekið misjafnlega í þessa hugmynd. En skógrækt á þessu svæði gæti orðið mikil lyftistöng einhæfs atvinnulífs í Vestur Skaftafellssýslu.

Mosi

[Sigurgeir Jónsson, 26.12.2010 kl. 17:00]

Náttúran er síbreytileg, og enginn mannlegur máttur getur stjórnað henni.Eitt sinn var ég staddur á fundi VG. þar sem fram kom tillaga um að setja í lög, bann við að rennsli jökulvatna yrði breytt.Þá var varpað fram þeirri spurningu hvort þetta ætti líka við þegar vötn tækju upp á því að breyta sér sjálf.Vötnin sem streyma undan Vatnajökli sunnanverðum taka skyndilega upp á því að skilja árfarvegi eftir þurra, nú síðast Skeiðará.Það sem mannskepnan gerir sem orsakar breytingar á náttúrunni er ekki nema lítið brot af því sem náttúran gerir sjálf.Mestu breytingar á náttúrunni urðu áður en maðurinn hafði nokkurt tækifæri til að hafa þar áhrif á.Eyjafjallajökull er dæmi um það að eyðing af völdum náttúrunnar sjálfrar ræður mestu um breytingar á landi.Guð ræður.

[Jóhannes Bjarki (IP-tala skráð) 26.12.2010 kl. 17:14]

he only thing worse than being talked about is not being talked about." - Oscar Wilde

[Guðjón Sigþór Jensson, 26.12.2010 kl. 18:42]

Nú liggur fyrir Alþingi frumvarp um nokkrar breytingar á lögum um náttúruvernd. Þar m.a. lagt til breytingar á 41. gr. þar sem bannað verði með öllu innflutningur framandi lífvera nema með leyfi Náttúrufræðistofnunar. Með rökum má segja að þessi hugmynd sé 100 árum á eftir tímanum ef ekki ætti að koma í veg fyrir þann skelfilega „voða“ sem stafa kann af innflutningi framandi lífvera.

Skógfræðingar með Aðalstein Sigurgeirsson í fararbroddi hafa gagnrýnt frumvarpið á faglegum forsendum og benda á að ef frumvarpið verður samþykkt án breytinga, er verið að grafa undan skógrækt í landinu.

Nú hafa á undanförnum áratugum verið fluttar til landsins eintök nánast hvers einansta katta- og hundakyns. Kykvendi þessi sem telst væntanlega til framandi lífvera, hafa lifað í landinu um nokkra hríð. Þá er þess að geta að í meira en 100 ár hafa erlend innflutt tré verið reynd til ræktunar hérlendis og hafa margar tegundir þeirra reynst prýðilega við íslenskar aðstæður.

Í síðasta Skógræktarriti er grein eftir undirritaðan um Þingvallaskóg, sögu hans og nytjar, skógrækt barrtrjáa og sitt hvað fleira. Í greininni er reynt að koma við vönrum gagnvart barrtrjám enda verður að fyrir löngu er þörf á því að breyta viðhorfum margra Íslendinga til skógræktar. Trjátegundir sem reynst hafa vel við aðstæður hér, hafa sannað sig og ættu að vera viðurkenndir „nýbúar“ í þessu landi. Skógrækt getur komið okkur að miklu gagni bæði fjárhagslega sem fagurfræðilega og heilsusamlega. Mætti efla atvinnulíf landsmanna verulega með því að leggja meira land undir þessa tegund landnýti gar sem ekki þarf að keppa við aðra landnýtingu.

Skógræktarritið liggur frammi á öllum betri bókasöfnum landsins auk þess sem unnt er að gerast áskrifandi þess hjá Skógræktarfél. Íslands, síminn þar er: 551-8150.

Með bestu kveðjum

Mosi alias 

[Ómar Ragnarsson, 27.12.2010 kl. 01:05]

 Rökin "mennirnir eiga að breyta því sem þeim sýnist vegna þess að náttúran breytir hvort eð miklu meira en þeir" fá ekki staðist.

Samkvæmt því væri bara í góðu lagi að reisa  stóra jarðvarmavirkjun við norðanvert Þingvallavatn vegna þess að náttúran eigi hvort eð er eftir að breyta svæðinu miklu meira síðar.

Með því að láta þennan hugsunarhátt gilda getum við einfaldlega lagt niður alla náttúruvernd á íslandi og látið reisa hvers kyns mannvirki hvar sem er