Margrét Erla á pari með Klovn!

Var að horfa á Margréti Erlu Maack brillera í viðtali í Kastljósi við "Klovn" félagana, Casper og Frank.

Þetta var svo dásamlega eðlilegt og vel af hendi leyst hjá henni að unun var á að horfa. 

Það er sjaldgæft að sjá svo vel útfært viðtal af þessu tagi af hálfu Íslendings þegar útlendingar eiga í hlut. 

Það getur verið mun erfiðara að taka viðtal við snjalla grínara en flesta aðra, ekki síst á erlendu máli. 

Margrét Erla fór alveg hárrétta leið þegar hún ákvað að láta ekki setja þýðingartexta neðanmáls heldur gerði viðtalið að þríleik þar sem þriðji / fjórði aðilinn sem hún talaði við í leiðinni voru íslenskir sjónvarpsáhorfendur þegar hún var að þýða orð Dananna jafnóðum fyrir okkur, sem horfðum á þetta heima. 

Ég segi fyrir mig: Til hamingju, Margrét Erla! Bravó! 

Frank og Casper á Íslandi

Athugasemdir

[albert (IP-tala skráð) 6.1.2011 kl. 21:25]

Þú og Björk verðið að gefa út þennan flutning á laginu 3hjól undir bílnum. Snild

[Jenný Stefanía Jensdóttir, 6.1.2011 kl. 21:25]

Þú varst nú svo sem ekkert til skammar heldur.  Aldeilis frábært framtak þarna á ferðinni, með kærri þökk til allra aðstandenda.

[Sigurður Þorsteinsson, 7.1.2011 kl. 06:47]

Tek undir með þér